2 Tham 11:2 - JAM DE NHIALIC 2011

² Na ɣɔn thëën ë kööl tök ke Debid ë jɔt rɔt ë biökke yiic ku jɔ cath ke wil ɣönde nɔm nhial. Ku të wën ŋoot en në ɣöt nɔm, ke tïŋ tik ke waak paande. Ku tik aa läk aläl.

2 Tham 11:2 ပူးပေါင်းရင်းမြစ်များ

Cäk 12:11

Na wën, ale thiɔ̈k ke Rip, ke lëk Tharai tiiŋde, an, “Aŋiɛc nɔn yïn tiiŋ läk aläl.

Cäk 3:6

Ago tik tim tïŋ ke läk, tim röŋ ë mïthke në cäm, ku ye tim bï kɔc tɔ ŋic käŋ. Ago meth tet ku ciɛm, ku gëm biäk monyde. Go monyde cam ayadäŋ.

Cäk 34:2

Na wën, atïŋ ë Cekem en, wën ë Ɣamor, bɛ̈ny de ee wunë, raan ë Ɣib, ke lɔ ku dɔm, ku wit piny, ku nööm ë nɔ̈m ayäär.

Cäk 39:6

Ago Pɔtipar kake jɔ tääu në Jothep ciin kedhie, ku cïn këdɛn yen bɛ diɛɛr, ee pëk ë cäm kɔ̈u yetök. Ku Jothep aaye dhuŋ lɛ̈ɛ̈k ee kɔc diir.

Cäk 6:2

Ku wɛ̈ɛ̈t ke Nhialic acï duet ke bɛ̈n diir, agokï röt lɔ̈c diäär në keyiic cït man ë kë kɔɔr ë piɔ̈nden.

2 Tham 13:1

Debid ade nɔm wëndɛn cɔl Abthalom ku wën däŋ cɔl Amnon. Abthalom ade nɔm nyankënë läk kënë thiaak cɔl Tamar, ku yen anhiɛɛr Amnon.

2 Tham 14:27

Ku Abthalom ade wɛ̈ɛ̈t kadiäk ku nyan töŋ cɔl Tamar, ee tiiŋ läk arëët.

2 Tham 4:5

Rekap ku Baana, wɛ̈ɛ̈t ke Rimon, raan wun ë Beeroth acïk lɔ paan ë Yiciboceth ɣɔn thëën ku yɔ̈kkï ke cï tɔ̈c.

2 Tham 4:7

Wën cï kek ɣet ɣöt, gokï yök anin në agende nɔm, agokï nɔ̈k ku tëëmkï nɔmde bei. Gokï nɔmde jɔt në keek ëtök, ku tëëkkï në kueer de Araba ruukï ke ke cath ke ke kuany Wak ë Jordan yic.

Jop 31:1

Yɛn cï gutguut lueel cïn nyan dhueny bä woi në yapiɔ̈u,

Diɛt 119:37

Gël yɛn ë luɔi bän yapiɔ̈u wël kërac, tɔ rɔt piath wekë yɛn, cït man cïï yïn gutguut lueel.

Kɛ̈ŋ 19:15

Adaakrɔt amääth ke nïn ku abï teer ke cɔk.

Kɛ̈ŋ 31:30

Läk de guöp acïï kït ke läk de piɔ̈u, ku tiiŋ ee Bɛ̈nydït riëëu arɔ̈ŋ ke piɔ̈ny.

Kɛ̈ŋ 6:25

Du rɔ bï tɔ meet ë läkden. Du rɔt tɔ diir ë läk de kenyïïn.

Kɛ̈ŋ 7:8

Aa tiëŋ atëk në kueeric të lɔ aguk de ɣön cieŋ ë tiiŋ tök. Aa tëk ë ɣön ë tik lɔ̈ɔ̈m,

Jeremia 19:13

Ɣööt ke Jeruthalem, ku ɣööt ke meliik ke Juda, ku lɔ ɣööt kedhie, ɣööt ye ke wal ŋïr nyuöp kuɛl ë kenïïm, ku të cï mɔ̈u gam thïn ke ye miɔ̈c gɛ̈më yiëth, abïk yiic cuɔl kedhie cït Topeth.”

Math 10:27

Kë ye lɛ̈k week tëcol, yak lueel, tëɣer, ku kë yak piŋ ë yïcic, yak guiir ë ɣööt nïïm.

Math 24:17

Ku raan nu ë ɣöt nɔm nhial ë cïï bɔ̈ piny bï käŋ bɛ̈n bɛ̈ɛ̈i bei ɣönde.

Math 5:28

Ku wek yɔ̈ɔ̈k an, “Raan ëbɛ̈n raan lɔ tik woi, ago ye dɔ̈m ŋɔ̈ɔ̈ŋ, ka ye guɔ lɔ kekë yen ë yepiɔ̈u.

Luɔi 10:9

Na ɣɔn amiäk, të ŋoot kek kueer, ku cïk thiääk ë pänydït, të cï akɔ̈l kɔ̈ɔ̈c cil, go Petero lɔ nhial ë ɣöt nɔm le lɔ̈ŋ.

Nyöŋ 22:8

“Të piac wek ɣön lɔ nɔm rairai yïk, yak them aläl bäk kal thiinakäŋ looi në ɣöt nɔm, aguɔkï gup ciën awäc në biäk de raan bï wïïk ë ɣöt nɔm ku thou.

Nyöŋ 5:21

‘Du tiiŋ de raan däŋ woi në yïpiɔ̈u, ku du ɣönde woi në yïpiɔ̈u, ayï pinyde, ayï lïïmke, ayï ɣɔ̈kke, ayï mulke, ayï këriëëcdɛn tɔ̈u kekë yen ëbɛ̈n du woi në yïpiɔ̈u.’

1 Pet 4:7

Ku thök bï käŋ thök kedhie acï guɔ thiɔ̈k: yen piath wek nïïm, ku yak röt tiit aguɔkï Nhialic ŋiëc aa lɔ̈ŋ.

1 Jɔn 2:16

Këriëëc nu ë piny nɔm, yï ŋɔ̈ɔ̈ŋ de guöp, ku ŋɔ̈ɔ̈ŋ de nyin, ku lɛc ye raan rɔt leec në ka ke pïïr, acïkï ë ka ke Wääda, ayek ka ke piny nɔm.

1 Tham 9:25

Ku ëtɛ̈ɛ̈n, na cïk jɔ bɛ̈n piny të de lɔ̈ŋ, ke ke lɔ wut, go Thamwɛl jɔ jam kekë Thaulo ɣöndɛn nhial.