2 Pet 3:5 - JAM DE NHIALIC 2011

⁵ Ku cöökë acïk baai ke ŋickï, an, Tënhial anu ɣɔn thɛɛr, ku nu piny nɔm aya, biäk ee tɔ̈u biic ku tɔ̈u biäk ë pïïu yiic, në jam de Nhialic,

2 Pet 3:5 ပူးပေါင်းရင်းမြစ်များ

Cäk 1:6

Ku lueel ë Nhialic an, “Gëlgël ë bɔ̈ në pïïu yiic cil, ku ë tek pïïu yiic.” Ago Nhialic gëlgël looi, ku pɛ̈ɛ̈k pïïu ke wɛ̈ɛ̈r nu ë gëlgël thar, në pïïu ke deŋ nu në gëlgël kɔ̈u nhial. Go rɔt looi cït man cï Yen e lueel.

Cäk 1:9

Ago Nhialic lueel an, “Pïïu nu piny ë ke mɛt röt tëtök kedhie, ku të cï dëu ë tiëc.” Go rɔt looi cït man cï Yen e lueel.

Diɛt 136:6

acï piny yïk në pïïu thiäŋ nïïm, nhiëërdɛn agɔk atɔ̈u athɛɛr.

Diɛt 24:2

Acï yïk piny ë pïïu nïïm, ku tɛ̈ɛ̈u këërkëërde në abäpdit thäär.

Diɛt 33:6

Paannhial aa cak në kë cïï Bɛ̈nydït lueel, ku aköl, ku pɛɛi, ku kuɛl kedhie aake ciɛk ke në kë cï lueel ë yethok.

Kɛ̈ŋ 17:16

Eeŋö duëërë raan piɔl piɔ̈u nɔm dɛk wëu bï yen ke wëët në nɔm cïï käŋ ee yökiic?

Romai 1:28

Reec cï kek ŋïny de Nhialic rɛɛc muk ë kepiɔ̈ɔ̈th, yen aa koonë Nhialic keek, abïk nïïm rac ëtaiwei, bïk käŋ aa looi ka cïï röŋ ë luɔi duëër raan ke looi.

Kolothai 1:17

Ku yen anu ë käŋ nïïm tueŋ kedhie, ku tɔ̈u käŋ kedhie në yen.

Ɣeberuu 11:3

Në biäk de gämdan de yic aŋäth, ayok ŋic luɔi ë ciɛk ë piny në jam ë ye Nhialic lueel ë Yethok, ku ŋicku ayadäŋ nɔn ë ciɛk ë ka woi në ka liu.