2 Pet 3:7 - JAM DE NHIALIC 2011

⁷ Ku tënhial kekë piny nu ënɔɔnë acï ke tɔ̈ɔ̈u, në jam manë, bïk mac tiit, ku aye ke muk aɣet kööl ë guiëërëlöŋ de kɔc reec Nhialic, kööl bï kek riääk ëliŋliŋ.

2 Pet 3:7 ပူးပေါင်းရင်းမြစ်များ

Diɛt 102:26

Abïk riäär kedhie, ku Yïn bï döŋ, abïk riääk cït man ë lupɔɔ. Ku abä ke rɛt cï lupɔɔ, ku abïk riäär taitai.

Diɛt 50:3

Nhialicda abɔ̈, ku acïï thok mim, many ee kɔc cuääl anu ë Yenɔm tueŋ, ku amaŋdït acath ë Yelɔ̈ɔ̈m ke wil Ye piny.

Yith 51:6

Tïŋ paannhial, ku bɛ piny tïŋ! Paannhial abï määr cï nɔn ë tol, piny abï dhiap cï lupɔ thɛɛr, ku kɔcke kedhie abïk thou cït man ë luaŋ. Ku kuɔny bä bɛ̈ɛ̈i abï tɔ̈u aɣet athɛɛr, tiëmdï yen ee thök de käŋ.

Yith 66:15

Bɛ̈nydït abï bɛ̈n ke mac. Abï bɛ̈n në wuök ke amaŋ kɔ̈ɔ̈th, bïï kɔc göth e yen bɛ̈n luöi këtuc.

Danyel 7:9

Ku të wën daai yɛn, thöc acï keek tääu piny, ku raan pïïr aɣet athɛɛr ya acï nyuc në thööc tök nɔm. Lupɔɔke aɣeerkï cït alath awai, ku nhïmke acïtkï linɔn lɔmot. Ku thööcde acï guiir në cök dɛ̈p, alek bilbil ë mac,

Dhep 3:8

Aye Bɛ̈nydït lueel an, “Kääckï, tiɛtkï kööl bän rɔt jɔt, ke Ya ye cäätɔ gɔɔny juöör, acä dhel ë Yapiɔ̈u luɔi bän juöör ku lɔ ciɛɛŋ ke pinynɔm määtic, ke ke bä tɔ yök tuöc ë thok de agönhdï. Pinynɔm ëbɛ̈n abï riɔ̈ɔ̈k në many de agönhdï.

Malakai 4:1

Piɛŋkï kë lueel ë Bɛ̈nydït de rɛm an, “Kööl abɔ̈ ë yic, kööl bï tuöc arëët cït many ë tim cï riɔu. Ee kööl bän kɔc ee kenïïm ɣääc nyuɔp piny kedhie abïk dëp cït man aɣɔ̈l, ayï kɔc ee karɛc looi. Abïk dëp kedhie taitai abï ciën raan tök në keyiic.

Math 10:15

Wek yɔ̈ɔ̈k ëyic an, “Këtuc bï paan ë Thɔdom yök ku paan ë Gomoora ëkööl ë guiëërëlöŋ, acïï bï kit kekë këtuc bï pänydïïtë yök.

Math 11:22

Ku wek yɔ̈ɔ̈k an, Këtuc bï Tayer yök ayï Thidon acïï bï kït kekë këtuc bäk yök ëkööl ë guiëërëlöŋ.

Math 11:24

Ku yɔ̈ɔ̈k an, Këtuc bï piny ë Thɔdom yök acïï bï kït kekë këtuc bä yök ëkööl ë guiëërëlöŋ.”

Math 12:36

Ku wek yɔ̈ɔ̈k an, “Jam ɣɔ̈ric ëbɛ̈n jam bï kɔc aa lueel, këden abïk lueel ëkööl ë guiëërëlöŋ.

Math 24:35

Tënhial abï nyai ayï piny, ku wëlkï acïkï bï nyai ananden.

Math 25:41

Na ëlë, ka bï kɔc yɔ̈ɔ̈k aya kɔc nu ë baŋ cam an, ‘Jälkï të nuö yɛn, wek kɔc de gup aciɛɛn, lakï mɛɛc, many ë dëp athɛɛr, many cï looi në këde jɔŋdït rac kekë tuucke!

Mak 6:11

Ku na de kɔc reec week nyuööc, ku reeckï këdun piŋ, të jäl wek ëtɛ̈ɛ̈n, ke we jɔ abuui nu ë wecök teŋ, abï aa cäätɔ de ater ke keek. Wek yɔ̈ɔ̈k ë yic an, “Këtuc bïï Thɔdom yök ayï Gomoora ëkööl ë guiëërëlöŋ acïï bï kït kekë këtuc bïï pänydïïtë yök!”

Jɔn 12:48

Raan reec ɛn, ku cïï wëlkï gam, acath ke raan bï löŋde guiir: jam cä lueel, yen abï löŋde guiir ëkööl rial wadäŋ.

