2 Pet 2:19 - JAM DE NHIALIC 2011

¹⁹ Ayek keek yɔ̈ɔ̈k, an, We bï luöny bei ë lïïmic, ku kek gup ayek lïïm ke dhiap de käŋ, raan ë yï tiaam, yen guöp yen abï yï tɔ ye lïm.

2 Pet 2:19 ပူးပေါင်းရင်းမြစ်များ

Yith 28:1

Amawoou në ciɛɛŋ de Yithriɛl! Dhuëëŋde athök cï göl de gaak nu ë bänykɛn cï wiɛɛt ë mɔ̈u nïïm. Bänykɛn de gup lɛc acïk röt tɔ piɛth në aŋiëër, ku adhɔtkï piny ke ke thou në mɔ̈u.

Jeremia 23:9

Piɔ̈ndï acï dhuɔɔŋ, ku yɛn lɛthë. Në biäk de Bɛ̈nydït, ku në biäk de Jamdɛn ɣeric, yɛn cï ciët raan cï wiɛɛt, raan cï dek ë mɔ̈u arëët.

Lebai 13:8

Abï bɛ̈ny de kake Nhialic yen bɛ gɔɔk guöp. Ku na cï toŋ thiɛ̈i ë guöpic ëbɛ̈n. Ka abï bɛ̈ny de kake Nhialic jɔ caal an, raan ade guöp acuɔl, ee wɛth.

Jɔn 8:34

Go Yecu bɛ̈ɛ̈r an, “Wek yɔ̈ɔ̈k ëyic an, ‘Raan ëbɛ̈n raan ë kërac looi, yen aye lïm ë kërac.

Luɔi 19:16

Na wën, ke raan de guöp jɔŋ rac kɛɛc ë keyiic, wit keek, ago ke tiaam, adhil kek kat ee ɣönë ke ke cïn kɔ̈ɔ̈th lupɔɔ, ku cï ke dui aläl.

Galatai 5:1

Cäth bï wok aa cath ë nɔm lääu, en aa lony Kërtho wook! Yen kääc wek thïn aril, ku duökï weyiëth be tɔ rek, abäk aa lïïm.

Galatai 5:13

Ee cäth bä wek aa cath ë nɔm lääu yen aa cɔɔl ë week, wek mïthëkɔckuɔ, ku cäth aa wek cath ë nɔm lääu duökï ye kuöc dɔm, takï ye kë de luɔi de guöp, ku yak röt luööi cït man ë lïïm, në nhiëër aa wek röt nhiaar.

2Tim 2:26

ku jɔkï pääc bïk bei ë wïn ë jɔŋdït racic, kek kɔc wään cï dɔm, bïk këde Nhialic piɔ̈u aa looi.

Tito 3:3

Ku wook ayadäŋ wok aaye kɔc cïn nïïm wään thɛɛr, kɔc ee löŋ rɛɛc piŋ, kɔc cï math, wok ee ye lïïm ke ŋɔ̈ɔ̈ŋ ee wo dɔm ŋɔ̈ɔ̈ŋ kithic, ku yok lïïm ke kamit yok kɔɔr ë wopiɔ̈ɔ̈th, wok aaye tɔ̈u ke wo racpiɔ̈ɔ̈th deku yiic tiɛɛl, ku man kɔc wook, ku manku röt.

1 Pet 2:16

Na cakaa wek ë ye kɔc lääu nïïm, ke we duökï nɔmlääudun tɔ ye kën ë luɔi de kërac kum, yak tɔ̈u cït lïïm ke Nhialic.

2 Pet 1:4

Ku yen aa lëk en wook kadït göök de naamden ka bï gäm wook, ke ke bï we tɔ ye kɔc bï täu de Nhialic rɔm ëtök, të cä wek poth ë dhiap nu ë piny nɔm dhiap ë bïïyë ŋɔ̈ɔ̈ŋ de kërac.

2 Pet 2:20

Ku na kɔc cï kɔn poth në kacol ke piny nɔm, në ŋïny ee kek Bɛ̈nydït ŋic yen aye Konydan Yecu Kërtho, të cï ke bɛ deep ë keek ku tiam ke, ke täudɛn ciëën jɔ rac awär täudɛn tueŋ wään.