2 Mel 7:16 - JAM DE NHIALIC 2011

¹⁶ Ago kɔc ke Thamaria lɔ biic, ku yakkï wun de Thiriya yic, go ɣööc de kilɔɔ kadiäk ke aɣar piɛth, ku kilɔɔ kadhetem ke barli aa ateŋ tök cït man cïï Bɛ̈nydït e lueel.

2 Mel 7:16 ပူးပေါင်းရင်းမြစ်များ

2 Mel 7:1

Go Elica bëër an, “Piɛŋkï jam ë Bɛ̈nydït! Në thaar cït ee kënë miäk, we bï kilɔɔ kadiäk ke aɣar piɛth ɣɔɔc, ku ɣackï kilɔɔ kadhetem ke aɣar de barli në ateŋ tök.”

2 Mel 7:15

Gokï ke kuany cök abïk ɣet në wɛ̈ɛ̈r de Jordan kɔ̈u, gokï kueer yökic ëbɛ̈n ke cï yic thiäŋ ke lupɔɔ, ku wëu ke ɣöötiic cï kɔc ke Thiriya cuat wei të wën riŋ kek ke ke bɛɛn röt wei. Go tuuc röt lɔ pɔ̈k ciëën ku lëkkï melik.

2 Lëk 20:25

Go melik Jeɣocapat kekë remdɛn de tɔŋ lɔ pec, gokï ɣɔ̈k juëc yök, ku ka piɛth kɔ̈k, ku lupɔɔ, ku lɔ kajuëc kɔ̈k aya. Gokï nïn thöl kadiäk ke ke mɛ̈ɛ̈t ka cïk peec yiic, ku käŋ aake juëc ka acïkï keek duëër lëu ë jöt kedhie.

Diɛt 68:12

“Meliik ku remdɛn de tɔŋ akɔtkï! Diäär nu ë bɛ̈i yiic ayek ka cï peec tɛ̈k röt:

Diɛt 68:13

Ku kɔc lɔ döŋ ciëën ke ke tit amɛ̈l, abïï ke gäm wuök ke guuk cï kum kɔ̈u në ateek, ku nɔɔk cï lɔ bilbil në adhäm lɔ kïr.

Yith 33:1

Amawoou në kɔc ke aterda! Wek ee käŋ riɔ̈ɔ̈k ku wek kënë ë riɔ̈ɔ̈k, wek ee käŋ rum ku wek kënë ë rum. Ku aköölkuön ke rum de käŋ ku riäk de käŋ abï thök, ku keek gupken abïï keek bɛ rum ku riäk keek.

Yith 33:4

Kaken abïï keek nööm ëbɛ̈n, ku jɔt keek ke ke ye ka cï peec, cït man ye kɔyɔm dom tɔ̈c ayï dɔm de mïth ke tiim mak ëbɛ̈n.

Yith 44:26

Ku të cɔ̈ɔ̈r awundï, të tuɔɔc ɛn tuc bïï kïïtdï lɔ nyooth, yɛn ee ka cï caarë, ku ka cï kiëëtë tɔ ee yic. lɛ̈kë Jeruthalem an kɔc abïk bɛ lɔ rëër ëtɛ̈ɛ̈n, ku pɛ̈ɛ̈nydït ke Juda bïk bɛ lɔ nyɔk në yïk. Kek ee pɛ̈ɛ̈nydïtkë abïk röt bɛ jɔt në riääkic.

Kuɛ̈n 23:19

Nhialic acïï lueth ee töör, acie raan. Ku cïï yenɔm ee waar cït man ë raan. Ke cï than ee rɔt tiiŋ, ku ke cï lueel, ee rɔt looi.

Math 24:35

Tënhial abï nyai ayï piny, ku wëlkï acïkï bï nyai ananden.

1 Tham 17:53

Na wën, aacï kɔc ke Yithriɛl kenïïm lɔ dɔk në kecök, ke ke yak wun ë Pilithiinic.