2 Pet 3:10 - JAM DE NHIALIC 2011

¹⁰ Ku kööl ë Bɛ̈nydït abï bɛ̈n cït man ë cuɛ̈ɛ̈r, Në ee köölë tënhial abï nyaai në awuööu dït, ku lɛ̈ɛ̈ŋ kanhial në tuöc de manydït, ku piny abï nyop kekë ka cï looi thïn abï lɔ kuith piny.

2 Pet 3:10 ပူးပေါင်းရင်းမြစ်များ

Diɛt 102:26

Abïk riäär kedhie, ku Yïn bï döŋ, abïk riääk cït man ë lupɔɔ. Ku abä ke rɛt cï lupɔɔ, ku abïk riäär taitai.

Diɛt 46:6

Juöör ayek riɔ̈ɔ̈c ku lɛthë ciɛɛŋ Nhialic ee määr cï deŋ, go piny lëëŋ.

Diɛt 97:5

Kur kor ayek lɛ̈ɛ̈ŋ cï pïïu ë Bɛ̈nydït nɔm, Bɛ̈nydïït de pinynɔm ëbɛ̈n.

Yith 2:12

Në ee köölë Bɛ̈nydït de rɛm abï raan ril ëbɛ̈n kuɔɔr piny, kɔc ee ke nïïm ɣääc ëbɛ̈n ku yek lueth töör.

Yith 24:19

Piny abï ɣaar ku nieeŋ rɔt ku liep rɔ.

Yith 34:4

Akɔ̈l ku pɛɛi ku kuɛl abïk kuɛɛm abïk röt looi ke ke ye abuui. Tënhial abï määr abï ciët biöŋ cï dolic, ku löny kuɛl cï yïth ke tiim ke ŋaap ku nɔn ee enap.

Yith 51:6

Tïŋ paannhial, ku bɛ piny tïŋ! Paannhial abï määr cï nɔn ë tol, piny abï dhiap cï lupɔ thɛɛr, ku kɔcke kedhie abïk thou cït man ë luaŋ. Ku kuɔny bä bɛ̈ɛ̈i abï tɔ̈u aɣet athɛɛr, tiëmdï yen ee thök de käŋ.

Jowɛl 1:15

Ee kööl rɛɛc cït ŋö! Në baŋ cï kööl ë Bɛ̈nydït thiɔ̈k. Abï ya kööl ë riääk ë bɔ̈ tëde Nhialic Awärjäŋ.

Jowɛl 2:1

Kuɔthkï kaaŋ në Dhiɔn, lɛ̈kkï kɔc në kuurdiën ɣeric nɔm. Takï kɔc cieŋ piny lɛthë kedhie. Kööl ë Bɛ̈nydït ë guɔ thiɔ̈k.

Jowɛl 2:31

Akɔ̈l abï cuɔl, ku pɛɛi abï thiɛth cït riɛm, të kën ë kööldïït de riɔ̈ɔ̈c guɔ bɛ̈n, kööl ë Bɛ̈nydït.

Jowɛl 3:14

Kuut dïït ë kɔc ë guëër ëbɛ̈n në wak de tɛ̈m ë löŋic. Në luɔi cïï kööl ë Bɛ̈nydït thiɔ̈k në wak ë tɛ̈m ë löŋic.

Amoth 9:13

Aye Bɛ̈nydït lueel an, “Akööl abïkï, akööl bï kɔc ee pur ka temkï yök, ku enap abï dap luɔk ke të ye ë ye nyiith ŋoot wei. Ku kur abïk nïïm aa thuat në mɔ̈n mit, ku kuëër kur kor kɔ̈ɔ̈th ëbɛ̈n në mɔ̈u aya, abï piny mool.

Amoth 9:5

Bɛ̈nydït Nhialic de rɛm Raan ee piny jak, abï lɛ̈ɛ̈ŋ ëbɛ̈n, ku dhiau kɔc cieŋ piny kedhie ëbɛ̈n. Ee pinynɔm ëbɛ̈n miaakic nhial cït apiöŋ de Kiir, ku tɔ piny riŋ cït Kiir de Rip,

Maika 1:4

Ka kur abïk lɛ̈ɛ̈ŋ në yecök, cït man ë kɔl cï tääu mɛɛc. Ku abïk dhuöör ë ke lɔ piny në wakic cït pïïu bɔ̈ piny nhial ë kuur nɔm.

Naɣum 1:5

Kur ayek röt nieeŋ në Yenɔm, ku lɛ̈ɛ̈ŋ kur kor. Piny aye lath të tɔ̈u En thïn, ayï kɔc cieŋ pinynɔm kedhie aye keek lath aya.

Malakai 4:5

Të ŋoot ë kööldïït ë Bɛ̈nydït wei, kööl tuc thok, wek bä tuöc tiët Elija.

