2 Tham 10:12 - JAM DE NHIALIC 2011

¹² Tɔ rɔt ril, ku ŋɛɛnyë! Wok bï tɔŋ dhil thɔ̈ɔ̈r në riɛl, në biäk de kɔckuɔ ku pɛ̈ɛ̈nydït ke Nhialicda. Ku Bɛ̈nydït abï këde piɔ̈nde tɔ looi!”

2 Tham 10:12 ပူးပေါင်းရင်းမြစ်များ

2 Tham 10:11

Go Jowap lɛ̈k Abicai an, “Na lɔ kɔc ke Thiriya ya tiaam, ke yï kony yɛn, ku na cïï kɔc ke Ammon yïn tiaam ke yïn bä lɔ kony.

2 Tham 15:26

Ku na cïï Bɛ̈nydït piɔ̈u mit kekë yɛn, apiɛth, abï këdɛn cï tak luöi yɛn.”

1 Lëk 19:13

Riit yïpiɔ̈u, piɔ̈tku ë riɛl në biäk de kɔckuɔ, ku në biäk de pɛ̈ɛ̈nydït ke Nhialicda. Ku në këde piɔ̈n ë Bɛ̈nydït ë loi.”

2 Lëk 32:7

“Takï röt ril, ku riɛtkï wepiɔ̈ɔ̈th, ku duökï riɔ̈c në melik de Athiriya, ku nɔn ee remdɛn de tɔŋ cath ke yen. Wok de nïïm riɛldït ë biäkda, riɛl wär riɛl cath ke yen.

Neɣe 4:14

Acï tïŋ nɔn riɔ̈ɔ̈c ë kɔc, aguɔ lɛ̈k keek në bänyken, ku bäny ke luɔi, an, “Duökï riɔ̈c në kɔc ke aterda, yak we nïïm tak në Bɛ̈nydït, luɔi dïït En, ku ye këde riɔ̈ɔ̈c, ku thärkï tɔŋ në biäk de kɔc ke wundun, ku mïthkun, ku diäärkun ayï ɣöötkun.”

Neɣe 4:8

Ku jɔkï kiɛɛr mat kedhie bïk bɛ̈n ku mɛkï Jeruthalem, ku bïk kɔc tɔ nuɔɔn nïïm,

Ethta 4:16

“Lɔ määtë kɔc ke Judai kedhie, kɔc nu ë Thutha, bïk thek në biäkdï, ë ke cïï cäm ku cïkkï dëk ë nïn kadiäk aköl ku wakɔ̈u, ku yɛn wokë duet lui ë yɛn, wok bï thek aya cït man ë kek, ku ëtɛ̈ɛ̈n yɛn bï jɔ lɔ tëde Melik na cakaa nɔn yen dhäŋ de löŋicë, na cï ya nɔ̈k ë ya thou.”

Jop 1:21

Go lueel an, “Yɛn aa bɔ̈ bei yiëëc në yacin ku yɛn bï jäl në yacin, ee Bɛ̈nydït Yen aa miɔ̈c ku acï bɛ puk nɔm, ë rin ke Bɛ̈nydït ë ke piɔny!”

Kuɛ̈n 13:20

Ku tiëŋkï na ee piny ŋic luɔk ku cie luɔk, ku nɔn de yic roor ku nɔn cïnic roor. Riɛtkï wepiɔ̈ɔ̈th ku bɛ̈ɛ̈ikï mïth ke tiim ee luɔk ëtɛ̈ɛ̈n. (Aake lɔ në akööl ye enap luɔk ee pinyë).

1 Kor 16:13

Yak röt tiit, kääckï apiɛth ë gämic, yak luui ë luɔi ë röör, yak riɛl.

Nyöŋ 31:6

Tɔ rɔt ril ku tɔ rɔt ee jöt. Du riɔ̈c ku du piɔ̈u pɛ̈u wei në biäkden. Në luɔi bïï Bɛ̈nydït Nhialicdun cath kekë week, acïï week bï kɔn pɔ̈l ku cïï we nyiëëŋ wei.”

