2 Mel 8:1 - JAM DE NHIALIC 2011

¹ Na wën ke Elica ë yöök tiiŋ wun ë Cunem tiiŋ ɣɔn cïï yen wënde tɔ pïïr an bïï jäl kekë baaidu lek wun däŋ, në luɔi bïï Bɛ̈nydït cɔk tuööc ee pinyë, ku abï tɔ̈u në run kadhorou

2 Mel 8:1 ပူးပေါင်းရင်းမြစ်များ

Cäk 12:10

Ku ëtɛ̈ɛ̈n, cɔŋ dït aa nu piny ë Kanaan, go Abram baaric ke lɔ paan ë Rip, le yök ke rɛ̈ɛ̈r ëtɛ̈ɛ̈n, në luɔi ë dïït ë cɔk aläl.

Cäk 26:1

Ku cɔŋ däŋ acï kɔc bɛ dɔm, ke cie cɔŋ ɣɔn kɔn kɔc dɔm në akööl ke Abraɣam. Go Yithaak lɔ Jiraar të nu Abimelek, melik de Pilithiin.

Cäk 41:25

Go Jothep lɛ̈k melik, an, “Nyuöthku kaarou aluelkï tök: Nhialic ë yï lɛ̈k kë kɔɔr bï looi.

Cäk 41:32

Ku nyöŋ cïn nyuöthdu nyɔkic, anyooth luɔi cï Nhialic jam tɔ ye yic, ku abï dap tɔ loi rɔt.

Cäk 41:54

Ku gɔl run ke cɔk röt ë määth, cït man wään cï Jothep ë lueel. Go cɔk kɔc dɔm në wuöt kɔ̈kiic, ku Rip ëbɛ̈n ade nɔm kacaam.

Cäk 47:4

Wok aa bɔ̈ buk bɛ̈n rëër eenë, në baŋ cï cɔk dït arëët piny ë Kanaan. Ka acïn wal ye thök nyuööth. Yïn läŋku, bɛ̈ny, an, “Tɔ wo rɛ̈ɛ̈r piny ë Gocen.”

2 Tham 21:1

Ɣɔn ye Debid melik, cɔŋdït acï bɛ̈n tuöl, abïï run kadiäk lɛɛr. Go Debid Bɛ̈nydït lɔ̈ŋ. Go ë Bɛ̈nydït lɔ̈ŋde piŋ, ku puk nɔm en an, “Thaulo kekë dhiënde adekï gup aciɛɛn, në biäk cï kek kɔc ke Gibiɔn nɔ̈k.”

2 Tham 24:13

Na wën ke Gad jɔ lɔ tëde Debid ku lɛ̈k en an, “Ee kënou yen bä dɔm? Cɔŋ de run kadiäk tëde yïn wekë pinydun? Ku nɔn bï kɔc ke aterdun week cop në pɛ̈i kadiäk? Ku nɔn ee jɔŋ tuc thok bï we nɔ̈k ë nïn kadiäk pinydun? Tak ee kënë yic apiɛth. Ku jɔ tök meek ee kake yiic, kë bä lɔ lɛ̈k Bɛ̈nydït.”

1 Mel 17:1

Go tiët cɔl Elija raan ë Ticibe në Giliyad lɛ̈k melik Aɣap an, “Alɛ̈k yïn në rin ke Bɛ̈nydït, Nhialic pïïr de Yithriɛl ya luööi, an abï ciën deŋ ku cïn thäc në ee runke yiic agut të bän e lueel.”

1 Mel 18:2

Go Elija lɔ lee rɔt nyuöth Aɣap, ku cɔk aacï jɔ dït aläl në Thamaria.

2 Mel 4:18

Na ɣɔn cï meth dït, ë kööl tök acï lɔ tëde wun domic të tëm ë kɔc.

2 Mel 4:36

Go Geɣadhi cɔɔl, ku yöök bïï man meth cɔɔl. Na wën, cï bɛ̈n ɣöt tëde yen, ke yöök an, “Jɔt wëndu.”

