2 Pet 2:6 - JAM DE NHIALIC 2011

⁶ Ku kuiith pɛ̈ɛ̈nydït Thɔdom ku Gomoora piny ë mac abïk aa ŋeth, guiir en löŋden, an, bïke dhuöör piny, ago ke tɔ ye kääŋ bï kɔc bɛ̈ɛ̈i nïïm, kɔc an, bïk Nhialic aa rɛɛc riëëu.

2 Pet 2:6 ပူးပေါင်းရင်းမြစ်များ

Cäk 19:28

Ku woi Thɔdom kekë Gomoora, ku wak ëbɛ̈n. Ago tol tïŋ ke ë rɔt cɔ̈k nhial ëtɛ̈ɛ̈n, cït man ë tol nu ë pul dïït dëpë mac thïn.

Yith 1:9

Të ë Bɛ̈nydït de rɛm ë kën kɔc kɔ̈k pɔ̈l apïr, adï cï Jeruthalem riɔ̈ɔ̈k taitai, cït man ë Thɔdom ke Gomoora.

Yith 13:19

Babilonia yen aye ciɛɛŋ dik në wuötiic ëbɛ̈n, yen ee kë ye kɔcke röt lɛɛc. Ku Yɛn Bɛ̈nydït, Yɛn bï Babilon pɔ̈k piny cït man ë kë cä luöi Thɔdom ku Gomoora!

Jeremia 50:40

Kë wään cï rɔt luöi Thɔdom kekë Gomoora abï rɔt luöi Babilonia, wään bän keek riɔ̈ɔ̈k në wuöt thiääk ë keek. Acïn mɛnh ë raan bï bɛ rëër ëtɛ̈ɛ̈n. Acä lueel, Yɛn Bɛ̈nydït.

Ɣodh 11:8

“Duɛ̈ɛ̈r week jɔ päl wei adï, kɔc ke Eparaim? Duɛ̈ɛ̈r week gam wei adï, wek kɔc ke Yithriɛl? Duɛ̈ɛ̈r week riɔ̈ɔ̈k taitai adï cït päny de Adama, ku nɔn luöi week kë cä luöi Dheboyim? Acïï ë piɔ̈ndï duëër tɔ luɔɔi! Nhiëërdiën nhiaar Ɛn week adït aläl.

Amoth 4:11

“Yɛn ë kɔckuön kɔ̈k riɔ̈ɔ̈k cït man wään riääk Ɛn Thɔdom kekë Gomoora. Kɔc cï pïïr ë we yiic, wek cït luny ë tim ë göpë bei mɛɛc. Ku wek ŋoot ke we kën röt pɔ̈k Ɛn.” Kë cïï Bɛ̈nydït lueel ka.

Dhep 2:9

Ku në biäk de ee kënë, Yɛn Bɛ̈nydït de rɛm pïïr, Yɛn ë kuëëŋ nɔn bï yɛn Mowap kekë Ammon dhiɛl tɔ cït Thɔdom, ku Gomoora, abï ya piny de amilɔ ku puɔ̈l, ku ee piny ee yuööt yen bï rɔt jɔt thïn, ku cïn raan ceŋe anande. Abïï jurdiën lik cï döŋ apïïr ke yak ku nömkï pinyden.

Kuɛ̈n 16:38

Acïk yiic ɣɛɛr të wën gëmë keek Bɛ̈nydït në yïk nɔm. Tɔ nöm abɔ̈c ke tool ke kɔc cï näk awänyden, ku thɔ̈ɔ̈th kek aduuk ke ye akum de yïk nɔm. Yen abï kɔc ke Yithriɛl jɔ aa jɔ̈ɔ̈ny ë ceŋ.

Kuɛ̈n 26:10

Go piny rɔt liep, ku tuiic keek. Agokï thou në Kɔra ëtök kekë kɔc mät në yen, të ɣɔn riëëk ë mac bot kaarou ku thiërdhïc de raan. Ago thonden kɔc ke Yithriɛl jɔ aa täk nïïm.

Math 10:15

Wek yɔ̈ɔ̈k ëyic an, “Këtuc bï paan ë Thɔdom yök ku paan ë Gomoora ëkööl ë guiëërëlöŋ, acïï bï kit kekë këtuc bï pänydïïtë yök.

Math 11:23

Ku yïn, Kapernaum, yïn cï jat nhial aɣeet yïn paannhial, ku yïn bï bɛ̈ɛ̈i piny aɣeet yïn paan ë thuɔɔu, tëë cï luɔi ril looi ë Thɔdom cït man cï ke looi ë yïyic, adï cï tɔ̈u aɣet cï ënɔɔnë.

Romai 9:29

Ku acït man cïï Yithaya ye kɔn lueel an, “Tëë Bɛ̈nydïït de Rɛm ë kën wo nyäŋ käu, adï cuk ciët Thɔdom, ku adï cï wo tɔ cït Gomoora.”

1 Kor 10:11

Ku ënɔɔnë, kakë kedhie aake yök keek, ke ke bï aa ka bï wo wɛ̈ɛ̈t, ku acï ke gɔ̈ɔ̈r në nën bï wo nen, wok kɔc cï thök de piny guɔ ɣëët tëde wook.

Nyöŋ 29:23

Duum abïk aa riaaŋ cie luɔk, piny cï thiäŋ ke thulpur ku amilɔ, acïn kë bïï com thïn, ayï wal acïkï bï ciɛl ëtɛ̈ɛ̈n, pinydun abï ciët pɛ̈ɛ̈nydït ke Thɔdom, ku Gomoora, ku Adma, ku Dheboyim, wään cïï Bɛ̈nydït ke riɔ̈ɔ̈k ɣɔn cï yen gɔ̈th aläl,

Ɣeberuu 4:11

Riitku röt piny apiɛth ke wo bï lɔ në ee lɔ̈ŋë yic, ke bï ciën raan bï ee lɔ̈ŋë dääk në woyiic cït man ë kek.

Juda 1:15

bï kɔc bɛ̈n tɔ yök këdɛn tuc kedhie, ku bï kɔc reec Nhialic riëëu bɛ̈n jɔ̈ɔ̈ny në luɔidɛn rɛɛc cïk looi ëbɛ̈n në reec reec kek Nhialic riëëu, ku jäny kɔc në jam tuc cïk lɛ̈k en ëbɛ̈n, kek kɔc ee kërac looi kɔc reec Nhialic riëëu!”

Juda 1:7

Cït man ë Thɔdom ku Gɔmoora, ayï pɛ̈ɛ̈nydït ë nu ë ke këc, të cï kek röt aa gäm luɔi de dhööm, cït man ë tuucnhialkë, ku yek gup lei kɔɔr, ke ke jɔ tääu ë kɔc nïïm abï aa kë ye kɔc bɛ̈ɛ̈i nïïm, në yöŋ cï kek këtucden yök mɛɛc many tɔ̈u athɛɛr.