Nyöŋ 31:7

Ku ëtɛ̈ɛ̈n Mothe ë Jocua bɛ̈n cɔɔl ku yöök në kɔc ke Yithriɛl nïïm kedhie an, “Tɔ rɔt ril ku tɔ rɔt ee jöt, në baŋ bï yïn dhiɛl jäl wekë ë kɔckë, lak piny wään cïï Bɛ̈nydït lɛ̈k kuarkun an bïï gäm keek. Ku abä dhiɛl tɛ̈k keek ke ye këden.

Ɣeberuu 11:33

Gämdɛn de yic aŋäth yen aa tɔ kɔc kɔ̈k në keyiic thäär ë wuöt, abïk tɔɔŋ ke meliik tiaam, ku loikï löŋ lɔ wai ee löŋ ŋiëc tiiŋic. Gokï ka cï Nhialic kɔn lɛ̈k keek yök, në biäk de gäm de yic aŋäth acïk kɔ̈ɔ̈r bɛ̈n dɔm thook.

Ɣeberuu 13:6

Ku ee kënë ee wo ŋuak në riɛl ë nyin ku aŋäth lueel wok en an, “Bɛ̈nydït ee konyda, wok cïï bï riɔ̈ɔ̈c. Eeŋö bï raan luöi wook?”

Jocua 1:18

Raan ëbɛ̈n, raan lɔ jamdu dhɔ̈ŋic, ayï raan reec jamdu piŋ, abï nɔ̈k. Ka yïn rit yïpiɔ̈u, ku tɔ rɔt ril.

Jocua 1:9

Yïn cä yɔ̈ɔ̈k an rit yïpiɔ̈u, ku tɔ rɔt ril. Du rɔt tɔ riëëcë, ku du rɔt pɛ̈l wei, Bɛ̈nydït Nhialic abï tɔ̈u ke yïn alɔ të le yïn thïn.

Bäny 10:15

Go kɔc ke Yithriɛl Bɛ̈nydït yɔ̈ɔ̈k, an, “Wok cï karɛc wööc, luöiyë wook kë Ye tak ke piɛth. Yïn lɛ̈ŋku luäk wook ënɔɔnë Bɛ̈nydït.”

1 Tham 14:12

Go Pilithiin wën tɔ̈u ëtɛ̈ɛ̈n Jɔnathan kekë dhuŋ muk kakɛn ë tɔŋ cɔɔl në röldït, an “Bäkkï tënu wok thïn, ke we buk bɛ̈n nyuöth kë kaarkï!” Ago Jɔnathan dhuŋ muk kakɛn ë tɔŋ cɔɔl an, “Bäär nhial kuany ya cök. Acïï Bɛ̈nydït keek tääu në Yithriɛl ciin.”

1 Tham 14:6

Go Jɔnathan dhuŋ ee kakɛn ë tɔŋ muk yɔ̈ɔ̈k an, “Bäär lokku të de rem de kɔc kuc Nhialic, tɛk däŋ bï Bɛ̈nydït wook kuɔny, acïn kë duëër Bɛ̈nydït pɛ̈n luɔi kony En wo, cakaa nɔn ye wok kɔc lik.”

1 Tham 17:32

Go Debid lɛ̈k Thaulo an, “Acïn raan duëër riɔ̈ɔ̈c në ee Pilithiinë bɛ̈ny! Yɛn bï lɔ piɔ̈t wo yen.”

1 Tham 3:18

Ago Thamwɛl ye lɛ̈k këriëëc ëbɛ̈n, abïï ciën kë dɔ̈ŋ. Na wën ke lueel an, “Yen ee Bɛ̈nydït, abï këdɛn cï tïŋ ke piɛth looi.”

1 Tham 4:9

Ka wek kɔc ke Pilithiin riɛɛtkï röt piny! Ku takï röt ee röör, na cie yen ke wek bï aa lïïm ke kɔc ke Ɣeberuu ee köölë, cït man wään kɔn kek aa lïïmkuɔ. Ka week takï röt ee röör ë gɔk!”