2 Mel 6:6 - JAM DE NHIALIC 2011

⁶ Go ë raan de Nhialic luɔp an, “Cï lööny të nou?” Na wën cï raan tëde nyooth, go Elica tem tim ku cuɛt ëtɛ̈ɛ̈n, go yiëm ë wëëth tɔ thɔɔr.

2 Mel 6:6 ပူးပေါင်းရင်းမြစ်များ

2 Mel 2:21

Go lɔ tëde nyin de pïïu ku cuɛt amilɔ thïn, ku lueel an, “Acï Bɛ̈nydït lueel an, Yɛn cï pïïukë looi ku ta ke piɛth, acïkï yiic bï bɛ dɛ thuɔɔu, ku acïï piny bï bɛ pɛ̈n luɔk.”

2 Mel 4:41

Go Elica aɣaar tɔ bïïyë, ku jɔ wäl ë tönyic, ku lueel an, “Wälkï kɔc bïk cam.” Ku acïn awuɔɔk cï bɛ̈n yök në tönyic.

2 Mel 6:5

Na wën jɔ raan tök ë ke yiic tim yep nɔm, go yiëm wëëth lööny wïïr. Go raan dhiau an, “Bɛ̈nydï, bä ŋö looi? Ee kën ë liɛm!”

2 Mel 6:7

Go lɛ̈k en an, “Kuany yiëp.” Go yecin riɛny ëtɛ̈ɛ̈n ku kuɛny.

Bɛ̈n 15:25

Go Mothe Bɛ̈nydït lɔ̈ŋ në piɔ̈nde ëbɛ̈n, go Bɛ̈nydït e nyuöth tim. Na wën, ke Mothe ë nöm tim ku cuɛt ë pïïuwiic, go pïïu miɛt. Na wën, ke gëm ë Bɛ̈nydït ke lööŋ ëtɛ̈ɛ̈n, lööŋ ke rëër, ku them keek ëtɛ̈ɛ̈n ayadäŋ.