2 Pet 2:14 - JAM DE NHIALIC 2011

¹⁴ Kɔc cï nyïïn a pirpir në kɔ̈ɔ̈r ee kek diëër lei kɔɔr, kɔc cïn nyïïn päl duëër kek kërac pɔ̈l, ayek kɔc wëŋ kɔc cï piɔ̈ɔ̈th aläuläu në jam, aciɛthkï në piɔ̈n cï kajuëc ŋic ë kɔ̈ɔ̈r. Mïth de gup aciɛɛn ka!

2 Pet 2:14 ပူးပေါင်းရင်းမြစ်များ

Jop 31:7

Na cï cökkï röt yal wei kueer, ku cï piɔ̈ndï kë cïï nyindï tïŋ biɔɔth, ku ye ciindï kërac looi,

Jop 31:9

Të ë piɔ̈ndï cï lɔ në tiiŋ lei guöp, abä tiit ke ya cï thiaan në ɣönde kut,

Kɛ̈ŋ 5:6

Acie rëër në kueer ë pïïric. Aye nyääŋ piny ke kuc ë yepiɔ̈u.

Kɛ̈ŋ 6:25

Du rɔ bï tɔ meet ë läkden. Du rɔt tɔ diir ë läk de kenyïïn.

Yith 1:16

Wakkï röt ke we bï ɣɛɛr. Takkï karɛc ya woi ke ke luɔikï kääc ëbɛ̈n. Ɣɛɛ, takkï luɔi de kërac kääc,

Yith 34:5

Bɛ̈nydït acï abätäude kiëët paannhial, ku ënɔɔnë abï Edom yup, kɔc cï ke tɔ ye kɔc bï riɔ̈ɔ̈k.

Yith 65:20

Mïthii ë dhiëth acïkï bï bɛ thou ke ke kor, ku kɔc kedhie abïk dɛ pïïr bäär. Kɔc bï pïïr në ruöön bɔt kek abï cït mïth dhuök. Na lɔ raan thon ke kën ee runkë cuööp, kënë abï aa kïn nyooth luöi cän keek luöi këtuc.

Jeremia 13:23

Duëër raan ë Kuc kïn de yen guöp waar, duëër kuac kïtke nyaai? Na lëukï, ke week wek kɔc ee karɛc looi, wek duëër yith ŋic ë luɔi.

Edhekiɛl 13:18

ku lɛ̈kë keek kë lëk ë Bɛ̈nydït Awärjäŋ keek: “Amawoou në week diäär! Wek ee kɔc kɔ̈c yiëth, ku luɔikï akuup yaath bï ë kɔc ke ceŋ ë kenïïm, agokï nïïm dɛ riɛl në pïïr de kɔc kɔ̈k yiic. Wek kɔɔr bäk nïïm dɛ riɛl në pïïr ku thon de kɔckï yiic, aguɔkï ke jɔ luööi në biäk de piathdun.

Math 12:34

Wek mïth ke karɛc, duɛ̈ɛ̈rkï kapiɛth aa lueel adï, ku yak kɔc rac piɔ̈ɔ̈th? Kë ye piɔ̈u thiɔ̈ɔ̈ŋ nɔm yen aye thok lueel.

Math 23:14

Amawoou në week wek kɔc ë löŋ gɔ̈ɔ̈r ku Parithai kɔc de yäc aguk! We ye ɣööt ke diëërthum cam, ku jakï käŋ aa moony në lɔ̈ŋduön aa wek lɔ̈ŋ, lɔ̈ŋ bäär, yen abä wek këtuc gök yök ëkööl ë guiëërëlöŋ.

Math 25:41

Na ëlë, ka bï kɔc yɔ̈ɔ̈k aya kɔc nu ë baŋ cam an, ‘Jälkï të nuö yɛn, wek kɔc de gup aciɛɛn, lakï mɛɛc, many ë dëp athɛɛr, many cï looi në këde jɔŋdït rac kekë tuucke!

Math 5:28

Ku wek yɔ̈ɔ̈k an, “Raan ëbɛ̈n raan lɔ tik woi, ago ye dɔ̈m ŋɔ̈ɔ̈ŋ, ka ye guɔ lɔ kekë yen ë yepiɔ̈u.

Mak 13:22

Kërtho aluɛth abïk röt jɔt ayï tït aluɛth, ku abïk kagöök dït nyuöth kɔc, ayï ka ke gäi dït, arëk abïk kɔc cï lɔc duɛ̈ɛ̈r cɔ̈k nïïm wei aya, të de yen të bï kek e lëu.

