2 Pet 3:18 - JAM DE NHIALIC 2011

¹⁸ Yak lɔ ke we lɔ tueŋ në dhuëëŋ de wepiɔ̈ɔ̈th ku në ŋïny ŋiɛc wek Bɛ̈nydïïtdan Yecu Kërtho, yen aye Konydan ë wëi. Ë dhuëëŋ ë ye tɔ̈u ke ye këde ayï ënɔɔnë aɣet athɛɛr. Amiin.

2 Pet 3:18 ပူးပေါင်းရင်းမြစ်များ

Diɛt 92:12

Kɔc piɛthpiɔ̈ɔ̈th abïk luɔk cï tiim ke akööt, abïk cil cï tiim ke thidar de Lebanɔn.

Ɣodh 14:5

Yɛn bï ciët thäc tëde kɔc ke Yithriɛl. Abïk gaak moc cït man agurbiök, Abïï keek riɛɛt piny ka meiken abïk ɣet piny ya cït man ë mei ke tim de thidar de Lebanɔn.

Malakai 4:2

Ku na week, wek kɔc ee rinkï riëëu, wek bä yiɛ̈n piathëpiɔ̈u ku rëër lɔ dïu cït man ye akɔ̈l thok bɛ̈n. Wek bï nïïm lääu, ku miɛtkï piɔ̈ɔ̈th cït man ë dɛɛu cï luöny bei kɛl.

Math 28:20

ku yak keek wɛ̈ɛ̈t, bïk käŋ aa döt kedhie ka cä thɔ̈n week, ku ya kï, yɛn ee cool ë tɔ̈u wo week ë aköölnyïïn kedhie, aɣët thök bï piny thök. Amiin.

Math 6:13

Ku du wook ë lɛɛr ë themic, Ye wo luök në kërac, Ciɛɛŋ ee këdu, riɛl ee këdu, Dhuëëŋ ee këdu, aɣet athɛɛr. Amiin.

Jɔn 17:3

Ku kënë yen aye pïïr athɛɛr an, Ŋïny bï kek yïn ŋic, yïn Nhialic yic, yïn yïtök, ku ŋickï Yecu Kërtho raan ë yïn ë toc en.

Jɔn 5:23

Ke kɔc ë ke bï Wënde aa riëëu kedhie, cït man ee kek Wääda riëëu aya, raan ë toc e.

Romai 11:36

Këriëëc ëbɛ̈n ee kake, ku aake bɔ̈ në yen, ku lek tëde yen. Ë dhuëëŋ tɔ̈u kekë yen aɣet athɛɛr! Amiin.

2 Kor 4:6

Luɔi ee yen Nhialic, Raan ɣɔn yöök ɣɛɛrëpiny, an, “Bä bei tëcol, ye piny riaau!” Yen aa riau wopiɔ̈ɔ̈th, agoku riau de ŋïny de dhuëëŋ de Nhialic yök, riau nu ë Yecu Kërtho nyin.

Epethiei 1:17

ke Wun Bɛ̈nydan Yecu Kërtho, yen aye Wun de nɔm lɛc, ke bï we miɔɔc në wëi ke pɛlënɔm ku nyuuth bï we nyuöth käŋ, luɔi bä wek e ŋic apiɛth.

Epethiei 4:15

Wok bï yic dhil aa muk në nhiëër, ku yok dït ë këriëëcic ëbɛ̈n të nu yen, yen aye naamde, yen Kërtho guöp.

Pilipoi 3:8

Yeka, ee yic, yɛn ë käŋ tɔ ye riääk tei kedhie, në biäk de piath wär këriëëc, piath de ŋïny ŋiɛc ɛn Kërtho Yecu Bɛ̈nydiëndït, raan cï riääk de kakï kedhie aa tiiŋ nɔm në biäkde, ku acä ke tɔ ye wɛr tei, luɔi bän Kërtho yök,

Kolothai 1:10

ke rëërdun bï röŋ kekë rëër ë kɔc ke Bɛ̈nydït, ke Bɛ̈nydït bï piɔ̈u miɛt arëët. Yak luɔk në luɔi piɛth ëbɛ̈n, ku ŋuakkï wenyïïn ë ŋïny ŋiɛc wek Nhialic.

Kolothai 3:10

ku cäk raan ë piac cak tääu abäk cieŋ, raan ë be ë Nhialic cak Aciëŋde, ke bï käŋ ŋic ëgɔk, ku bïï ciët täu de raan ë cak en.

2 Theth 1:3

Wo bï dhil aa cool ë lec Nhialic nɔm në biäkdun, wek mïthëkɔckuɔ, cït man piɛth en, ë luɔi ee gämdun rɔt ŋuak aläldïïtë, ku luɔi dïïtë nhiëër nhiaar wek röt wedhie aläl.

2Tim 4:18

Ku Bɛ̈nydït abï a luök ë luɔi racyic ëbɛ̈n, ku jɔ a muk aɣet ciɛɛŋdɛn nu paannhial. Ë dhuëëŋ ë ye tɔ̈u kekë yen aɣet athɛɛr ya! Amiin.

1 Pet 2:2

Takkï röt cït mïth cï piac dhiëëth, aguɔkï cɛk ke jam ë Nhialic aa kɔɔr, cɛk awai, ke we bï dït ë keek akonyë we wëi.

2 Pet 1:11

Ku yen abï we dap päl lɔ ë ciɛɛŋ ë Bɛ̈nydïïtdan Yecu Kërtho Konydayic, ciɛɛŋ ee tɔ̈u athɛɛr.

2 Pet 1:2

Ë dhuëëŋdepiɔ̈u ku mät ë ke lɔ ke ke ŋuak kenyïïn tëde week, në ŋïny ŋiɛc wek Nhialic kekë Yecu Kërtho Bɛ̈nydïïtda.

2 Pet 1:3

Acït man cï riɛldɛndïït bɔ̈ nhial wo gäm këriëëc ëbɛ̈n ka ke wëi ayï kake riëëu de Nhialic, në ŋïny ŋic wok Raan ë cɔl wook buk dhuëëŋde yök kekë piath de yenpiɔ̈u.

2 Pet 1:8

Ku na nu kakë ë weyiic, ku ë ke ŋuak röt, ka yek we tɔ ye kɔc cïï röt ee dak ku kɔc cie rool në ŋïny ŋiɛc wek Bɛ̈nydan Yecu Kërtho.

2 Pet 2:20

Ku na kɔc cï kɔn poth në kacol ke piny nɔm, në ŋïny ee kek Bɛ̈nydït ŋic yen aye Konydan Yecu Kërtho, të cï ke bɛ deep ë keek ku tiam ke, ke täudɛn ciëën jɔ rac awär täudɛn tueŋ wään.

Juda 1:25

Nhialic pelnɔm, cïn Nhialic ee kek rou, ku ye Konydan ë wëi në Yecu Kërtho Bɛ̈nydïïtda, ë dhuëëŋ ë ye tɔ̈u ke yen, ku dït, ku riɛl, ku bɛ̈ɛ̈ny, ɣɔn thɛɛr ya ayï ënɔɔnë, aɣet athɛɛr ya. Amiin.

Nyuuth 1:6

ku cï wo tɔ ye Meliik ku bäny ke ka ke Nhialic ë Nhialic Wun nɔm. Ë dhuëëŋ ë ye tɔ̈u ke yen ayï ciɛɛŋ aɣet athɛɛr ya! Amiin.