Math 24:35

Tënhial abï nyai ayï piny, ku wëlkï acïkï bï nyai ananden.

Mak 13:31

Tënhial abï nyaai ayï piny: ku wëlkï acïkï bï nyaai.

Luk 12:39

Ku jakï kënë ŋic an, tëë bɛ̈ny de ɣöt ŋic thaar bï cuɛ̈ɛ̈r bɛ̈n thïn, adï cï yïn, ku cïï ɣönde päl a thur kɔ̈u.

Romai 8:20

Ku ka cï cak ëbɛ̈n acï ke tääu ë ɣɔ̈ric cök, acie këde piɔ̈nden etök, ku ë këde piɔ̈n ë Raan ɣɔn tɛ̈ɛ̈u keek ë käŋ cök, në ŋäth bï kek e ŋɔ̈ɔ̈th,

1 Kor 1:8

Raan bï week muk abäk riɛl a thöökë piny, ke bï ciën kë bï we gɔ̈k ëkööl ë Bɛ̈nydan Yecu Kërtho.

1 Kor 5:5

ke we bï ee raanë yiɛ̈n Catan le riɔ̈ɔ̈k guöp, ke bï kony wëi ë kööl ë Bɛ̈nydït Yecu.

2 Kor 1:14

acït man cä wek wo kɔn gam ë biäk an, yok lɛcduön aa wek röt leec, cït man aa wek lɛcda ayadäŋ ëkööl ë Bɛ̈nydan Yecu.

1 Theth 5:2

Wegup aŋiɛckï ëgɔk nɔn bï aköl ë Bɛ̈nydït bɛ̈n cït man ee cuɛ̈ɛ̈r bɛ̈n wakɔ̈u.

1 Theth 5:4

Ku week, mïthëkɔckuɔ, wek cïï nu ë cuɔlic, bï ee köölë we math cït man ë cuɛ̈ɛ̈r:

2 Pet 3:11

Ku ënɔɔnë, nɔn bï kake riääk kedhie, bäk dhil aa kɔc cït ŋö në rëërduön ɣeric aa wek rëër ku riëëuduön aa wek Nhialic riëëu,

2 Pet 3:12

ku tiët aa wek bɛ̈n de kööl ë Nhialic tiit, an, bäk dap loor, kööl bï tënhial ɣɔ̈k mac, ago riäär, ku lɛ̈ɛ̈ŋ kanhial në tuöc de many dɛ̈p aläl?

2 Pet 3:7

Ku tënhial kekë piny nu ënɔɔnë acï ke tɔ̈ɔ̈u, në jam manë, bïk mac tiit, ku aye ke muk aɣet kööl ë guiëërëlöŋ de kɔc reec Nhialic, kööl bï kek riääk ëliŋliŋ.

Juda 1:6

Ayï tuucnhial tuuc ɣɔn reec tɔ̈u ë ciɛɛŋic ciɛɛŋ ë ciɛkë ke thïn, ku jɔkï paandɛn ee kek rëër thïn pɔ̈l, keek aake cïï Nhialic mac tëcol në jonh bï tɔ̈u athɛɛr bïk kööl dïït ee guiëërëlöŋ tiit.

Nyuuth 16:15

“Piɛŋkï! Ya kï, bɔ̈yë cït cuɛ̈ɛ̈r. Thieithieei raan ee yïn, ku ye lupɔɔke tiit, ke cïï bï aa cath ke cïn kɔ̈u lupɔ, bï kɔc ayärde tïŋ!”

Nyuuth 20:11

Na wën, ke ya tïŋ gök de thöönydïït ɣer, ku tiëŋ Raan rɛ̈ɛ̈r ë yenɔm, Raan cï piny kat ë yenyin ayï tënhial, ku acïn tëdɛn cï rɔt yök.

Nyuuth 21:1

Na wën, ke ya tïŋ paannhial cï piac cak ku piny cï piac cak, luɔi cï paannhial tueŋ jäl ayï piny tueŋ: ku acïn wɛ̈ɛ̈r be nu.

Nyuuth 3:3

Yen tɛk yïn yïnɔm ë yöŋ cï yïn käŋ yök ku pïŋ cï yïn käŋ piŋ, ku jɔ ke döt, ku puk yïpiɔ̈u. Ku be, an, rɛɛcë rɔt tiit, ke yɛn bï bɛ̈n tëde yïn cït man ë cuɛ̈ɛ̈r, ku thaar bän bɛ̈n tëde yïn abä kuc ëliŋliŋ.

Nyuuth 6:14

Go tënhial nyaai cït man ë awerek cï dolic, ku nyiɛɛiyë kurdït kedhie tëden ayï tuöör.