Romai 2:5

Ku yïn, në riɛl ril yïn piɔ̈u, ku në luɔi reec yïn puŋ de yïn piɔ̈u, yïn ë rɔt kuɛ̈t agönhdïït ɣet ë kööl ë agɔ̈th, akööl ë nyuöth bï löŋ piɛth cï Nhialic guiir rɔt nyuɔɔth.

1 Kor 3:13

ke luɔi de raan ëbɛ̈n abï tïc wadäŋ: ee köölë yen abï e nyuɔɔth, ee mac en abï e nyuɔɔth, ku luɔi de raan ëbɛ̈n abïï mac them, nɔn ee yen luɔi cït ŋö.

Pilipoi 1:28

Ku duökï wepiɔ̈ɔ̈th ee tɔ päu ë këdäŋ në kɔc dɛ wek ater. Aterden në week, yen aye ŋïny aa wek riääkden ŋic, ku ye ŋïny bä wek kunyduön ëwëi ŋic, kuny ë bɔ̈ tëde Nhialic.

2 Theth 2:3

Ë cïn raan ee we math, acakaa yen ë mɛth week ë ŋö: köölë acïï bï kɔn bɛ̈n, të ŋoot ë dɔk ke kën bɛ̈n, dɔ̈ŋ ee kɔc röt dak ciëën, ku të kënë raan rac ëtaiwei rɔt guɔ nyooth, yen aye wën ë riääk ëliŋliŋ.

1 Tim 6:9

Ku kɔc kɔɔr luɔi bï kaken juëc ayek lööny ë thëmic, ku löönykï ë bɔi yic, ku ye ŋɔ̈ɔ̈ŋ ke dɔm ŋɔ̈ɔ̈ŋ ë kajuëc ɣäär yiic, kak ee kërac bɛ̈ɛ̈i, ku yek kɔc thɛl ë riääkic tɔkï ke mär ë taiwei.

Ɣeberuu 12:29

Ku Yen, Nhialinyda acït many ee käŋ thöl, tëde kɔc reec gäm

2 Pet 2:9

Të cï en käŋ looi aya, Bɛ̈nydït aŋic kɔc riëëu en luök të cï ke them, ku ŋic kɔc racpiɔ̈ɔ̈th mac aɣet kööl ë guiëërëlöŋ ke ke bï këdɛn tuc yök,

2 Pet 3:10

Ku kööl ë Bɛ̈nydït abï bɛ̈n cït man ë cuɛ̈ɛ̈r, Në ee köölë tënhial abï nyaai në awuööu dït, ku lɛ̈ɛ̈ŋ kanhial në tuöc de manydït, ku piny abï nyop kekë ka cï looi thïn abï lɔ kuith piny.

2 Pet 3:12

ku tiët aa wek bɛ̈n de kööl ë Nhialic tiit, an, bäk dap loor, kööl bï tënhial ɣɔ̈k mac, ago riäär, ku lɛ̈ɛ̈ŋ kanhial në tuöc de many dɛ̈p aläl?

1 Jɔn 4:17

Yen aye nhiëërda tɔ ye dikëdik, luɔi bï wo nyïïn riɛl ëkööl ë guiëërëlöŋ: luɔi tɔ̈u wok ë pinyë nɔm, acït man tɔ̈u en.

Juda 1:7

Cït man ë Thɔdom ku Gɔmoora, ayï pɛ̈ɛ̈nydït ë nu ë ke këc, të cï kek röt aa gäm luɔi de dhööm, cït man ë tuucnhialkë, ku yek gup lei kɔɔr, ke ke jɔ tääu ë kɔc nïïm abï aa kë ye kɔc bɛ̈ɛ̈i nïïm, në yöŋ cï kek këtucden yök mɛɛc many tɔ̈u athɛɛr.

Nyuuth 17:11

Ku lɛ̈n rɛɛcë ë nu, ku cïï nu, yen aye bɛ̈tden, ku ye töŋ de dhorou yiic, ku alɔ määr ëtaiwei.

Nyuuth 17:8

Lɛ̈n rɛɛc wën cï tïŋ aa nu, ku aliu, ku akɔɔr bɛ̈n bei ë adhum cïï thar tiëcic, le määr ëtaiwei. Ku kɔc rɛ̈ɛ̈r ë piny nɔm abïk gäi, kɔc kënë rinken gɔ̈ɔ̈r ë awerek de pïïric ɣɔn thɛɛr ciɛkë piny thar, të woi kek lɛ̈n rac, lɛ̈n ë nu, ku aliu, ku abï nu.

Nyuuth 20:11

Na wën, ke ya tïŋ gök de thöönydïït ɣer, ku tiëŋ Raan rɛ̈ɛ̈r ë yenɔm, Raan cï piny kat ë yenyin ayï tënhial, ku acïn tëdɛn cï rɔt yök.

Nyuuth 21:1

Na wën, ke ya tïŋ paannhial cï piac cak ku piny cï piac cak, luɔi cï paannhial tueŋ jäl ayï piny tueŋ: ku acïn wɛ̈ɛ̈r be nu.