2 Pet 1:12 - JAM DE NHIALIC 2011

¹² Yen acän täk bï pɔ̈l, täŋ bän aa cool ë täk ɛn wenïïm ë kakë, ciɛk, an, ŋiɛckï keek, ku yak kɔ̈ɔ̈c aril në löŋ yicic, löŋ tɔ̈u ke week ënɔɔnë.

2 Pet 1:12 ပူးပေါင်းရင်းမြစ်များ

Luɔi 16:5

Ago ɣööt ke Nhialic tɔ ril në gäm kedhie, ku ŋuak kuënden e nyin ë aköölnyïïn kedhie.

Pilipoi 3:1

Cöök ciëën, wek mïthëkɔckuɔ an, Yak piɔ̈ɔ̈th miɛt ë Bɛ̈nydïtic. Gäär gäär ɛn week ee kamankë gup, acïï yɛn ee tɔ bäp, ku ee këpiɛth tëde week.

Kolothai 1:5

në biäk de aŋäth cï kuɛ̈t week paannhial. Ku aŋäthë acäk wek këde kɔn piŋ ɣɔn piɛŋ wek ke yiic,

Kolothai 2:7

Ku takï meeidun ɣet ë yeyic, ku we bï yïk ë yeyic, ku yak kɔ̈ɔ̈c aril në gämic, cït man cï we wɛ̈ɛ̈t, ku yak kuɛth ë gäm abäk thieithieei dap aa lueel.

1 Tim 4:6

Të ee yïn mïthëkɔckuɔ täk nïïm ee kakë, ke yïn bï aa raan ee ka ke Yecu Kërtho looi apiɛth, raan cï ŋiëc muk në wël ke gäm ku wëët piɛth wëët cï kuany cök ëgɔk.

2Tim 1:6

En a täk ɛn yïnɔm, luɔi bï yïn miɔ̈c de Nhialic aa kooth abï dëp apiɛth cït man ë mac, miɔ̈c cath ke yïn në thäny cän yï thany ë yacin.

Ɣeberuu 10:32

Duökï nïïm mär anandun në akööl cï tëëk, akööl wään bïï ë ɣɛɛr de gäm cä wek Kërtho gam, wek aa cï kajuëc guum, ku ateer tuc thook akënkï we tiaam.

Ɣeberuu 13:9

Yen duö wek röt ee tɔ thelë tɛ̈n ku tɛ̈n, yak röt pëën ke we cï bï nyaai në kueer ë Kërtho yic ku wëëtde, ku leerë we në wëët luethic. Ë we waar në riɛmde ku lööŋ cï tääu piny në biäk de thɛ̈k de kacaam akënkï we waar. Ayï kɔc ee lööŋkë riëëu acïn këpiɛth cïk luöi keek.

1 Pet 5:10

Ku ënɔɔnë, Nhialic de piɔ̈u dhuëëŋ ëbɛ̈n, Raan cï we cɔɔl në këde dhuëëŋdɛn ee tɔ̈u athɛɛr në Kërtho Yecu, miäk, të cä wek käŋ guɔ guum tëthiinakäŋ, ee we tɔ ye dikëdik yen guöp, ku tɔ we kääc, ku tɔ we ril, ku tɔ we lïk piny.

1 Pet 5:12

Yɛn ë awerek cekë tɔ luëthë week ë Thiluano, raan ŋiɛc nɔn ee yen mɛnhkënëdan adöt, acä gäär week riɛɛt ɛn wepiɔ̈ɔ̈th, ku ta rɔt ee cäätɔ në cöökë an, kënë ee dhuëëŋ de Nhialic piɔ̈u dhuëëŋ yic, dhuëëŋ kääc wek thïn.

2 Pet 1:13

Yeka, ë yapiɔ̈u, an, ee këpiɛth, tën aa yɛn week jut në täŋ aa yɛn week täk nïïm, nɔn ŋuɔɔt ɛn ke ya tɔ̈u ka ya pïïr.

2 Pet 1:15

Ku abä ya cök ë luɔi ɛn en ë aköölnyïïn kedhie aya, na miäk cä thou, ke we duëër ee kake aa tak ë wenïïm.

2 Pet 3:1

Yɛn cï awerek kɔn gäär week, wek kɔc nhiaar, ku renden kï, ku në keyiic kaarou piɔ̈ɔ̈thkuön awai aya ke pɔ̈ɔ̈c abïk yïn, në täŋ aa yɛn we täk nïïm ë käŋ,

2 Pet 3:17

Ku week, wek kɔc nhiaar, në ŋïny cäk wek kakë kɔn ŋic, yak röt tiit, ke we cïï bï thɛl wei në kɔc reec löŋ gam ëtök, në wäc ee kek käŋ wööc, aguɔkï cuö wiëëk të wään kan wek kɔ̈ɔ̈c aril.

1 Jɔn 2:21

Acie kuny kuöc wek yic, yen ë gäär ɛn week, ee luɔi ŋiɛc wek yic, ku aŋiɛckï nɔn cïn en luenh ee bɛ̈n tëde yic.

2 Jɔn 1:2

në baŋ de yic, yic ë tɔ̈u në woyiic, ku bï aa tɔ̈u ke wook aɣet athɛɛr:

Juda 1:17

Ku wek kɔc nhiaar, yak wenïïm tak në wël wään cïï tuuc ke Bɛ̈nydan Yecu Kërtho kɔn lueel.

Juda 1:3

Week kɔc nhiaar, wään aa yɛn cök ë kaar ɛn gäär gäär ɛn week awerek në këde kunydewëi kuny nu wok thïn wodhie, ke ja ŋic ë yapiɔ̈u nɔn bän week dhil gäär jam riɛɛt ɛn wepiɔ̈ɔ̈th ke we bï cök ë teer në këde gäm, gäm cï yiɛ̈n kɔc ɣerpiɔ̈ɔ̈th raantök.

Juda 1:5

Ku yɛn de piɔ̈u luɔi täk ɛn wenïïm, ciɛk an, cäk kënë kɔn ŋic, näŋ cïï Bɛ̈nydït kɔc reec gäm nɔ̈k, acakaa yen ë cï kɔc kɔn kony bïï ke bei paan ë Rip.