2 Pet 2:1 - JAM DE NHIALIC 2011

¹ Ku tït aluɛth aake nu ë kɔc yiic ɣɔn, acït man bï kɔc aluɛth ë kɔc wɛ̈ɛ̈t nu ë weyiic, kɔc bï lööŋ ë wëët yalic bɛ̈ɛ̈i ëcuëër, lööŋ bï kɔc riɔ̈ɔ̈k piɔ̈ɔ̈th, arëk abïk Bɛ̈nydït cï ke wɛ̈ɛ̈r bei rɛɛc, agokï röt dap gɔ̈n riääk.

2 Pet 2:1 ပူးပေါင်းရင်းမြစ်များ

1 Mel 22:6

Go melik de Yithriɛl tït ke Nhialic tɔ cɔl, kɔc cït bot kaŋuan (400), ku yöök keek an, “Bä tɔŋ lɔ lɛɛr Ramoth Giliyad ku cä tɔŋ bï lɛɛr?” Gokï bɛ̈ɛ̈r an, “Lɔ makkï keek, Bɛ̈nydït abï yï gam tiëm.”

Bɛ̈n 15:16

Aake tïŋ riɛldu Bɛ̈nydït, gokï riɔ̈ɔ̈c arëët, ku kɛ̈ɛ̈ckï ke ke thany kethäär atëëk ë kɔcku. Kɔc ɣɔn lunyë bei në lïïmic.

Yith 9:15

Bäny kek aye nɔm, ku tït ke Nhialic ee lueth töör kek aye yɔ̈l!

Jeremia 29:21

“Bɛ̈nydït de rɛm, Nhialic de Yithriɛl, acï jam në biäk de Aɣap wën e Kolaya ku Dhedekia wën de Maathia, kɔc ee week lɛ̈k lueth ë rinke. Acï lueel nɔn bï yen ke tɔ dɔm ë Nebukadnedhar melik de Babilonia, ku abïï keek nɔ̈k ë wenyïïn ke we daai.

Jeremia 37:19

Eeŋö cï tuöl tëde tïtku, tït wään ee yïn yɔ̈ɔ̈k nɔn cïï melik de Babilonia yïn bï mak wekë wut?

Jeremia 6:13

Raan ëbɛ̈n, röördït ayï kɔc kor, ayek wëu ke ayäär kɔɔr, ayï tït ku bäny de kakë Nhialic ayek kɔc math.

Dhiëëu 2:14

Tïtkun acïn kë yek lɛ̈k yïn, ee tör yetök. Wɛ̈ɛ̈tden ee week math, në biäk cïï kek karɛckun ee nyuɔɔth. Acïk yïn tɔ tak yïnɔm yïn cïï puŋëpiɔ̈u kɔɔr. Acïk yïn nyuöth lueth ku ka ɣääriic.

Ɣodh 9:8

Nhialic kekë tiëtde kek atit Yithriɛl. Ku wïïn ke dɛ̈p juëc aŋootkï ke ke thiäŋ kuɛɛr ke Yithriɛl yiic, ku wël anukï ɣön ë Nhialic.

Maika 2:11

“Të de yen aluenh cï bɛ̈n, ku lëk week an, ‘Wek bä thuɛ̈th mɔ̈u ayï mɔ̈n tuc, ka bïk juëc.’ Yen tiët yak gam ka.

Maika 3:11

Bäny ke pänydït ayek wut mac në kumthok, ku wëët bänykɛn ke kake Nhialic kɔc në ariöp. Ku tïtken ayek cɔ̈ɔ̈r në wëu. Ku ŋootkï ke ke ye röt kan në Bɛ̈nydït, ku luelkï an, “Bɛ̈nydït atɔ̈u në woyiic, ka acïn kërɛɛc bï wo yök.

Maika 3:5

Ku kë lueel ë Bɛ̈nydït kï an, “Ku në biäk de tït mär kɔckï. Të cï ë ke cääm apiɛth, ke luelkï an, ‘Wek bï dɛ rëër lɔ dïu.’ Na cï keek nyɔ̈ŋ, ke ke riëëc kɔc nɔn bï tɔŋ ke yök.

