2 Pet 1:8 - JAM DE NHIALIC 2011

⁸ Ku na nu kakë ë weyiic, ku ë ke ŋuak röt, ka yek we tɔ ye kɔc cïï röt ee dak ku kɔc cie rool në ŋïny ŋiɛc wek Bɛ̈nydan Yecu Kërtho.

2 Pet 1:8 ပူးပေါင်းရင်းမြစ်များ

Kɛ̈ŋ 19:15

Adaakrɔt amääth ke nïn ku abï teer ke cɔk.

Math 13:22

Ku kë cï com ë kuɔɔth yiic, yen aye raan piŋ jam, na wën ke diɛɛr ë ka ke pinyë nɔm, ku mɛth ee juëc de wëu raan math, ke ke nyiic jam, go cïï lok.

Math 20:3

Go bɛ lɔ biic të cït thaar kadiäk aköl, ku tïŋ kɔc kɔ̈k akɛ̈ɛ̈ckï ë thuuk thok, ke ke cïn nïïm luɔi,

Math 20:6

Na ɣɔn thëën, të cït thaar kathiëër ku tök aköl, ke lɔ biic, le ku yök kɔc kɔ̈k akɛ̈ɛ̈ckï ke ke cïn nïïm luɔi, go ke thiëëc an, ‘Eeŋö kääc wek eenë ëcaŋawën, ke we cïn nïïm luɔi?’

Math 25:26

Go bɛ̈nyde puk nɔm an, “Yïn ee lïm rɛɛc adaakrɔt, yïn ŋic ɛn nɔn aa yɛn tem të kɛ̈n ɛn com thïn, ku ŋic nɔn aa yɛn kuany të kɛ̈n ɛn kɔn pok thïn,

Jɔn 15:2

Këër nu ë yayic ëbɛ̈n këër reec luɔk, ka bïïyë bei: ku këër ëbɛ̈n këër ee luɔk, ka looi abï kɔ̈u piath, ke bï luɔk aläl.

Jɔn 17:3

Ku kënë yen aye pïïr athɛɛr an, Ŋïny bï kek yïn ŋic, yïn Nhialic yic, yïn yïtök, ku ŋickï Yecu Kërtho raan ë yïn ë toc en.

Jɔn 5:42

Ku wek ŋiɛc, nɔn liiuwë nhiëër ë Nhialic ë weyiic.

Romai 12:11

Ë cïn raan ë rɔt dak ë luɔide, yak yiic lëth në Wëidït, yak ka ke Bɛ̈nydït looi.

1 Kor 15:58

Yen ka, wek mïthëkɔckuɔn nhiaar, yak kɔ̈ɔ̈c tëdun aril, duökï röt ë tɔ jäp tëdun, yak wenyïïn ŋuak në luɔi de Bɛ̈nydït ë aköölnyïïn kedhie, në ŋïny ŋiɛc wek luɔiduön ril nɔn cïï en ee kë ɣɔ̈ric ë Bɛ̈nydïtic.

2 Kor 13:5

Thɛmkï röt nɔn rɛ̈ɛ̈r wek ë gämic ëgɔk, caathkï röt. Kuöckï wegup nɔn nu Yecu Kërtho ë weyiic, të cä wek ee kɔc cï rɛɛc tei?

2 Kor 8:2

Acakaa kek ë ye them në këtuc dïït dhal keek, ke miɛt mit kek piɔ̈ɔ̈th aläl ku kuany de kenyïïn acïk piɔ̈ndɛn adhuɛ̈ŋ tɔ ŋuak rɔt abï dït aläl.

2 Kor 8:7

Ku acït man cä wek kuɛth në këriëëc ëbɛ̈n, në gäm, ku në jam, ku në ŋïnydekäŋ, ku në lɛ̈th lɛ̈th wek yiic, ku në nhiëër nhiaar wek wook, en ja wek aa kuɛth në dhuëëŋ ayadäŋ.

2 Kor 9:14

Ku kegup ayadäŋ, të ye kek lɔ̈ŋ ë biäkdun, ke ke ye week tak aläl, në biäk de dhuëëŋ dïït ë Nhialic nu ë wepiɔ̈ɔ̈th dhuëëŋ dït aläl.

Pilipoi 1:9

Ku cöökë yen a läŋ, ke nhiëërdun bï lɔ ke lɔ abï dït arëët në ŋïnydekäŋ ku puny aa wek käŋ ŋiëc pɔ̈ɔ̈c yiic ëbɛ̈n,

Pilipoi 2:5

Yak cath në piɔ̈n kït kekë piɔ̈n wään cath ke Kërtho Yecu ayadäŋ:

Pilipoi 3:8

Yeka, ee yic, yɛn ë käŋ tɔ ye riääk tei kedhie, në biäk de piath wär këriëëc, piath de ŋïny ŋiɛc ɛn Kërtho Yecu Bɛ̈nydiëndït, raan cï riääk de kakï kedhie aa tiiŋ nɔm në biäkde, ku acä ke tɔ ye wɛr tei, luɔi bän Kërtho yök,

Kolothai 1:10

ke rëërdun bï röŋ kekë rëër ë kɔc ke Bɛ̈nydït, ke Bɛ̈nydït bï piɔ̈u miɛt arëët. Yak luɔk në luɔi piɛth ëbɛ̈n, ku ŋuakkï wenyïïn ë ŋïny ŋiɛc wek Nhialic.

