2 Tham 12:13 - JAM DE NHIALIC 2011

¹³ Go Debid lɛ̈k Nathan an, “Yɛn cï awäc luööi Bɛ̈nydït.” Go Nathan puɔ̈k nɔm Debid an, “Bɛ̈nydït acï yïn päl awɛ̈ɛ̈cku. Ka yïn cïï bï thou.

2 Tham 12:13 ပူးပေါင်းရင်းမြစ်များ

Cäk 39:9

Yɛn cï nɔm dɛ riɛl cït riɛlde baai eenë. Ku acïn këdɛn kën gäm ɛn, ee yïn akën gäm ɛn yïtök. Ka ye tak duɛ̈ɛ̈r kërɛɛc cït ë kënë bɛ looi adï, ku wääc Nhialic piɔ̈u?”

2 Tham 24:10

Na wën cï Debid kɔc thöl ë kuën, go jam de piɔ̈u ye nuaan, ago lɛ̈k Bɛ̈nydït an, “Yɛn cï kërac aläl looi. Yïn läŋ päl ë yɛn awänydï. Acä looi në dhɔ̈ɔ̈n.”

2 Tham 24:17

Na wën aa tïŋ Debid tunynhial wën näk kɔc, go lɛ̈k Bɛ̈nydït an, “Ee yɛn ë loi kërac. Ee yɛn cï awäc looi. Eeŋö cïï ë kɔc kuany nyïïnkë looi? Yïn duëër ya luöi këtuc wokë kɔc ke dhiëndï.”

1 Mel 13:4

Na wën aa jɔ melik Jerobowam jam ë raan de Nhialic jiëëm en yïk në Bethel piŋ, ke jɔ yecin guɔ riɛny tueŋ ë yïk nɔm ke nyoth tiët ë Nhialic an, “Damkï!” Go ciindɛn awën nyooth en tiët ril wei, ka cïn luɔi dhuk en rɔt në yeguöp.

1 Mel 21:20

Go Aɣap Elija thiëëc, an, “Cï ya yök, yïn raandiën de ater?” Go bɛ̈ɛ̈r, an, “Yïn cä yök, në luɔi cï yïn rɔt gam bä kërac looi ë Bɛ̈nydït nyin.

1 Mel 22:8

Go Aɣap jam de Jeɣocapat bɛ̈ɛ̈r an, “Ade raan däŋ nu duëër wok Bɛ̈nydït luɔp në yen, Mikaya wën ë Yimla, ku amaan guöp, acïn këpiɛth cï kɔn caar në biäkdï, ee kërac ëbɛ̈n.” Go Jeɣocapat bɛ̈ɛ̈r an, “Yïn cïï ee kënë duëër lueel!”

2 Mel 1:9

Go bɛ̈ny ë rem de tɔŋ tuɔɔc kekë kɔc kathiërdhïc bïk Elija lɔ bɛ̈ɛ̈i, go bɛ̈ny ë rem de tɔŋ ye lɔ yök ke rɛ̈ɛ̈r në kuur nɔm, ku lëk en an, “Raan de Nhialic, yïn cï melik yɔ̈ɔ̈k an, bä piny.”

1 Lëk 21:8

Go Debid lɛ̈k Nhialic, an, “Yɛn cï wäc arëët në kë cän ee kënë looi! Pälë yɛn awänydï. Yɛn cï kuöc luui ë ciën piɔ̈u.”

2 Lëk 16:10

Kënë acï Atha bɛ̈n tɔ diu piɔ̈u kekë monydaai, ago tɔ dɔm ku rek. Yen ee kaamë yic yen aacï Atha kɔc kɔ̈k bɛ̈n yɔŋ ë yaaŋ rac.

2 Lëk 25:16

Ago Amadhia bɛ̈ɛ̈r an, “Ee nɛn yen cï wok yïn tɔ ee raan ee melik riit piɔ̈u, mim thok, na lɔ lɔ jam ke yïn bä tɔ näk!” Go tiët mim ku lueel an, “Ënɔɔnë acä ŋic nɔn bïï Nhialic yïn dhil riɔ̈ɔ̈k në biäk cïï yïn ee kajuëckë looi ku rɛɛcë lööŋkï.”

Jop 33:27

Yen abï lueel në kɔc nïïm an, yɛn cï wäc acïn yic cä looi, ku akënë ë Nhialic kuɛ̈n ɛn.

Diɛt 103:12

Acït mɛc de kaam de aköl amiäk, kekë aköl athɛ̈i, yen acït luɔi bï yen karɛckuɔ nyaai tëde wook.

Diɛt 51:16

Yïn cïï piɔ̈u ee miɛt ë miɔ̈c näk, aduɛ̈ɛ̈r keek bɛ̈ɛ̈i, yïn cïï piɔ̈u ee miɛt në miɔ̈c ye nyop ëbɛ̈n.

Diɛt 51:4

Yɛn cï kërac luöi Yïn, ee Yïn Yïtök Yïn acä luöi kërac, ka Yïn de nɔm yic në luöi bï Yïn ɛn luöi këtuc. Ku Yïn cïn guöp awäc të lui yïn ɛn këtuc.

Diɛt 51:6

Tïŋ, Yïn ee yic kɔɔr në raan yäc thïn, ku ënɔɔnë wɛ̈ɛ̈të yɛn në pɛlënɔm ë ya piɔ̈u thïn.