Malakai 3:5

Ku lueel ë Bɛ̈nydït de rɛm an, “Ku Yɛn bï lɔ bɛ̈n ë welɔ̈m, bä löŋdun week bɛ̈n guiir, Yɛn bï tït ke yiëth dap bɛ̈n gaany, ku kɔc ee diëër lei kɔɔr, ku kɔc ee kuëëŋ në lueth, ayï kɔc ee kɔc luui keek cam në ariöp de luɔiden, ku kɔc ee diëër cïn nïïm röör yɔŋ, ku yɔŋkï abɛɛr, ku pënkï kamaan yinyden, ku cïkï riɔ̈c në Yɛn.

Math 10:33

Ku raan ëbɛ̈n raan bï a jai ë kɔc nïïm, yen abä jai ayadäŋ ë wäär nɔm wäär nu paannhial.

Math 24:11

Ku tït aluɛth abïk röt jɔt ke ke juëc, agokï kɔc juëc math.

Math 24:24

Kërtho aluɛth abïk röt jɔt kekë tït aluɛth, ku abïk göök dït aa nyuöth kɔc, ayï kagɛ̈iyë ke dït, ku aduëërkï kɔc cï lɔc gup cɔ̈k nïïm wei, të cï kek e lëu.

Math 24:5

Kɔc juëc abïk bɛ̈n ë rinkï, bïk ku luelkï an, ‘Yɛn Kërtho kï, agokï kɔc juëc math.

Math 7:15

Yak röt tiit në tït aluɛth, kɔc ee bɛ̈n tëde week ke ke ceŋ dël ke thök, ku keyiic thïn ayak aŋuööth cï wäth.

Mak 13:22

Kërtho aluɛth abïk röt jɔt ayï tït aluɛth, ku abïk kagöök dït nyuöth kɔc, ayï ka ke gäi dït, arëk abïk kɔc cï lɔc duɛ̈ɛ̈r cɔ̈k nïïm wei aya, të de yen të bï kek e lëu.

Luk 12:9

Ku raan ee ya jai ë kɔc nïïm, yen abä jai ë tuuc ke Nhialic nïïm.

Luk 21:8

Go lueel an, “Yak röt tiit, ke we cïï bï math: kɔc juëc abïk bɛ̈n në rinkï, bïk ku lueelkï an, ‘Ya kï!’ Ku an, ‘Piny ë guɔ thiɔ̈k!’ Duökï ke kuany cök.

Luk 6:26

“Amawoou në week, të leecë week ë kɔc kedhie, wärken aake ye tït aluɛth luööi yikya.

Romai 16:18

Kɔc cït keek acïkï Bɛ̈nydan Yecu Kërtho ee luööi, ee keyiic kek luuikï, ku ayek kɔc cïn piɔ̈ɔ̈th kërac math piɔ̈ɔ̈th në wël mit luelkï, ayï wëŋ ee kek kɔc wëŋ.

1 Kor 11:19

Tëŋ ee kɔc ke yiic tek abï dhil nu ë weyiic, ke kɔc cï tɔ ye kɔc piɛth ke ke bï tïc ëgɔk ë we yiic.

1 Kor 6:20

We cï ɣɔɔc ë ɣööc tuc: yen aa wek Nhialic tɔ yök dhuëëŋ në guöpdunic ayï wëikun yiic, kek ka ke Nhialic ka.

1 Kor 7:23

We cï ɣɔɔc ë ɣööc tuc, duökï röt bï tɔ ye lïïm ke kɔc.

Galatai 2:4

ee jam de mïthëkɔckuɔn kɔ̈k aluɛth, kɔc cï bɛ̈n thïn ëcuëër, en aa jiɛi wok ë cuɛ̈lde, ayek cäthda bɛ̈n neem, cäth ciɛth wok ë këde yenhda ë Kërtho Yecu yic, luɔi bï kek wo tɔ ye lïïm.

Galatai 3:13

Kërtho acï wo wɛ̈ɛ̈r bei ë aciɛɛn ë löŋic, luɔi cï e tɔ ye aciɛɛn në biäkda: luɔi cï e gɔ̈ɔ̈r an, “Raan ëbɛ̈n raan nɔ̈ɔ̈k ë tim nɔm, ka cï cieen.”

