2 Tham 11:27 - JAM DE NHIALIC 2011

²⁷ Na ɣɔn aacï tëde dhiëëu nɔm wan, go Debid tik tɔ lee bɛ̈ɛ̈i paande, ku jɔ tɔ ye tiiŋde. Go ye dhiëth wënde. Ku Bɛ̈nydït acï piɔ̈u bɛ̈n diu në kë cïï Debid looi.

2 Tham 11:27 ပူးပေါင်းရင်းမြစ်များ

Cäk 38:10

Këdɛn ë ye looi ë Bɛ̈nydït bɛ̈n wööc piɔ̈u, go Bɛ̈nydït e nɔ̈k ayadäŋ.

2 Tham 12:9

Eeŋö ee yïn jam de Bɛ̈nydït biɔɔn, abä kërac looi ë yenyin? Yïn cï Yuria raan ë Ɣit nɔ̈k në abätäu, ku nöm tiiŋde bïï aa këdu, ku acï tɔ lɔ näk në abätäu de kɔc ke Ammon!

2 Tham 15:26

Ku na cïï Bɛ̈nydït piɔ̈u mit kekë yɛn, apiɛth, abï këdɛn cï tak luöi yɛn.”

1 Mel 21:16

Na wën, aa piŋ Aɣap nɔn cï Naboth thou, ke nöm dom de enap, dom ë Naboth raan ë Jedhreel.

1 Mel 21:20

Go Aɣap Elija thiëëc, an, “Cï ya yök, yïn raandiën de ater?” Go bɛ̈ɛ̈r, an, “Yïn cä yök, në luɔi cï yïn rɔt gam bä kërac looi ë Bɛ̈nydït nyin.

1 Lëk 21:7

Nhialic akën piɔ̈u miɛt kekë kë cï loi, go kɔc ke Yithriɛl luöi këtuc.

Diɛt 5:6

Yïn ee kɔc ee lueth töör riɔ̈ɔ̈k kedhie, Yïn man kɔc ke akuöörkuöör, ayï kɔc ee mɛth.

Kɛ̈ŋ 6:29

Yen täude ka kekë raan ee tiiŋ lei kɔɔr. Acïn raan duëër tiiŋ ë mony däŋ nööm ku rëër ke cïn këtuuc yök en.

Yith 29:15

Amawoou në kɔc ee kïïtden thiaan në Bɛ̈nydït! Ayek kïïtden looi ë mɔ̈ɔ̈thic, ku yek tak an cïn raan bï ke tïŋ ku nɔn ŋic kë loikï.

Dhiëëu 3:36

Të kënë löŋ ŋiëc guiir ë gööny yic amɛɛn ë Bɛ̈nydït.

Math 1:6

Ku dhiëth Jethe Debid melik. Ku dhiëth Debid melik Tholomon në tiiŋ wään cï kɔn aa tiiŋ de Yuria.

Nyöŋ 22:29

monyë abï kuën de thiëëk gäm wun duet, thiërdhïc de ateek, ku nyanë abï aa tiiŋde. Në biäk cï yen tɔ tɔ̈c ke yen në riɛl. Ku acïï bï kɔn tɔ pɔ̈k kekë yen në akööl pïïr kek ëbɛ̈n.

Ɣeberuu 13:4

Week mïthëkɔckuɔ, ë thiëëk ë ye riëëu në kɔc kedhie. Yak kë nhiany tɔ mec në biöŋ ë thiëëkic. Kɔc cïn gup athɛɛk kedhie ku kɔc ee diëër lei kɔɔr abï Nhialic ke löŋden guiir atuc.