2 Mel 9:26 - JAM DE NHIALIC 2011

²⁶ ‘Yɛn cï raan wään näk Naboth kekë wɛ̈ɛ̈tke tïŋ, ku Yɛn cï gutguut lueel në luɔi bän ke luöi këtuc në ee dom manë yic.’ Go Jeɣu kɔckɛn ee ye kuɔny yɔ̈ɔ̈k an, “Nämkï guöp de Joram, ku cuatkï në dom de Nabothic, ago gutguut de Bɛ̈nydït tɔ ee yic.”

2 Mel 9:26 ပူးပေါင်းရင်းမြစ်များ

1 Mel 21:13

Na wën, ke kɔc kaarou ke ke bɔ̈, kɔc de gup anäinäi, bïkkï ku nyuckï ë yenɔm, ku jɔkï cäk thok, luelkï ater në yen an cï Naboth Nhialic läät, ku lɛ̈ɛ̈t melik. Na wën, ke jɔkï jat biic në wut këc, lek biɔ̈ɔ̈k ë kur, abï thou.

1 Mel 21:19

Ku bä lɛ̈k en an, ‘Acïï Bɛ̈nydït lueel, an, ‘Cï raan nɔ̈k, ku nöm kake ayadäŋ?’ Ku abä yɔ̈ɔ̈k, an, ‘kë luɛɛl kï, an: ‘Të cï jɔ̈k riɛm ë Naboth lap thïn, yen abï jɔ̈k riɛmdu lap thïn!”’

2 Mel 9:21

Go Joram ke yɔ̈ɔ̈k an, “Cuɔckï abëldiën ë tɔŋ.” Gokï looi, na wën ke Joram melik de Yithriɛl, ku Aɣadhia melik de Juda ë ke lɔ biic, ke ŋɛk ë cath në abëldɛn de tɔŋic, lek rɔ̈m në Jeɣu. Gokï lɔ rɔ̈m në yen ë dom de Nabothic, raan ë Jedhreel.

2 Mel 9:25

go Jeɣu raandɛn ee ye kuɔny cɔl Bidkar yɔ̈ɔ̈k, an, “Jɔt guöp de Joram ku cuatë ë dom de Nabothic. Ku tak yïnɔm ɣɔn ciɛth wok ëtök, yɛn wo yïn në melik Aɣap cök, wun Joram, Bɛ̈nydït aacï ee wëlkë lueel në baŋ de Aɣap:

2 Lëk 24:25

Acï yiɛ̈k guöp buɔ̈t dït agök ë tɔŋic, na wën aa cï kɔc ke ater jäl, go ë bänyke kaarou ye luöi kiɛɛr rac, agokï nɔ̈k ke tɔ̈u agende nɔm, guur kek nääk de wën ë Jeɣoyada bɛ̈ny de kake Nhialic. Gokï tɔ̈ɔ̈u ë pänydït de Debid yic, ku akënë tɔ̈ɔ̈u ë rɛ̈ŋ ke meliik yiic.

2 Lëk 25:4

Ku akën mïth ee kɔckë tɔ näk, acï lööŋ cï gɔ̈ɔ̈r në awerek de Mothe yic kuany cök an, “Kɔc de mïth acïï keek duëërë näk awäny cïï mïthken looi, ku mïth aya acïï keek duëërë näk awäny de röördït ken, raan abï dhil aa näk awäny ë looi ë yen guöpde.”

Diɛt 9:13

Kokëpiɔ̈u we yɛn Bɛ̈nydït! Tïŋ nuandïït cïï kɔc ke aterdï luöi yɛn! Luäk ɛn në thuɔɔu Bɛ̈nydït!

Bɛ̈n 20:5

Du yïnɔm kɔn guöt piny në yath nɔm, ku du läŋ. Yɛn aye Bɛ̈nydït Nhialicdun, ku Yɛn ee mantil. Kɔc man ɛn aya ke luöi këtuc, ayï mïthken agut cï rem ye rɛm diäk, ayï ŋuan, rɛm man Ɛn.

Edhekiɛl 18:19

“Ku yïn bï jɔ thiëc an, ‘Eeŋö cïï meth ee gum në biäk de awɛ̈ɛ̈c ke wun?’ Bɛ̈ɛ̈rde kï meth aaye yic ku këpiɛth looi. Acï ka cä lɛ̈k yen döt, ku kuɛny kecök apiɛth, ka yen ëyic abï pïïr.

Ɣabakuk 2:10

Ku kiɛɛr rɛɛcdun ë bɛ̈ikun yiɛ̈n yiic ayäär. Ku në biäk de juöör juëc cäk keek riɔ̈ɔ̈k, ee riääk yen acäk yiɛ̈n röt.

Nyöŋ 24:16

“Wärken ë mïth acïï keek bï aa nɔ̈k në biäk de awäny cïï mïthken looi, ku mïth acïï keek bï aa nɔ̈k në biäk de awäny cïï wärken looi, raan abï aa nɔ̈k në biäk de kërɛɛcdɛn cï looi yetök.

Nyöŋ 5:9

Duökï wenïïm ee guöt piny në yiëth nïïm, ku duökï keek lam, në luöi Yan Bɛ̈nydït Nhialicdun, Yɛn cïï raan tɛɛr ke Yɛn duëër pɔ̈l. Yɛn ee kɔc man yɛn luöi këtuc, agut cï mïth ke mïthken në rɛm ye kek diäk, ayï rɛm ye kek ŋuan.