Galatai 4:17

Kɔ̈ɔ̈r ee kek cök ë kɔɔr kek week acïï piɛth, ee luɔi bï kek we guöör biic, en anu ë kepiɔ̈ɔ̈th, ke ke bäk cök ë kaar wek keek.

Galatai 5:20

läm de yiëth, athuɛ̈ɛ̈th, män mɛɛnë kɔc röt, ateer, tiɛɛl, agööth, ateer ke dït, tëŋ ee kɔc keyiic tek, döm de wëët rac,

Epethiei 1:7

Raan cï wo wɛ̈ɛ̈r bei në riɛmde, ago wo tɔ pɛ̈lë karɛckuɔ, në dït de dhuëëŋ de yenpiɔ̈u,

Epethiei 4:14

Ke wo cïï bï bɛ aa mïth thiiakäŋ, mïth ee yom miaŋ ëbɛ̈n, leer ke tɛ̈ɛ̈n ku leer ke tɛ̈ɛ̈n, yom de wëët ë kɔc, në math mɛthë kɔc kɔc ë ruëëny, ku cäp kithic ee kek kɔc math.

Nyöŋ 32:6

Yen kueer bä wek Bɛ̈nydït aa luööi ka, wek kɔc dhän cie tak? Ee wuöördun, ee Aciëŋdun, raan ë loi week ku tɔ we ee jur.

Pilipoi 3:19

këdɛn bïk yök rial ee riääk ëliŋliŋ, yäc en aye yanhden, ku dhuëëŋden ee yäär ee kek yäär, ayek kepiɔ̈ɔ̈th tuöm ka ke piny nɔm.

Kolothai 2:18

Duökï röt tɔ pënë raan ariöpduön bäk yök, në kuur ee yen rɔt kuɔɔr piny ku läm ee yen tuucnhial lam, raan ë pëk ë ke cï yök ë nyuöthic, ee rɔt tɔ dït ë ɣɔ̈ric, në piɔ̈ndɛn cï tuöm ka ke piny,

Kolothai 2:8

Yak röt tiit, ke cïn raan bï we puk piɔ̈ɔ̈th në nhiëër ë pɛl ku në ruëëny ɣɔ̈ric, në jam thɛɛr ë kɔc, ku në jam de jɔɔk ke piny nɔm, jam cie këde Kërtho.

1 Tim 5:8

Ku na de raan reec diɛɛr në këde kɔcken, ka ye raan rac, ku na reec diɛɛr në këde dhiënde guöp, ka ye raan rac aläl, acï gäm rɛɛc ëtaiwei, aŋuɛ̈ɛ̈n ë raan kën kɔn gam.

2Tim 4:3

Ade kööl bï bɛ̈n, kööl cïï kɔc wëët piɛth bï guum, abïk yith aa yilëyil, agokï röt kuöt kɔc bï keek aa wɛ̈ɛ̈t ë kë röŋ në ŋɔ̈ɔ̈ŋ ee ke dɔm.

Tito 1:11

Kɔckë abï ke dhil ruɔɔt thook, ayek dhiën riɔ̈ɔ̈k ëliŋliŋ, ku yek kɔc wɛ̈ɛ̈t ë kë cïï piɛth, në biäk de nhiëër nhiɛɛr kek wëu ke ayäär.

Tito 3:10

Raan ee wëët yalic, të cï yïn e jɔ̈ɔ̈ny raantök ayï raanrou, ke jɔ rɛɛc.

Ɣeberuu 10:29

Në täŋdunic, duëër aa këtuc dïït cït ŋö, yen kuöm bï röŋ ke raan bï Wën ë Nhialic dhɔɔt guöp? Në reec reec yen En, ku kɛ̈c në yecök, ku ee riɛm de löŋ cï piɛc mac bï yen tɔ piɛthpiɔ̈u tɔ cïn naamde, ku ye Wëidït ɣer ke dhuëëŋdepiɔ̈u läät ë lɛ̈ɛ̈t rac.

