2 Mel 6:9 - JAM DE NHIALIC 2011

⁹ Na wën ke raan de Nhialic ë tuc thok melik de Yithriɛl bïï jɔ̈ɔ̈ny në luɔi bï yïn tëëk ëtɛ̈ɛ̈n, në luɔi cïï rem de tɔŋ de Thiriya thiaan ëtɛ̈ɛ̈n.

2 Mel 6:9 ပူးပေါင်းရင်းမြစ်များ

1 Mel 20:13

Na wën ke tiët ë lɔ tëde Aɣap melik de Yithriɛl ku lueel, an, “Acï Bɛ̈nydït lueel an duökï riɔ̈c në remdïït de tɔŋ bɔ̈yë, abä ke tääu në yïcin ee köölë, yen abä wek e ŋic nɔn ee Yɛn Bɛ̈nydït.”

1 Mel 20:28

Go raan de Nhialic bɛ̈n tëde Aɣap melik de Yithriɛl, ku lueel, an, ‘Acïï Bɛ̈nydït lueel në biäk cï kɔc ke Thiriya e lueel an, ‘Bɛ̈nydït ee Nhialic de kur nïïm ku acie Nhialic de riaaŋic ka ënɔɔnë Yɛn bï akuut dïït de remdɛn ë tɔŋ ëbɛ̈n tääu në wecin, yen abïï wek e jɔ ŋic nɔn ee Yɛn Bɛ̈nydït.”’

2 Mel 4:1

Tiiŋ abaar de raan töŋ de kuut ë tït acï kiɛɛu mɔ̈c Elica an, “Bɛ̈nydï, monydï acï thou! Cït man ŋic yïn en, aaye raan ee riɔ̈ɔ̈c në Bɛ̈nydït, ku ënɔɔnë raan ë käny acï bɛ̈n, ku akɔɔr bïï wɛ̈ɛ̈tkï kaarou jɔt bïk aa lïïmke në baŋ de käny ë monydï.”

2 Mel 4:27

na wën, cï bɛ̈n tëde Elica raan de Nhialic, go yenɔm guöt piny ku dɔm cök. Ago Geɣadhi rɔt cuɔt an le ciɛɛc wei. Go raan de Nhialic bɛ̈ɛ̈r an, “Päl, kënë tïŋ acï piɔ̈u jiɛth aläl? Ku acïï Bɛ̈nydït mɔ̈ny ɛn, akën a lɛ̈k ë këde.”

2 Mel 4:7

Go tik bɛ̈n ku lëk raan de Nhialic, ago lɛ̈k en an, “Ɣaacë miök ku däk känyku, ku jɔ biäk cï döŋ cam wekë wɛ̈ɛ̈tku.”

2 Mel 6:10

Go melik de Yithriɛl kɔc thiääk ëtɛ̈ɛ̈n yɔ̈ɔ̈k cït man cï raan de Nhialic ye lɛ̈k, go kɔc röt aa tiit, kënë acï rɔt looi raan juëc.

2 Mel 6:12

Go bɛ̈ny ë rem de tɔŋ tök bɛ̈ɛ̈r an, “Acïn raan nu ë woyiic bɛ̈nydï, ee tiët Elica nu ë Yithriɛl, yen aye melik de Yithriɛl lɛ̈k këriëëc ëbɛ̈n ye lueel, ayï kë luel kë yï tɔ̈u në biöŋdu nɔm.”

2 Mel 6:8

Të ɣɔn thɔ̈ɔ̈r ë melik de Thiriya ke Yithriɛl, go melik de Athiriya jam kekë bänyke lɔc të bïï yen piɔ̈ɔ̈t thïn.

Jop 5:12

Ku riëëk kïït ë kɔc ee kɔc math, ke kë cïk lueel an loikï cïï bï tiam

Diɛt 33:10

Bɛ̈nydït ee täŋ de juöör riɔ̈ɔ̈k, ku pën keek luɔi looi kek kë cïk kiëët.

Kɛ̈ŋ 22:12

Ŋïny de käŋ aye Bɛ̈nydït gël, ku ee jam de kɔc cïn gäm tɔ cïn naamde.

Jeremia 11:18

Bɛ̈nydït acï a lɛ̈k në biäk de kiɛɛr rɛɛc luiyë kɔc ke aterdï yɛn.

Amoth 3:7

Bɛ̈nydït Nhialic acïï këdäŋ ee guɔ looi, ke kën tït ke Nhialic awuutke kɔn nyuöth kë cï kiëët.

Nyuuth 1:1

NYUUTH de Yecu Kërtho, nyuuth cïï Nhialic gäm en, bï lïïmke bɛ̈n nyuöth ka bï dhil dap tïc: go tunydɛnnhial tuööc le lïmdɛn Jɔn lɛ̈k: