2 Mel 5:22 - JAM DE NHIALIC 2011

²² Go Geɣadhi bɛ̈ɛ̈r an, “Acïn kërac, ku yɛn cïï bɛ̈nydï tooc an, ade dhuök ke tït kaarou cï bɛ̈n tëde yɛn në piny ë kuur de Eparaim yic, ku akɔɔr bä keek gäm aguum kadiäk ke ateek, ku dut de lupɔɔ kaarou.”

2 Mel 5:22 ပူးပေါင်းရင်းမြစ်များ

1 Mel 13:18

Go tiët cï dhiɔp e yɔ̈ɔ̈k an, “Yɛn ayadäŋ yɛn ee tiët ë Nhialic cït yïn, ku tunynhial ë jam ke yɛn në löŋ ë Bɛ̈nydït, lueel an bäkkï ciëën we yen baaidu, ke bï bɛ̈n cam në kuïn ku bï dek ë pïïu.” Ku aaye lueth en cï tɔ̈ɔ̈r en.

1 Mel 20:35

Ku raan tök në mïth ke tït ke Nhialic acï lɛ̈k mɛ̈thë në yöök cï Bɛ̈nydït e yɔ̈ɔ̈k an, yup ɛn. Go raan jaai në yup.

1 Mel 20:39

Na wën aa lɔ melik tëëk, go tiët en cɔɔl ku lëk en an, “Bɛ̈nydï, yɛn aacï lɔ tɔŋ, go raan töŋ ë rem de tɔŋ ɛn yiɛ̈n raan cï dɔm tɔŋ, ku lëk ɛn an, ‘Tit ë raanë apiɛth, na lɔ tɔ bän ke yïn ë wëiku mɔ̈ɔ̈r ku nɔn bä aguum kadiäk ke atek tääu piny.’

2 Mel 2:15

Go kut ë tït rɛ̈ɛ̈r ë Jeriko ye tïŋ agokï lueel an, “Wëi ke Elija acïk nyuc në Elica guöp.” Gokï lɔ yök në yen, ku gutkï kenïïm piny ë yenɔm,

2 Mel 2:3

Go wɛ̈ɛ̈t tït ke Nhialic nu ë Bethel agokï lɔ tëde Elica, ku yöökkï an, “Ŋic nɔn bï Bɛ̈nydït, bɛ̈nydu nyaai e yïnɔm ëköölë?” Go lueel an, “Aŋiɛc, miɛmkï.”

2 Mel 2:5

Go wɛ̈ɛ̈t tït ke Nhialic, nu ë Jeriko agokï bɛ̈n tëde Elica, ku yöökkï, an, “Ŋic nɔn bï Bɛ̈nydït, bɛ̈nydu nyaai ë yïnɔm ëköölë?” Go bɛ̈ɛ̈r an, “Ɣɛɛ, Aŋiɛc, miɛmkï.”

2 Mel 2:7

Go wɛ̈ɛ̈t tït kathiërdhïc lɔ Jordan ë kecök aya. Ago Elija kekë Elica kɔ̈ɔ̈c ë kiir yɔu, ku kääc tït kathiërdhïc tëmec ke keek ëmääth.

2 Mel 4:26

Dap lɔ tëde yen, ku luɔpë në nïnde ku nïn ë monydu, ku nïn ë wënde.” Go pɔ̈k nɔm Geɣadhi an, acïn kërac,

2 Mel 5:21

Ago Geɣadhi Naaman cuɔp kueer. Na wën, cï Naaman raan tïŋ ke cop en kueer ke riŋ, go lɔ piny në abëlde yic ku loor nɔm ciëën, ku thiëëc an, “De kë cï riääk?”

2 Mel 5:25

Ku jɔ lɔ ɣöt, le ku kɛ̈ɛ̈c ë bɛ̈nyde nɔm. Go Elica thiëëc an, “Ë yï bɔ̈ ë nou Geɣadhi?” Go lueel an, “Acïn të cän lɔ thïn bɛ̈nydï.”

2 Mel 5:5

Go melik ë Thiriya lueel an, “Lɔ tëde melik de Yithriɛl ku bä gäm awerekë.” Ago Naaman jäl, ke muk aguum kathiërdiäk ke ateek, ku aguum kadhetem ke adhääp, ku dut de lupɔɔ ee cieŋ kathiëër.

Yith 59:3

Wek de gup awɛ̈ɛ̈c ke jam në lueth, ku aköörkuöör, ku nääk.

Jeremia 9:3

Ayek röt kiëët në tör de lueth, ruëëny ë nyin de yicic yen amac piny. Aye Bɛ̈nydït lueel an, “Kɔckï ayek kërac looi ku cuthkï ë luɔi, ku acïkï Yɛn ee ŋic nɔn Yan Nhialicden.”

Jeremia 9:5

Raan ëbɛ̈n ee raan thiëëk kek math, ku acïn raan ee yic lueel, acïk liëpken wɛ̈ɛ̈t bïk aa jam ë lueth, ayek awɛ̈ɛ̈c looi, ku ayek gup ŋɛɛr bïk kepiɔ̈ɔ̈th puk.

Jɔn 8:44

Wek ee mïth ke jɔŋdït rac wuöördun, ku kɔ̈ɔ̈r kɔɔrë wuöördun kërac, yen aa yak kɔɔr ayadäŋ. Yen aaye nɛ̈k të ɣɔn ciɛkë käŋ, ku reec ceŋ në yicic, luɔi liiuwë yic tëde yen. Të töör en lueth, ee këde en lueel, nɔn ee yen alueeth, ku ye wun lueth.

Jocua 24:33

Ago Eleyadhar wën Aron thou, go thiɔ̈k në Gibia, piny cï gäm Pineɣath wënde në piny ë kuur de Eparaim yic.

Nyuuth 21:8

Ku na ariɔ̈c, ku kɔc reec gäm, ku kɔc nhiany piɔ̈ɔ̈th, ku kɔc ee kɔc nɔ̈k akurkï, ku kɔc ee diäär kɔɔr, ku kɔc ee thuëth, ku kɔc ee yiëth lam, ku aluɛth kedhie, këden ee täu bï kek tɔ̈u ë baar ë dëp ë macic ku thulpuric, yen aye thon ee kek rou.”

Bäny 14:12

Go Thamthon ke yɔ̈ɔ̈k an, “Ë we lɛ̈k kë bäk mɛɛk, na duɛ̈ɛ̈rkï tiiŋ nɔm aŋoot nïn ke këcam kadhorou ke ke kën guɔ thök, ke wek bä gäm lupɔɔ ke kɔ̈u kathiërdiäk, ku dut ke lupɔɔ kathiërdiäk.