2 Pet 2:8 - JAM DE NHIALIC 2011

⁸ Raan piɛthpiɔ̈uwë ɣɔn rëër en ë keyiic, ago käŋ aa tïŋ ku piŋ ke, aaye piɔ̈u jiɛth ë aköölnyïïn në luɔidɛn rac ye kek löŋ yalic:

2 Pet 2:8 ပူးပေါင်းရင်းမြစ်များ

Cäk 13:13

Ku kɔc ke Thɔdom aake cï göök dït ke karɛc wäc Bɛ̈nydït.

Diɛt 119:136

Yɛn ee nyin dhiau ë pïïu cït man ë kiir, në biäk cïï kɔc lööŋku ee riëëu.

Diɛt 119:139

Agönhdï adɛ̈p ë ya yäc cït mac, në biäk ye kɔc ke aterdï lööŋku dhɔɔt yiic.

Diɛt 119:158

Të yan kɔc cïn gäm tïŋ, yɛn ee piɔ̈u jiɛth, në biäk cïï kek lööŋku ee döt.

Kɛ̈ŋ 25:26

Raan piɛth piɔ̈u cïï raan ee karɛc looi ee jɔ̈ɔ̈ny, Acït nyin cïï pïïuke dhuööth ku awaŋ cïï pïïuke riääk.

Kɛ̈ŋ 28:12

Bɛ̈n ë kɔc piɛth piɔ̈ɔ̈th në bäänyic ee miɛt ë piɔ̈u dït, ku bɛ̈n ë bäny rac kɔc ayek thiaan.

Edhekiɛl 9:4

“Lɔ caathë pänydït ë Jeruthalem yic ëbɛ̈n, ku ye raan cï yök ke nuan, ku jiɛth piɔ̈u në biäk de karɛc ku kanhiany ye kɔc keek looi ë pänydïtic, ye jak nɔm në kït.”

Edhekiɛl 9:6

Näkkï röördït, ku dhuök, ku diäär kor, ku märken ke mïth, ku mïth. Ku duökï raan de nɔm kït jak. Galkï thar eenë tëɣeric.” Agokï gɔl në bäny ë kääc ëtɛ̈ɛ̈n Luaŋdït.

1 Tim 1:9

Në luɔi ŋic wok kënë an, Löŋ akënë tääu në këde raan piɛthpiɔ̈u, ee këde kɔc reec löŋ gam kɔc ee löŋ yalic, yen aa tɛ̈ɛ̈uwë ye, ayï këde kɔc reec Nhialic gam ku kɔc ee kërac looi, këde kɔc cïn piɔ̈ɔ̈th riëëu ku cïnku gup athɛɛk, këde kɔc ee wärken dui ku duikï märken, këde kɔc ee kɔc nɔ̈k,

Ɣeberuu 11:4

Në biäk de Abel nɔm gäm de yic aŋäth, go Nhialic miɔɔc në miɔ̈c ŋuän awär miɔ̈c ë Kain. Abel acï Nhialic bɛ̈n gam kekë miɔ̈cde, ku gämde aŋoot ke cɔɔl rinke, na cakaa nɔn cïï yen thouwë.

Jakop 5:16

Yen aa wek awɛ̈ɛ̈c gam ë röt wapäc, ku yak lɔ̈ŋ në röt wapäc, ke we bï dem. Pal ë raan piɛthpiɔ̈u, pal cath ke riɛl, en aye kajuëc tiaam.