1 Pet 1:8

Ee raan nhiaar, na cakaa yen ë kɛ̈nkï tïŋ: ku ye raan cäk gam, na cakaa yen ë cäkï woi guöp ënɔɔnë, aguɔkï piɔ̈ɔ̈th miɛt në miɛt cïï themë thok, ku de yic dhuëëŋ dït,

2 Pet 2:3

Ku kɔɔr ee kek wëu juëc kɔɔr, en a bï kek week aa cam në jam ë ruëëny, ku guiëër bï löŋden guiir, guiëërdɛn thɛɛr, acie gääu, ku cïï riääkden ee nok!

1 Jɔn 2:26

Ku kakë acä ke gäär week në këde kɔc ee week math.

1 Jɔn 4:1

Wek kɔc nhiaar, duökï wëi gam kedhie, ku yak wëi them, nɔn ë bï kek tëde Nhialic: ade tït aluɛth juëc cï lɔ ë piny nɔm.

Juda 1:18

Wël wään cïk ke lɛ̈k week an, “Kööl rial kɔc de gup agɛɛt abïk dhil nu, kɔc bï ŋɔ̈ɔ̈ŋdɛn rac aa kuany cök.”

Juda 1:4

Luɔi de en kɔc kɔ̈k cï bɛ̈n thïn ëcuëër, kɔc cï kɔn meek ɣɔn thɛɛr, bïk këdɛn tucë yök, kɔc reec Nhialic riëëu, ku yek dhuëëŋ de Nhialicda piɔ̈u puk tɔkï ye këde dhööm, ku reeckï Bɛ̈nydïït töŋ nu ë wonïïm, Bɛ̈nydan Yecu Kërtho.

Nyuuth 13:14

Ku ye kɔc rɛ̈ɛ̈r ë piny nɔm math në baŋ de göök gɛ̈iyë cï gäm en bï ke looi ë lɛ̈n rac nɔm, ee kɔc rɛ̈ɛ̈r ë piny nɔm yɔ̈ɔ̈k, an, bïk këdäŋ cuëëc kë cït guöp lɛ̈n rɛɛc wään cï yiëk tëtök në abätäu, ku acï pïïr.

Nyuuth 2:13

Yɛn ŋic luɔidu, ku ŋiɛc të tɔ̈u yïn thïn, yen të nu thööny ë Catan, ku yïn ee rinkï döt ë muk, ku kɛ̈në gäm gɛm yïn ɛn jai, acakaa kööl ɣɔn nu Antipa cäätɔdiën adöt, raan cï nɔ̈k ë weyiic, të ye Catan rëër.

Nyuuth 2:9

Yɛn ŋic luɔidu, ku ŋiɛc katuc ee yïn dhal, ayï kuany cï yïn nyin kuany (ku yïn cï bäny), ku ŋiɛc lɛ̈ɛ̈t rɛɛc de kɔc ee ye lueel, an, yek Judai, ku cïkï ye Judai, ku yek luaŋ de Catan.

Nyuuth 3:8

Yɛn ŋic luɔidu (tïŋ, ɣön cï liep thok acä tuɛɛl ë yïnɔm tueŋ, ɣön cïn raan duëër e lëu ë thiɔ̈k), luɔi ciɛth yïn we riɛl thiinakäŋ, ku ye jamdï döt, ku kɛ̈në rinkï jai.

Nyuuth 5:9

Ku kitkï din ë piɛc cak, luelkï, an, “Yïn rɔ̈ŋ we luɔi duëër yïn awerek nööm, ku kuek adɔ̈kkë bei: Ë luɔi cï yï nɔ̈k, ago wo wɛ̈ɛ̈r bei në riɛmdu në këde Nhialic ë dhiën yiic ëbɛ̈n, ku thok yiic ëbɛ̈n, ku kɔc yiic ëbɛ̈n, ku juöör yiic ëbɛ̈n,

Nyuuth 6:10

Agokï cööt ë röl dït luelkï, an, “Ee nɛn, yïn Bɛ̈nydït, ɣeric ku ye yic, en bï yïn löŋ guiir, ku bä riɛmda guöör ë kɔc rɛ̈ɛ̈r ë piny nɔm në biäk cï kek wo nɔ̈k?”