2 Mel 6:16 - JAM DE NHIALIC 2011

¹⁶ Go Elica bɛ̈ɛ̈r an, “Du riɔ̈ɔ̈c, kɔc nu në wook ajuëckï në kɔc nu në keek.”

2 Mel 6:16 ပူးပေါင်းရင်းမြစ်များ

Cäk 32:1

Ago Jakop baaric tueŋ. Go lɔ rɔ̈m ke tuucnhial ke Nhialic kueer.

2 Mel 6:15

Na wën ke lïm de raan de Nhialic ë jɔt rɔt, ku riɛɛl biic adurduur, go rem de tɔŋ cï wut tuɔɔk tïŋ, rem cath ë jöŋgöör kɔ̈ɔ̈th, ku rem cath në abëël, go lueel an, “Wok cï thou bɛ̈nydï! Eeŋö buk looi?”

2 Lëk 16:9

Bɛ̈nydït ee pinynɔm caath ku woi, ke bï riɛl gäm kɔc piɛth piɔ̈ɔ̈th ee yen riëëu. Yïn cï tak cït man ë dhɔ̈n, gɔl ënɔɔnë leer tueŋ, yïn bï tɔ̈u ë tɔɔŋ yiic.

Diɛt 11:1

Yɛn ŋäth kuɔɔny tëde Bɛ̈nydït. Ee dhɔ̈ɔ̈n cït ŋö kë yïn e lɛ̈k ɛn an, “Pär ke yï lɔ ë kur nïïm cït man ë dit,

Diɛt 27:3

Na cakaa cï rem dïït de tɔŋ a gɛɛu cil, yɛn cïï bï riɔ̈ɔ̈c, na cak kɔc ke ater yɛn mak, yɛn bï ŋoot ke ya ŋäth Nhialic.

Diɛt 3:6

ka yɛn cie riɔ̈ɔ̈c në aguum ke kɔc ke ater, cï ya tuɔɔk në ɣään yiic kedhie.

Diɛt 46:11

Bɛ̈nydït de rɛm atɔ̈u ke wook, Nhialic de Jakop Yen ee tëdan ë thiaan.

Diɛt 46:7

Bɛ̈nydït de rɛm atɔ̈u ke wook, Nhialic de Jakop ee tëdan ë thiaan.

Diɛt 55:18

Abï yɛn bɛ̈ɛ̈i ciëën në pial de guöp, tëde tɔɔŋ juëc cä biök wokë kɔc juëc ke ater.

Bɛ̈n 14:13

Go Mothe puk nɔm an, “Duökï riɔ̈c! Rɛ̈ɛ̈rkï ë lik, wek bï kuɔɔny ë Bɛ̈nydït tïŋ ee köölë. Ka kɔc ke Rip woikï keek kë, acäkkï keek bï bɛ tïŋ anandun.

Yith 8:10

Luɔikï guiɛɛrdun! Ku acïkï bï tiam. Jamkï në jamduön cäk tak! Ku acïnkï naamden, në luɔi tɔ̈u ë Nhialic ke wook.

Jeremia 39:17

Ku Yɛn Bɛ̈nydït, yïn bä gël, ku yïn cïï bï gäm kɔc ee yïn riɔ̈ɔ̈c ë keek.

Math 26:53

Ë ye lueel ë yïpiɔ̈u nɔn cän Wäär duëër lëu ë lɔ̈ŋ ënɔɔnë, ku bï ɛn gäm rɛm ke tuucnhial wär thiëër ku rou?

Mak 16:6

Go keek yɔ̈ɔ̈k an, “Duökï gäi: wek kɔɔr Yecu raan ë Nadhareth, raan wään cï piäät ë tim cï rïïu nɔm kɔ̈u: acï rɔt jɔt: aliu ee tënë, wɔikï të wään tɛ̈ɛ̈u kek en.

Romai 8:31

Buk ŋö jɔ lueel në këde kake? Të mɛtë Nhialic ke wook, ke eeŋa bï dɛ ater ke wook?

Pilipoi 1:28

Ku duökï wepiɔ̈ɔ̈th ee tɔ päu ë këdäŋ në kɔc dɛ wek ater. Aterden në week, yen aye ŋïny aa wek riääkden ŋic, ku ye ŋïny bä wek kunyduön ëwëi ŋic, kuny ë bɔ̈ tëde Nhialic.

Jocua 11:6

Go Bɛ̈nydït lɛ̈k Jocua, an, “Du riɔ̈c në keek. Miäk aköl wälë, abä ke gäm Yithriɛl ke ke cï thök ë nääk kedhie. Wek bï jöŋgöörken tɔ ye ŋöl miäk, ku ɣaakkï abëëlkɛn ke tɔŋ.

1 Jɔn 4:4

Wek ee kɔc ke Nhialic, wek mïththiaakäŋ, ku acäk ke tiaam: luɔi dïïtë Raan nu ë weyiic awär raan nu ë piny nɔm.