2 Mel 7:6 - JAM DE NHIALIC 2011

⁶ Bɛ̈nydït ë kɔc ke Thiriya tɔ piŋ awuɔɔu de abëël ku jöŋgöör ke rem de tɔŋdït, go kɔc ke Thiriya cät an, cï melik de Yithriɛl meliik ke Ɣit ku Rip riɔp bïk ke bɛ̈n mak.

2 Mel 7:6 ပူးပေါင်းရင်းမြစ်များ

2 Tham 10:6

Go kɔc ke Ammon ŋic nɔn cïï kek Debid tɔ ye raan de aterden, agokï aguum kathiërrou de rem ë tɔŋ ë Thiriya tɔ̈u ë Bethreɣop riɔp, ku aguum kathiëër ku rou në Tɔp, ku lɔ melik de Maaka kekë agum töŋ de kɔc.

2 Tham 5:24

Të le yïn awuɔɔu de kɔc cath piŋ ë tiim ke baltham nïïm, ke dap keek mak, në baŋ bän cath në wenïïm tueŋ ke ya bï rem de tɔŋ ë Pilithiin tiaam.”

1 Mel 10:29

aake ye abëël ke tɔŋ bɛ̈ɛ̈i në Rip Aake ye meliik ke Thiriya ku Ɣit yiɛ̈n abëël ke tɔŋ, abël de tɔŋ aaye ɣɔɔc në bot kadhetem ke ateek, ku ye ɣööc de jöŋgöör tök bot ku thiërdhïc de ateek.

1 Mel 20:20

ku ŋɛk aaye raan nu ë yenɔm tueŋ nɔ̈k. Go kɔc ke Thiriya kat, ago Yithriɛl keek cop ë cum rac, ku bän Benɣadad ke riŋ ë jöŋgör kɔ̈u kekë rem de tɔŋ ë jöŋgöör.

2 Mel 19:7

Bɛ̈nydït abï melik de Athiriya tɔ piŋ thoŋ lɔ riäuriäu bï yen tɔ puk enɔm wunden, ku abïï Bɛ̈nydït tɔ lɔ näk ëtɛ̈ɛ̈n.”

2 Mel 7:5

Gokï jäl ɣɔn thëën ɣetkï wun ë Thiriya, na wën aa cïk ɣet wun ë Thiriya, acïn raan cïk bɛ̈n lɔ yök ëtɛ̈ɛ̈n.

Jop 15:21

Kiɛɛu de riɔ̈ɔ̈c acie jäl në yeyïc, të ciɛk en rɔt yök ke tɔ̈u ë mätic, aye cuɛ̈ɛ̈r ee kɔc rum mak.

Diɛt 14:5

Ëtɛ̈ɛ̈n abïk dɛ riɔ̈ɔ̈cdït, në luɔi tɔ̈u ë Nhialic kekë rem de kɔc piathëpiɔ̈ɔ̈th.

Yith 31:1

Amawoou në kɔc ee lɔ Rip lek kuɔɔny kɔɔr! Ayek rem dïït ë tɔŋ de Rip, ku jöŋgöör, ku abëël tɔŋ ŋɔ̈ɔ̈th. Ku acïkï Bɛ̈nydït ee ŋɔ̈ɔ̈th, Nhialic Ɣeric de Yithriɛl, ku cïkï kuɔɔny thiëc tëde yen.

Yith 36:9

We cïï duëër kït në bɛ̈ny töŋ koor de rem de tɔŋ de Athiriya, ku aŋoot ke ŋäth nɔn duɛ̈ɛ̈rë ë Rip we tuöc rem de tɔŋ cath ke jöŋgöör, ku abëël ke tɔŋ.”

Jeremia 46:21

Ayïï remdɛn ë tɔŋ ë riɔp, acïk ciɛ̈n naamden cï daau. Akënkï kɔ̈ɔ̈c ku thɔ̈ɔ̈rkï, acïk kekɔ̈ɔ̈th wɛl kedhie ku kɔtkï. Kööl de thonden acï bɛ̈n, kööl bïï ë keek riɔ̈ɔ̈k.

Edhekiɛl 1:24

Guɔ awuɔɔu de wuök aa piŋ të pɛ̈ɛ̈r kek, ee ciët awuɔɔu de pïïu ke wɛ̈ɛ̈r, acït awuɔɔu de rem de tɔŋ dït, ku acït röl de Nhialic Awärjäŋ. Të cïï kek kɔ̈ɔ̈c në päär, ayek wuökken kuöm në kegup,

Edhekiɛl 10:5

Ku awuɔɔu looi ë wuök ke cerubiim aye piŋ ë kal kɔ̈u biäk biic aya. Aye piŋ cï röl de Nhialic Awärjäŋ.

Nyuuth 9:9

Ku adekï kak ë keyöth gël, ka cït ka cï cuëëc ë wëëth, ku awuööu de kek wuök acït awuööu de abëël juëc ke tɔŋ thel ë jöŋgöör, të riŋ kek ë ke lɔ tɔŋ.

Bäny 7:21

Ku kɛ̈ɛ̈ckï, ye ŋɛk kɔ̈ɔ̈c tëde ke ke cï wut tuɔɔk, go rem de Midian kat ëbɛ̈n, ku pälkï kiɛɛu, ke ke riŋ.

1 Tham 14:15

Na wën ke riɔ̈ɔ̈cdït ë dɔm rem de tɔŋ ë Pilithiin ëbɛ̈n, kɔc wën ee lɔ rum, ayï kɔc wën nu wutic, arëk abï piny rɔt nieeŋ, ku dɔm riɔ̈ɔ̈c dït keek.

1 Tham 26:6

Na wën ke Debid ë thiëc Aɣimelek raan de Ɣit, ku Abicai mänhë Jowap, (manden acɔl Dheruia), an, “Eeŋa në weyiic waarou raan bï lɔ ke yɛn wun ë Thaulo?” Go Abicai bɛ̈ɛ̈r, an, “Yɛn bï lɔ.”