2 Mel 9:37 - JAM DE NHIALIC 2011

³⁷ Ku guöp de Jedhebel, abï ciët wɛ̈ɛ̈r ë weŋ ë tiɔp nɔm domic, në aken ë Jedhreel nɔm, ku acïn raan bï ye ŋic ku cïn raan bï ye lueel an ee guöp de Jedhebel ee kënë.”’

2 Mel 9:37 ပူးပေါင်းရင်းမြစ်များ

Diɛt 83:10

Acï keek tiaam në Endor, ago gupken bɛ̈n dhiap piny.

Diɛt 83:11

Luöiyë bänyken kë awään bä luöi Orep kekë Dheeb, tiam bänyken kedhie cït man ë kë cï luöi Dheba kekë Dhalmuna.

Wɛ̈ɛ̈t 6:3

Na de raan nɔm bɔt ë meth, ku pïïr në run juëc, ku cïï piɔ̈u ee kuɛth në kapiɛth ke pïïr tɔ̈u në yen, ku kënë ŋiëc thiɔ̈k ayadäŋ, aya lueel, an, mɛnh athɔ̈ɔ̈r bei aŋuän në yen.

Yith 5:25

Bɛ̈nydït agöth ke kɔcke, ku ë Yecin jɔ̈t keek bï ke luöi këtuc, kur abï ke lath, ku gup ke kɔc cï thou abïï ke nyääŋ piny në kuɛɛriic ëbɛ̈n cït man ë nuöön. Cakaa yen ë tɔ̈u aya, agönh de Bɛ̈nydït abï ŋoot ke cïï thök, abï ŋoot ke nu ciin biic ke kɔɔr bï këtuc looi.

Jeremia 16:4

Abïk thou në jɔɔk tuc thook, ku acïn raan bï keek dhiëëu ku cïn raan tɔ̈ɔ̈u keek. Gupken abïk dhɔt piny cï tiɔɔm awäi cï kut nɔm piny. Abïï keek nɔ̈k ë abätäu ku thoukï në cɔk, ku gupken abïk aa këcam de diɛt ku läi roor.

Jeremia 22:19

Täuden piɛth, abï thɛl wei cï mul cï thou, ku cuɛtë wei ë kal ë Jeruthalem thok.”

Jeremia 25:33

Në ee köölë, gup ke kɔc cï Bɛ̈nydït ke nɔ̈k, abïk dhɔt piny ke ke cï wɛɛr gɔl aguk baŋë lee aguk däŋë. Acïn raan bï ke dhiëëu, ku acïï keek bïï jɔt, lek ke tɔ̈ɔ̈u. Abïk dhɔt piny cï tiɔɔm awäi cï kut nɔm.

Jeremia 36:20

Go bäny awerek tääu ɣön ë Elicama, raan ee gär, ku lekkï ɣön ë melik, ku lɛ̈kkï melik këriëëc ëbɛ̈n.

Jeremia 8:1

“Në ee köölë yom ke meliik ke Juda ku yom ke bänyken, ku yom ke bäny de kakë Nhialic, ku yom ke tït ke Nhialic, ku yom ke kɔc ke Jeruthalem ëbɛ̈n, abïï keek wɛ̈t bei ë rɛ̈ŋken yiic.

Jeremia 8:2

Ku abïï keek thieth në akɔ̈l nɔm kekë pɛɛi ku në rem de paannhial nɔm ëbɛ̈n, kɔc cï keek nhiaar ku luuikï keek, ku kuanykï keek cök, kɔc cïk gam ku lamkï, acïï keek bïï määtiic ku cïï keek tɔ̈ɔ̈u, abïk ciët wär ke ɣɔ̈k piny.

Jeremia 9:22

Gup ke kɔc cï thou acïk wɛɛr piny ëbɛ̈n, cï kuut de tiɔɔm awäi domic, cï rɛɛp cï tem ku nyiëëŋ ë ke piny ë kɔc ee tem, rɛɛp cïn raan ee ke määt yiic. Kënë lëkë Bɛ̈nydït yɛn ka bä bɛ̈n lueel.”

Jocua 15:56

ku Jedhreel, ku Yokdiin, ku Dhanowa,