Bɛ̈n 9:27

Na wën, ke melik ë tɔ Mothe cɔl kekë Aron, ku lëk keek an, “Bɛ̈nydït ade nɔm yic. Ee yɛn ë wäc en wokë kɔckï.

Kɛ̈ŋ 25:12

Pïŋ de jäny ë raan pɛlënɔm ee ciët yöŋ de adhääp ku kaläk de naamden.

Kɛ̈ŋ 28:13

Raan ee kë cï wööc thiaan acïn këdɛn ee lɔ tueŋ, ku raan awɛ̈ɛ̈cke gam ku pɛ̈l ke ee kokdepiɔ̈u yök.

Yith 38:17

Tuöcëpiɔ̈ndï abï rɔt puk ke ee mät. Yïn ë ya luök wëi në karɛc yiic ëbɛ̈n Yïn cï ya päl awänydï ëbɛ̈n.

Yith 43:24

Wek kën a ɣɔ̈c wal ŋïr, nɔn takï ya kueth në kɔɔl ke läikun. Në nyinden yic wek cï ya doony në awɛ̈ɛ̈c, we cï ya tɔ bäp në awɛ̈ɛ̈ckuön yak ke looi.

Yith 44:22

Yɛn cï awɛ̈ɛ̈cku cuɔth wei cït man ë luäät. Bäär dɔ̈kë rɔt ɛn, ee Yɛn ee raan ë kony yïn.”

Dhiëëu 3:32

Aduëër wook tɔ jeth piɔ̈ɔ̈th, ku abï piɔ̈u kok, në biäk de nhiëërdɛn agɔk nhiɛɛr En wook.

Lebai 20:10

Na lɔ raan tiiŋ de raandäŋ nööm, na ee tiiŋ ë raan rɛ̈ɛ̈r kek yen ë mony ë nöm tik kekë tiiŋ ë nöm abïï keek dhil nɔ̈k kedhie.

Lebai 24:17

Na de raan cï raan nɔ̈k, ke abï dhil nɔ̈k.

Dhek 3:4

Go tunynhial lɛ̈k kɔc wën kääc në yelɔ̈ɔ̈m an, “Yɔ̈ɔ̈tkï lupɔɔ nhianykë bei në yekɔ̈u. Na wën, ke lëk Jocua an, “Tiŋ, awɛ̈ɛ̈cku acä ke nyaai ënɔɔnë. Ku yïn gäm lupɔɔ piɛth bä cieŋ.”

Math 14:10

Go raan tooc, an le Jɔn kiɛp nɔm wei ë aloocic.

Luk 15:21

Go wënde lueel an, ‘Wäär, yɛn ë kërac luöi Nhialic, ku luöi yïn kërac aya, ku yɛn cïï be röŋ në luɔi bï a cɔl wëndu.’

Luk 18:13

Go raan ë athölbö tɔ kut kɔ̈ɔ̈c tëmec, ku reec e nyin jat nhial, ku jɔ yepiɔ̈u biɔ̈ɔ̈k, ku lueel an, ‘Nhialic kok piɔ̈u we yɛn, yɛn ee raan ee kërac looi!’

Luɔi 2:37

Na wën, aa cïk jamë piŋ, ke ke guutë piɔ̈ɔ̈th, ku thiëckï Petero kekë kɔc kɔ̈k ë piööcë an, “Wäthii mïthëkɔckuɔ, eeŋö buk looi?”

Ɣeberuu 9:26

Ku na ye rɔt gaam ë ruöön thok ëbɛ̈n Yen Kërtho adï cï gum raanjuëc gɔl të wään ciɛkë piny cït man ë bäny ke kake Nhialic ke Judai käŋ nɔ̈k ë ruöön thok ëbɛ̈n. Ku ë nɔn ciëënë në thök de luɔi de löŋ thɛɛr, ke jɔ rɔt nyuɔɔth raantök në luɔi cï yen riɛl ë kërac nyuän piny në gɛ̈m cï Yen rɔt gäm Nhialic näk nyiɛɛiyë karɛckuɔ.

1 Jɔn 1:7

ku na ciɛthku tëɣer, cït man nu yen tëɣer, ke wok ee abärɔ mat wapäc, ago riɛm ë Yecu Kërtho Wënde wook aa waak në kërac ëbɛ̈n.

Nyuuth 1:5

ku në kë bɔ̈ tëde Yecu Kërtho, ee cäätɔ adöt, ku ye raan cï dhiëëth ke ye kɛ̈ɛ̈i ë kɔc cï thou yiic, ku ye Bɛ̈nydïït nu ë Meliik ke piny nɔm nïïm. Raan ë wo nhiaar, ago wo waak në karɛckuɔ në riɛm de yenguöp,

1 Tham 15:20

Go Thaulo bɛ̈ɛ̈r an, “Ku yɛn cï Bɛ̈nydït piŋ röl, yɛn cï luɔi cï Bɛ̈nydït gäm ɛn looi. Yɛn cï kɔc ke Amalek riɔ̈ɔ̈k taitai ku pɛɛc meliŋden Agak.

1 Tham 15:30

Go Thaulo bɛ̈ɛ̈r an, “Yɛn cï kërac looi, yïn läŋ bä ya riëëu guöp në kɔcdïtkuɔ nïïm ku kɔc ke Yithriɛl nïïm. Bäär ciëën wokë yɛn, aguɔ Bɛ̈nydït Nhialicdu lɔ lam.”