2 Pet 1:4 - JAM DE NHIALIC 2011

⁴ Ku yen aa lëk en wook kadït göök de naamden ka bï gäm wook, ke ke bï we tɔ ye kɔc bï täu de Nhialic rɔm ëtök, të cä wek poth ë dhiap nu ë piny nɔm dhiap ë bïïyë ŋɔ̈ɔ̈ŋ de kërac.

2 Pet 1:4 ပူးပေါင်းရင်းမြစ်များ

Romai 9:4

Ayek kɔc ke Yithriɛl, ku muŋ cï Nhialic ke muk ë dhuëëŋ ee këden, ayï lööŋ cï mac, ayï tɛ̈ɛ̈u cï löŋ tääu piny, ku luɔi de ka ke Nhialic, ku läm, ku ka cï kɔn lueel, an, bï ke gäm keek, ayek kaken,

2 Kor 1:20

Ku të de en ka cï Nhialic lueel an, bï ke gäm kɔc, “Ɣɛɛ” yen aye këde, ku ye “Amiin” këde, ke Nhialic bï dhuëëŋ yök në wook.

2 Kor 3:18

Ku wook wodhie, wok ee dhuëëŋ de Bɛ̈nydït woi cït man ë wo käŋ woi ë mɛnhdheric, ke cïn lupɔ kum wonyïïn, agoku röt aa puk buk aa ciët täudɛn manë guöp, ku yok dhuëëŋ yök dhuëëŋ ee cool ë ŋuak rɔt, ku ye Bɛ̈nydït en abïï en, yen aye Wëidït.

2 Kor 6:17

Go ë Bɛ̈nydït lueel an, “Yen bä wek bei në keyiic, abäk röt tɔ ye kɔc mɛɛn pei. Ku duökï kënhiany ee jak, ku we bä dɔm.

Galatai 3:16

Ku ka cï kɔn lueel, an, bï ke gäm en, aye ke lɛ̈k Abraɣam kekë käude. Akën lueel an, Abä ke gäm “kɔ̈th,” cït nɔn juëc kek, ee tök en ë lueel an, abä ke gäm “käudu,” yen aye Kërtho.

Galatai 6:8

Raan ee com në këde guöpde, ka bï këde guöp tem, en aye dhiap de käŋ, ku raan ee com në këde Wëi, abï këde Wëi tem, yen aye pïïr athɛɛr.

Epethiei 4:13

Aɣet të bï wok ɣet wodhie në gäm töŋ cï wok gam ëtök, ku në ŋïny ŋic wok Wën ë Nhialic, agoku aa röördït, ku buk ɣet ë pëk ë dït de kuɛth cïï Kërtho kuɛth.

Kolothai 3:10

ku cäk raan ë piac cak tääu abäk cieŋ, raan ë be ë Nhialic cak Aciëŋde, ke bï käŋ ŋic ëgɔk, ku bïï ciët täu de raan ë cak en.

Ɣeberuu 12:10

Wärkuɔn ke piny nɔm ayek wo duöi kakɛn cïk tïŋ ke ke piɛth ë kepiɔ̈ɔ̈th në ee kaam thiinë. Ku Nhialic ee wo duöi këde piathda, agoku piɔ̈ɔ̈th ɣɛɛr cït man ë Yen.

Ɣeberuu 9:15

Në biäk ee kënë, Kërtho aaye raan töŋ cï mät looi në löŋ cï piac mac, ago kɔc cï cɔ̈l pïïr athɛɛr lɔ̈ɔ̈k lak, në këde thon cï En thou bï awɛ̈ɛ̈c ke kɔc nyaai, awɛ̈ɛ̈c wään cï looi në kueer ë löŋ thɛɛr.

Jakop 1:27

Riëëu de Nhialic kï, riëëu lɔ yic wai, ku cïnic tënhiany ë Nhialic Wääda nɔm an: Nɛ̈m ee raan abɛɛr ku diëër cïn nïïm röör neem në këdɛn tuc dhal keek, ku luɔi ee raan rɔt ŋiëc muk ke cïn piɔ̈u tëcol ë bïïyë ka ke piny nɔm.

2 Pet 1:1

Yɛn Thimon Petero, lïm de Yecu Kërtho ku ya tunyde, wek gäär awerek wek kɔc cï gäm de naamde yök, gäm kït ke gämda në piathëpiɔ̈u ë Nhialic kekë Konydan Yecu Kërtho:

2 Pet 3:13

Ku wook, acït man cï en e kɔn lɛ̈k wook, wok tit tënhial bï piac cak, ku piny bï piac cak aya, piny rëërë piathëpiɔ̈u thïn.

2 Pet 3:9

Bɛ̈nydït acie gääu në kë cï kɔn lueel, ë gääu ee kɔc kɔ̈k tɔ ye gääu, ku alirpiɔ̈u ë thuaat kekë wook, ku acïn piɔ̈u luɔi bï raan tök määr, ee luɔi bï kɔc puŋdepiɔ̈u yök kedhie en anu ë yepiɔ̈u.

1 Jɔn 2:25

Ku kënë ee kë cï kɔn lueel, an, bï gäm wook, yen pïïr athɛɛr.

1 Jɔn 3:2

We kɔc nhiaar, wok ee mïth ke Nhialic ënɔɔnë, ku täudan bï wok tɔ̈u rial akën guɔ tïc. Ku aŋicku nɔn bï wo ciët en, kööl bï en tuöl, në tïŋ bï wok e tïŋ täu tɔ̈u en.