2 Mel 4:38

Go Elica bɛ bɛ̈n Gilgal, ɣɔn cï piny dɛk cɔk, ku tït ke Nhialic aake rɛ̈ɛ̈r ë Elica lɔ̈ɔ̈m. Na wën, ke yöök lïmde bïï töönydït cäp mɛɛc, ku bïï tït thäl cuei.

2 Mel 7:20

Ku yen kë cï rɔt bɛ̈n luöi yen ka, aa dumic në kɔc, në kueer ë kal ë wut thok.

2 Mel 8:2

Go tik rɔt jɔt, ku looi cït man cïï raan de Nhialic ye lueel, ku jiël ke kɔc ke baaide, ku lek rëër Pilithiin në run kadhorou.

Diɛt 105:16

Bɛ̈nydït acï cɔk tɔ löny paanden ku nyiɛɛi kacaamken ëbɛ̈n.

Diɛt 107:34

Piny ee ŋiëc luɔk acï tɔ ee piny de yic dhiai, në biäk de rɛ̈ɛ̈c de kɔc ceŋ ëtɛ̈ɛ̈n.

Jeremia 25:29

Yɛn bï luɔidiën ë riääk gɔl ë pänydïïtdï. Yek tak bïk jäk ke kën luöi këtuc? Ei, abïï keek luöi këtuc, Yɛn lɔ tɔŋ tuöc kɔc ke piny nɔm kedhie. Acä lueel, Yɛn Bɛ̈nydït de rɛm.

Lebai 26:26

Yɛn bï të ye këcamdun bɛ̈n tɛɛm wei, ka diäär kathiëër abïk kuïnduön cï pam aa thaal në töny tök yic. Ku abïk kuïn cï pam aa thɛ̈m bei në ke ye ë them, ku të cä wek cam, wek bï ŋoot ke we nɛ̈k cɔk.

Amoth 4:6

“Ee Yɛn ë tɔ week nɛ̈k ë cɔk në wuöt yiic, ku ta week cïn rap në bɛ̈i yiic kedhie. Aa luɔi aya ke we bï röt pɔ̈k ɛn. Ku wek kën röt bɛ̈n pɔ̈k ɛn.

Ɣagai 1:11

Yɛn ë piny tɔ yaak, ayï kur nïïm, ku rɛɛpke, ku duumkuön ke enap, ku duum ke tiim ke olip. Këriëëc nyin ëbɛ̈n, kë ee cil piny, acä tɔ yal, ayï kɔc, ayï ɣɔ̈k, ayï thök.

Luk 21:11

Ku piny abï rɔt niɛŋ tɛ̈ɛ̈n ku tɛ̈ɛ̈n, ku bɔ̈ cɔŋdït ku jɔɔk ee kɔc thöl, ku ka ye kɔc tïŋ agokï riɔ̈ɔ̈c abïk nu ayï kagöök bɔ̈ nhial.

Luk 21:22

Aköölkë ee akööl ke guur, kööl bï kacïgɔ̈ɔ̈r thöl ë luɔi kedhie.

Luk 4:25

Ku wek lɛ̈k yic an, Diëër abɛɛr juëc aake nu paan ë Yithriɛl ɣɔn nu Elija, ɣɔn cï tënhial thiöök ë run kadiäk ku pɛ̈i kadhetem, ku nu cɔŋ dït ë piny nɔm ëbɛ̈n.

Luɔi 11:28

Go raan tök ë keek rɔt jɔt, raan cɔl Agabo, go kɔc yɔ̈ɔ̈k në Wëidït an, de cɔŋ dïït bï dap bɛ̈n ë piny nɔm ëbɛ̈n. Na wën, ke cɔŋë tul wään nu Kulaudio Kaithar.

Ruuth 1:1

Ɣɔn thɛɛr, në akööl ɣɔn cieŋ ë bäny ke luk Yithriɛl, cɔŋdït aa nu. Ago raan dhiën ë Eparath cɔl Elimelek jäl Bethleɣem de Juda kekë tiiŋde, ku wɛ̈ɛ̈tke kaarou lek yök ke ke rɛ̈ɛ̈r piny ë Mowap.