2 Pet 2:10 - JAM DE NHIALIC 2011

¹⁰ ku kɔc bï këdɛn tuc dït yök kek aye kɔc ee ka ke yäc kɔɔr, në döm cï ke dɔm ë ŋɔ̈ɔ̈ŋ de luɔi col, ku yek bäny baar nyïïn. Ee kɔc dham gup, kɔc ril nïïm, ayek adhuëŋ lat gup ku cïkï ee riɔ̈ɔ̈c.

2 Pet 2:10 ပူးပေါင်းရင်းမြစ်များ

Cäk 49:6

Yɛn cï bï aa lɔ tëdɛn rëër kek thïn, ayï amɛɛtken, yɛn cï bï ya lɔ thïn. Ayek kɔc nɔ̈k të cï kek ŋeeny, ku tɔkï miöör ee ŋöl të thuëëc kek.

2 Tham 20:1

Ade raan de guöp wël cɔl Ceba wën ë Bikiri, ee raan dhiën ë Benjamin. Na wën ke koth kaaŋ ku lueel an, “Acïn kë mat wook në Debid! Acïn kë tɔ̈u në kaamda në wën ë Jethe! Kɔc ke Yithriɛl pukku wonïïm baai!”

1 Mel 12:16

Na wën aacï kɔc e tïŋ luɔi cïï melik jamden bï piŋ, ke luelkï në röldï an, “Eeŋödan cath ke Debid? Acïn këdan buk lak tëde wën ë Jethe. Yithriɛl pukku wonïïm wunda, Debid ë kɔɔr kɔc ke ɣönde thok.” Go kɔc ke Yithriɛl röt pɔ̈k wunden,

Diɛt 12:4

“Wok ee ka kan kɔɔrku yök në jamdan yok lueel. Kë kɔɔrku abuk lueel, ku acïn raan duëër e pɛ̈n wook.”

Bɛ̈n 22:28

“Du Nhialic ee luɛ̈l guöp kërac, ku du bɛ̈ny ë kɔckun ee läm kërac.

Wɛ̈ɛ̈t 10:20

Ayï täŋdu yic, du bɛ̈ny kɔn läät ku nɔn yen raan kueth, cakaa yïn ë tɔ̈u ë biökku nïïm, yïc acïn athïn aduëër ë yom yiɛ̈n keek.

Jeremia 2:31

Kɔc ke Yithriɛl piɛŋkï kë lɛ̈k week. Cä ciët jɔ̈ɔ̈r tëde week, cä ciët mɔ̈ɔ̈th ku piny rac? Eeŋö ya wek en lueel an bäk lui cï kë nhiaarkï ë wepiɔ̈ɔ̈th, ku nɔn cäkkï bï kɔn bɛ̈n ciëën tëde Yɛn?

Kuɛ̈n 15:30

Ku na cï raan wäc looi ke ŋic, nɔn yen raan ë Yithriɛl ku nɔn ee raan lei, ka ade guöp gääk cï yen Bɛ̈nydït rɛɛc, ku dhoŋ löŋ kɔ̈u adɛɛi yen abïï nɔ̈k.

Luk 11:25

Na wën, aacï bɛ̈n, ke yök ɣöt acï weec ka acï yic läk.

Luk 19:14

Ku amɛɛn kɔc ke paanden, gokï kɔc tuɔɔc ë yecök, kɔc bï e lɔ lueel an, ‘Wo cïï raanë kɔɔr luɔi bï en wo cieŋ.’

Luɔi 23:5

Go Paulo lueel an, “Wäthii aa kuöc nɔn ee yen bɛ̈nydïït ë kake Nhialic, acï gɔ̈ɔ̈r an, ‘Du bɛ̈ny ceŋ kɔckun ee lat.”’

Romai 8:1

Yen ka, acïn gääk be nu ë kɔc yiëth kɔc nu ë Kërtho Yecuyic, kek kɔc cie tɔ̈u ë täu de guöp, ayek tɔ̈u ë täu de wëi.

1 Kor 6:9

Kuöckï kɔc racpiɔ̈ɔ̈th nɔn cïï kek ciɛɛŋ de Nhialic bï lɔ̈ɔ̈k lak? Duökï röt ë tɔ mɛnhë: dhööm, ayï kɔc ee yiëth lam, ayï kɔc ee diëër lei kɔɔr, ayï diëër ee röör kɔɔr, ayï röör ee röt tɔ ye diäär, ayï röör ë niin ë röör,

2 Kor 10:3

Ku na cakku rëër ë guöpic, ke wo cï tɔŋ ee biök ë biök de guöp

Epethiei 4:19

kɔc cïn piɔ̈ɔ̈th, agokï röt gäm luɔi de dhööm, bïk luɔi col kithic aa looi në ŋɔ̈ɔ̈ŋ ë ke dɔm.

