2 Mel 9:6 - JAM DE NHIALIC 2011

⁶ Gokï lɔ ɣöt kaarou, go dhuŋ de tiët miök de olip wäl ë Jeɣu nɔm, ku lëk en an, “Acï Bɛ̈nydït Nhialic de Yithriɛl lueel an, ‘Bä yï tɔc ke yï ye melik de kɔckiën ke Yithriɛl.

2 Mel 9:6 ပူးပေါင်းရင်းမြစ်များ

1 Mel 1:34

Ëtɛ̈ɛ̈n abï Dhadok bɛ̈ny de kake Nhialic, ku tiët ë Nhialic Nathan en lɔ tɔc ke ye melik bï nu në Yithriɛl nɔm. Ku kuɔthkï kɛŋ ku mɔckï kiɛɛu an, “Yïn bï pïïr anandu melik Tholomon.”

1 Mel 10:9

Thieithieei ë Bɛ̈nydït Nhialicdu! Bɛ̈nydït amit piɔ̈u ke yïn, abï yï nyuööc ë thööny de Yithriɛl nɔm. Në luɔi nhiɛɛr ë Bɛ̈nydït Yithriɛl aɣet athɛɛr, yen a tɔ En yïn ee melik, ago löŋ aa guiir në piathëpiɔ̈u ku yic.”

1 Mel 14:7

Lɔɔ lɛ̈kë Jerobowam kë cïï Bɛ̈nydït Nhialic de Yithriɛl lɛ̈k en an: ‘Yïn cä lɔc në kɔc yiic, ku ta yïn ë bɛ̈ny de kɔckiën ke Yithriɛl.

1 Mel 16:2

Yïn aa cie raan, ku yïn cä bɛ̈n looi ke yï ye bɛ̈ny wat kɔckiën ke Yithriɛl ku ënɔɔnë yïn cï wäc cït Jerobowam, ku watë kɔckï në awäcic. Awɛ̈ɛ̈cken acïk a jat piɔ̈u nhial në agɔ̈th.

1 Mel 19:16

ku Jeɣu wën ë Nimci abä tɔc ke ye melik de Yithriɛl, ku Elica wën ë Capat de Abel Meɣola abä tɔc bï ya tiët ë Nhialic ë nyinduyic.

1 Mel 3:8

Ku lïmdu anu ë kɔciic cil, kɔc cï lɔc, kɔc juëc arëët kɔc cïï duëërë ŋic nyïïn, ku cïï ke lëu në kuɛ̈n.

2 Mel 9:3

ku jɔ wäl nɔm miök de oilpë, ku luel an, “Acï Bɛ̈nydït lueel an, ‘Yïn tac ke yï ye melik de Yithriɛl.’ Ku ëtɛ̈ɛ̈n liep ɣöt thok, ku dap kat.”

2 Mel 9:5

go bäny ke rem de tɔŋ yök ke ke tɔ̈u ë amatic. Go lueel an, “Bɛ̈ny yɛn de thön lɛ̈k yïn.” Go Jeɣu ye thiëëc, an, “Eeŋa në woyiic raan jaam wek?” Go puk nɔm an, “Ee yïn bɛ̈ny.”

2 Lëk 22:7

Nhialic aa tɔ Aɣadhia lɔ tëde Joram, ago aa kë bï yen tɔ thou. Na wën ŋoot Aɣadhia ëtɛ̈ɛ̈n, ago lɔ biic kekë Joram bïk lɔ yök ë raan cɔl Jeɣu wën ë Nimci, raan cï Bɛ̈nydït lɔc bï dhiën de Aɣap riɔ̈ɔ̈k.

Diɛt 2:6

Ku lueel an, “Yɛn ë meliŋdï kuany në Dhiɔn nɔm, kuurdiën ɣeric.”

Diɛt 75:6

Guëër ë löŋ acïï bï bɛ̈n të lɔ aköl amiäk, ku nɔn ee të lɔ aköl athɛ̈i, ku acïï bï bɛ̈n të lɔ rut ku nɔn ee të lɔ wöuwic.

Yith 45:1

Bɛ̈nydït acï Thairuth kuany ke ye melik! Aa kuɛny ke bï juöör peec, aa tooc bïï riɛl de meliik lɔ nyaai, Bɛ̈nydït abï thook ke kɛ̈l ke pänydït liëp thook en. Ku aye Bɛ̈nydït lɛ̈k Thairuth an,

Danyel 2:21

Ee akööl muk ayï nïn Ee meliik bɛ̈ɛ̈i ku nyiɛɛi keek Ee yen ee pɛlënɔm gäm kɔc pelnïïm ku gëm ŋïnydekäŋ kɔc ee käŋ yökiic.

Danyel 4:17

Kënë ee jam de tunynhial ɣeric cï rɔt coc ke daai. Ku ënɔɔnë, tɔ ŋic ë kɔc ë pinynɔm ëbɛ̈n an Nhialic dït ade nɔm riɛl në ciɛɛŋ de kɔc ë pinynɔm kedhie nïïm. Ku aduëër keek gäm raandɛn cï lɔc. Aduëër keek gäm kɔc cïn naamden.’

Danyel 4:32

Yïn bï cuɔp wei në kɔc yiic, yïn bï rëër wekë läi, ku nyuäth wal cït man ë lɛ̈i në run kadhorou yiic. Ëtɛ̈ɛ̈n abä jɔ ŋic nɔn yen Nhialic dït, yen ade nɔm riɛl në ciɛɛŋ ë kɔc ke pinynɔm ëbɛ̈n, ku aduëër keek gäm raandɛn cï tak ë yepiɔ̈u.

1 Tham 10:1

Go Thamwɛl gul ë miök de olip nööm ku wɛ̈l ë Thaulo nɔm, ku ciim thok lëk en an, “Yïn cïï Bɛ̈nydït lɔc bä ya melik de Yithriɛl kɔcke. Yïn bï kɔc tiit ku gël ke në kɔc de ater në keek. Ku kë bï yïn e ŋic kï nɔn cïï Bɛ̈nydït yï lɔc bä ya melik de kɔcke:

1 Tham 2:7

Yen ee kɔc kɔ̈k gäm nyin kuany, ku tɔ kɔc kɔ̈k tɔ kueth, Yen ee kɔc kɔ̈k kuɔɔr piny ku jɔt kɔc kɔ̈k nhial.

1 Tham 2:8

Ee abuur nyaai në buurde yic, ku tɔ bäny abïï ya adhuëëŋ rïïuwë. Ku mën ke piny nɔm ayek kake Bɛ̈nydït, aa yïk piny nɔm në kenïïm.