Jɔn 5:44

Duɛ̈ɛ̈rkï gäm lëu wäkdï, wek kɔc ë lɛc gam lɛc aa wek röt leec wapäc, ku cäkï lɛc ee kɔɔr lɛc bɔ̈ tëde Nhialic etök?

Romai 16:18

Kɔc cït keek acïkï Bɛ̈nydan Yecu Kërtho ee luööi, ee keyiic kek luuikï, ku ayek kɔc cïn piɔ̈ɔ̈th kërac math piɔ̈ɔ̈th në wël mit luelkï, ayï wëŋ ee kek kɔc wëŋ.

1 Kor 11:19

Tëŋ ee kɔc ke yiic tek abï dhil nu ë weyiic, ke kɔc cï tɔ ye kɔc piɛth ke ke bï tïc ëgɔk ë we yiic.

Epethiei 2:3

Ku wook ayadäŋ wodhie, wok aaye mat në keek ɣɔn, në ŋɔ̈ɔ̈ŋ de ka ke guöp, ku wok aaye kak ë yok kɔɔr ë yäc looi, ayï kak ë yok tak ë wopiɔ̈ɔ̈th, agoku aa mïth ke agɔ̈th në ciɛɛŋ ë ciɛkë wo, cït man ë kɔc kɔ̈k.

Epethiei 4:14

Ke wo cïï bï bɛ aa mïth thiiakäŋ, mïth ee yom miaŋ ëbɛ̈n, leer ke tɛ̈ɛ̈n ku leer ke tɛ̈ɛ̈n, yom de wëët ë kɔc, në math mɛthë kɔc kɔc ë ruëëny, ku cäp kithic ee kek kɔc math.

Kolothai 2:18

Duökï röt tɔ pënë raan ariöpduön bäk yök, në kuur ee yen rɔt kuɔɔr piny ku läm ee yen tuucnhial lam, raan ë pëk ë ke cï yök ë nyuöthic, ee rɔt tɔ dït ë ɣɔ̈ric, në piɔ̈ndɛn cï tuöm ka ke piny,

Jakop 1:8

ee raan ee piɔ̈u rou, ku cie cath ë kimpiny ë kuɛɛrke kedhie.

2 Pet 2:18

Në luɛl ë ye kek jam juëc ɣɔ̈ric lueel ë keliëp tei, në ŋɔ̈ɔ̈ŋ de ka ke yäc, ku në luɔi ë dhööm, en aye kek kɔc wëŋ, kɔc, an, bɛ̈nkï ë liŋliŋ në kɔc ee tɔ̈u ke ke wäc käŋ.

2 Pet 2:3

Ku kɔɔr ee kek wëu juëc kɔɔr, en a bï kek week aa cam në jam ë ruëëny, ku guiëër bï löŋden guiir, guiëërdɛn thɛɛr, acie gääu, ku cïï riääkden ee nok!

2 Pet 3:16

Acït man cï e lueel ë awereek ke yiic kedhie, të jiɛɛm en ë keyiic në kakë. Ku cök kɔ̈k anukï thïn cök cie dap yök yiic, cök ye kɔc kënë wɛ̈ɛ̈t puk aye kërac, ayï kɔc kën lïk piny ë gäm, cït man ee kek kacïgɔ̈ɔ̈r kɔ̈k puk aya, lek röt gɔ̈n riääkden.

1 Jɔn 2:16

Këriëëc nu ë piny nɔm, yï ŋɔ̈ɔ̈ŋ de guöp, ku ŋɔ̈ɔ̈ŋ de nyin, ku lɛc ye raan rɔt leec në ka ke pïïr, acïkï ë ka ke Wääda, ayek ka ke piny nɔm.

Juda 1:11

Amawoou në keek! Acïk cath ë kueer ë Kain. Ku acïk röt jaac lek wäc cï man cï Balaam käŋ wööc në këde ariöp. Ku acïk määr ë ater ë Kɔra, gokï riääk cï yen.

Nyuuth 12:9

Go ŋuäldït ciɛɛc biic, yen aye kërɛɛc thɛɛr, cɔl Jɔŋdït Rac ku cɔl Catan, jɔŋ ee piny math nɔm ëbɛ̈n, ë ciɛɛc biic le ë piny nɔm, ku ciec tuuckɛnnhial në yen ëtök.