Epethiei 5:5

Kënë aŋiɛckï ëgɔk an, acïn raan ee diäär kɔɔr, ku cïn tiiŋ ee röör kɔɔr, ku cïn raan ee luɔi col looi, ku cïn raan ee kalei woi, yen aye raan ee yath lam, acïn raan ë keyiic, raan bï dɛ kë bï lɔ̈ɔ̈k lak ë Ciɛɛŋ de Kërtho yic kekë Nhialic.

Kolothai 3:5

Yak ka ke wegup tɔ thou, ka nu ë piny nɔm, kɔ̈ɔ̈rëdiäär, luɔi col, tum ee raan e piɔ̈u tuöm ka ke piny, ŋɔ̈ɔ̈ŋ de kërac, ku wui de kalei, yen aye läm de yiëth.

1 Theth 4:7

Acie këde luɔi col en ë cɔɔlë Nhialic wook, ee këde ɣɛɛrëpiɔ̈u.

2Tim 3:2

Kɔc abï ŋɛk ke rɔt aa nhiaar, ku nhiaar ŋɛk rɔt, ku bïk aa kɔc nhiaar wëu, kɔc ee röt leec, kɔc ee röt tɔ ye adhuëŋ, kɔc ee lɔ̈t, kɔc ee ka ke kɔc ë dhiëth keek rɛɛc piŋ, kɔc ee thieithieei rɛɛc lueel, kɔc cïï piɔ̈ɔ̈th ɣer,

Tito 1:7

Raan ee kɔc cï gam tiit abï dhil aa raan cïn kë bï e gɔ̈k, luɔi ee yen raan ee dhiën ë Nhialic tiit, acie raan ee këde yenpiɔ̈u kɔɔr, ku cie raan ee dap gɔ̈th, ku cïï mɔ̈u ee nhiaar, ku cie raan ee kɔc dap dui, ku cïï wëu ke ayäär ee nhiaar.

Ɣeberuu 13:4

Week mïthëkɔckuɔ, ë thiëëk ë ye riëëu në kɔc kedhie. Yak kë nhiany tɔ mec në biöŋ ë thiëëkic. Kɔc cïn gup athɛɛk kedhie ku kɔc ee diëër lei kɔɔr abï Nhialic ke löŋden guiir atuc.

2 Pet 3:3

Jakï kënë kɔn ŋic, an, Të cï thök de piny thiɔ̈k, ke kɔc de gup agɛɛt abïk bɛ̈n ë agɛɛtden, kɔc cath në këde ŋɔ̈ɔ̈ŋdɛn ë ke dɔm,

Juda 1:10

Ku kɔckë, të de yen ka kuckï ka yek ke lat, ku të de yen ka ŋickï në täudɛn cï cäk ke, cït man ë läi cïn nïïm, ka yek röt riɔ̈ɔ̈k ee kakë.

Juda 1:16

Kɔckë ayek kɔc ee dok ë këyäc, kɔc ee piɔ̈ɔ̈th dap dït, ku yek ŋɔ̈ɔ̈ŋdɛn rac kuany cök (ayek jam dïït ɣɔ̈ric lueel ë kethook), ku yek kɔc kɔ̈k kɔ̈c nyïïn nɔn de en ke bïk yök.

Juda 1:18

Wël wään cïk ke lɛ̈k week an, “Kööl rial kɔc de gup agɛɛt abïk dhil nu, kɔc bï ŋɔ̈ɔ̈ŋdɛn rac aa kuany cök.”

Juda 1:4

Luɔi de en kɔc kɔ̈k cï bɛ̈n thïn ëcuëër, kɔc cï kɔn meek ɣɔn thɛɛr, bïk këdɛn tucë yök, kɔc reec Nhialic riëëu, ku yek dhuëëŋ de Nhialicda piɔ̈u puk tɔkï ye këde dhööm, ku reeckï Bɛ̈nydïït töŋ nu ë wonïïm, Bɛ̈nydan Yecu Kërtho.

1 Tham 10:27

Ago kɔc kɔ̈k de gup wël melik rɛɛc ku luelkï an, “Acïn këpiɛth bïï ee raanë luöi wook.” Agokï jaai ke cïkï yïn miɔ̈c.