2 Mel 9:22 - JAM DE NHIALIC 2011

²² Go Joram Jeɣu luɔp an, “Bä në mät Jeɣu?” Go Jeɣu bɛ̈ɛ̈r an, “Duëër mät jɔ tɔ̈u adï, ke piny ë ŋoot ke thiäŋ ke tït ku yiëth wään gɔl ë moor Jedhebel keek?”

2 Mel 9:22 ပူးပေါင်းရင်းမြစ်များ

1 Mel 18:19

Ku ënɔɔnë, määtë kɔc ke Yithriɛliic ku tɔ ke biɔɔth ɛn ë kuur ë Karmel nɔm, ku bɛ̈ɛ̈iyë tït ke Baal ayadäŋ bot kaŋuan ku thiërdhïc 450, ku tït ke Acera bot kaŋuan 400, kɔc mät në Jedhebel.”

1 Mel 18:4

ka wään nɛ̈k ë Jedhebel tït ke Bɛ̈nydït. Obadaya acï bɔt ë tït ke Nhialic bɛ̈n jɔt le ke thiaan ë kɔ̈kiic ë kuriic, köŋë ke thiërdhïc ku köŋë ke thiërdhïc pei, ku ye ke miɔɔc në kacaam ku pïïu).

1 Mel 21:25

(Acïn raan cï rɔt gam taitai looi kërac ë Nhialic nyin cït Aɣap ku yen këde piɔ̈n ë tiiŋdɛn Jedhebel ka

2 Mel 9:18

Go raan cath ë jöŋgör kɔ̈u ye lɔ loor nɔm, ku yöök an, “Akɔɔr bïï melik ŋic na bä ke yï ye raan mɛ̈ɛ̈th wok.” Go Jeɣu bɛ̈ɛ̈r an, “Acie luɔidu! Waanë rɔt në yakɔ̈u ciëën.” Go raan tït në alooc nɔm, lueel an, tuc ë ɣet në kɔciic, ku akën yenɔm bɛ pɔ̈k ciëën.”

2 Lëk 21:13

Yïn cï luɔi piɛth pɔ̈l, ku kuany luɔi de meliik ke Yithriɛl yiic, ku tɔ kɔc ke Juda ku kɔc ke Jeruthalem lui awäc Nhialic, cït man cï melik Aɣap kekë kɔc ɣɔn lɔ në yecök kɔc ke Yithriɛl tɔ lui Nhialic awäc. Ku yïn cï mïthëkɔckun nɔ̈k, kɔc baai de wuur, röör wär yïn ë piɛth.

Wɛ̈ɛ̈t 3:8

Ade kööl ë nhiëër, ku kööl ë män, ade kööl ë tɔŋ, ku kööl de mät.

Naɣum 3:4

Ku ee kënë ëbɛ̈n ë röt looi luiyë Ninebe këtuc. Pänydïït cït tiiŋ akɔɔrröör, ee juöör diir, ku ade nɔm yiëthkɛn ee ke meet ku ayek wïn ë dɛ̈p.

Nyuuth 18:23

ku ɣɛɛr ë manyëalath acïï piny bï bɛ aa riaau ë yïyic ëtaitai, ayï röl ë monythiëk kekë nyan thiak acïï bï bɛ aa piŋ ë yïyic ëtaitai: ajalɛɛpku aake ye bänydït ke piny nɔm, ku ë adhuɛ̈ɛ̈thdu en aaye juöör math ëbɛ̈n!”

Nyuuth 18:3

Ë luɔi cï juöör ëbɛ̈n dek në mɔ̈ndɛn ë agɔ̈th, agönh ë bïïyë bɛɛlde, ku meliik ke piny nɔm aake ye lɔ në yen, ku ajalɛɛp ke piny nɔm aake cï kuɛth ë wëu në juëc de kakɛn mit ee kɔɔr.”

1 Tham 16:4

Ago Thamwɛl kë cïï Bɛ̈nydït lɛ̈k en looi, go jäl ke lɔ Bethleɣem. Na wën aa tïŋ ë röördït ke wut, ke ke lɛth ë riɔ̈ɔ̈c keek. Gokï loor nɔm lek luɔp, an, “Ee këpiɛth yen ciɛɛth yïn bɛ̈ny?”