2 Pet 1:7 - JAM DE NHIALIC 2011

⁷ ku matkï määth ë mïth ke raan tök määth kekë riëëu de Nhialic, ku matkï nhiëër kekë määth ee mïth ke raan tök määth.

2 Pet 1:7 ပူးပေါင်းရင်းမြစ်များ

Romai 12:10

Yak röt nhiaar në nhiëër ë mïth ke raan tök, ë ŋɛk e ŋɛk riëëu awär riëëu riëëu en rɔt.

Galatai 6:10

Yen ee wo kɔc jɔ luööi apiɛth kedhie, ë akööl bï rɔt yök, ku kɔckuɔn cï wok gam ëtök kek abuk ke ya luööi apiɛth arëëtdïïtë.

Kolothai 3:14

Ku në kakë yiic kedhie yak nhiëër dɔm, yen aye kën ee käŋ mat yiic abïk aa dikëdik.

1 Theth 3:12

ë Bɛ̈nydït ë we tɔ ŋuak wenyïïn abäk kuɛth në nhiëër nhiar wek röt, ku në nhiëër nhiaar wek kɔc kedhie, acït man nhiɛɛr wok week ayadäŋ,

1 Theth 5:15

Mäthdhiën, ë cïn raan ee raan luöi kërac raan cï e kɔn luöi kërac, yak këpiɛth kuany cök anandun, ë ŋɛk ë ye ŋɛk luöi këpiɛth, ayï raan ëbɛ̈n.

Ɣeberuu 13:1

Yak kɔ̈ɔ̈c në nhiëërduön nhiaar wek röt cï mïth ke raan tök në Kërtho yic.

1 Pet 1:22

Ku nɔn cä wek wepiɔ̈ɔ̈th tɔ ɣer në gäm cä wek yic gam në riɛl ë Wëidït, gäm cï we yiëk piɔ̈ɔ̈th nhiëër aa wek mïthëkɔckun nhiaar ë nhiëër cïnic lueth, ke we nhiaar röt arëët ë piɔ̈n ɣeric ëwic:

1 Pet 2:17

Yak raan theek ëbɛ̈n. Yak mïthëkɔckun nhiaar. Yak riɔ̈ɔ̈c ë Nhialic. Yak melik riëëu.

1 Pet 3:8

Cöök ciëën, yak tɔ̈u në piɔ̈n tök wedhie, yak piɔ̈ɔ̈th dap dhiau ë röt wapäc, yak röt nhiaar cït mïth ke raan tök, yak piɔ̈ɔ̈th dap kok, yak röt tɔ kor.

1 Jɔn 3:14

Aŋicku nɔn cï wok bɛ̈n bei ë thuɔɔuwic lok të nu pïïr, në nhiëër nhiɛɛr wok mïthëkɔckuɔ. Raan cïï kɔc ee nhiaar, ka tɔ̈u ë thuɔɔuwic.

1 Jɔn 3:16

Kë ŋicku nhiëër kï, gɛm cï en wëike gaam në biäkda: ku wo duëër wëikuɔ dhil gaam në biäk de mïthëkɔckuɔ.

1 Jɔn 4:21

Ku löŋë a yökku tëde yen an, Raan nhiaar Nhialic ke nhiaar mɛnhkënë aya.