Kolothai 2:7

Ku takï meeidun ɣet ë yeyic, ku we bï yïk ë yeyic, ku yak kɔ̈ɔ̈c aril në gämic, cït man cï we wɛ̈ɛ̈t, ku yak kuɛth ë gäm abäk thieithieei dap aa lueel.

Kolothai 3:16

Yak jam de Kërtho tɔ rɛ̈ɛ̈r ë weyiic në pɛlënɔm ëbɛ̈n, abäk kuɛth ë ye, yak röt wɛ̈ɛ̈t wapäc ku yak wenïïm tak në diɛt, ku diɛt ke Nhialic ku diɛt ke Wëidït, ku yak Bɛ̈nydït kɛ̈t në miɛt ë wepiɔ̈ɔ̈th.

1 Theth 3:12

ë Bɛ̈nydït ë we tɔ ŋuak wenyïïn abäk kuɛth në nhiëër nhiar wek röt, ku në nhiëër nhiaar wek kɔc kedhie, acït man nhiɛɛr wok week ayadäŋ,

1 Theth 4:1

Cöök ciëën, wek mïthëkɔckuɔ, wek läŋku, ku lëkku week në Bɛ̈nydït Yecu an, Acït man cä wek jam yök tëde wook, jam de rëër bä wek dhil rëër, ke we bï Nhialic tɔ mit piɔ̈u, wek läŋku, ke rëërduön piɛth bï aa cool ë ŋuak e nyin.

2 Theth 1:3

Wo bï dhil aa cool ë lec Nhialic nɔm në biäkdun, wek mïthëkɔckuɔ, cït man piɛth en, ë luɔi ee gämdun rɔt ŋuak aläldïïtë, ku luɔi dïïtë nhiëër nhiaar wek röt wedhie aläl.

1 Tim 5:13

Ku ayek röt wɛ̈ɛ̈t ëŋɛɛrëguöp, ku jɔkï aa riäu lek dhiënë ku lek dhiënë, ku acïkï gup ee ŋɛɛr tei, ayek kɔc ee guak ë keliëp, kɔc ee röt gap ë luɔi de kɔc kɔ̈k yiic, agokï ka cïï piɛth aa lueel.

Tito 3:14

Ayï kɔckuɔ aya tɔ ke wëëtë apiɛth ke ke bï aa cool ë loi luɔi piɛth, agokï kë pïïr kek aa yök, ku cïkï ee tɔ̈u ke ke cïï lok.

Pile 1:6

Ku yɛn ee lɔ̈ŋ, ke män mɛtë kɔc ë gämduyic ke bï dɛ naamdɛn dït, agokï këpiɛth ëbɛ̈n ŋic ëgɔk këpiɛth yok yök, në Kërtho Yecu.

Ɣeberuu 6:12

Acuku kɔɔr luɔi bä wek aa adaakröt, akɔɔrku bäk ciët kɔc cï gam, ku yek tïït ku gumkï aɣet të bï Nhialic ke gäm kë cï thɔ̈n keek.

2 Pet 1:2

Ë dhuëëŋdepiɔ̈u ku mät ë ke lɔ ke ke ŋuak kenyïïn tëde week, në ŋïny ŋiɛc wek Nhialic kekë Yecu Kërtho Bɛ̈nydïïtda.

2 Pet 1:3

Acït man cï riɛldɛndïït bɔ̈ nhial wo gäm këriëëc ëbɛ̈n ka ke wëi ayï kake riëëu de Nhialic, në ŋïny ŋic wok Raan ë cɔl wook buk dhuëëŋde yök kekë piath de yenpiɔ̈u.

2 Pet 2:20

Ku na kɔc cï kɔn poth në kacol ke piny nɔm, në ŋïny ee kek Bɛ̈nydït ŋic yen aye Konydan Yecu Kërtho, të cï ke bɛ deep ë keek ku tiam ke, ke täudɛn ciëën jɔ rac awär täudɛn tueŋ wään.

2 Pet 3:18

Yak lɔ ke we lɔ tueŋ në dhuëëŋ de wepiɔ̈ɔ̈th ku në ŋïny ŋiɛc wek Bɛ̈nydïïtdan Yecu Kërtho, yen aye Konydan ë wëi. Ë dhuëëŋ ë ye tɔ̈u ke ye këde ayï ënɔɔnë aɣet athɛɛr. Amiin.