2 Mel 5:15 - JAM DE NHIALIC 2011

¹⁵ Na wën, ke puk e nɔm raan de Nhialic kekë kɔcke ku kɛ̈ɛ̈ckï ë yenɔm, ku luelkï, an, “Ënɔɔnë acä ŋic nɔn cïn en Nhialic nu ë tiɔp nɔm ëbɛ̈n, anu ë Yithriɛl etök, ënɔɔnë yïn läŋ, nöm miɔ̈c tëde lïmdu.”

2 Mel 5:15 ပူးပေါင်းရင်းမြစ်များ

Cäk 33:11

Dɔm miɔ̈cdiën cä tuöc yïn, yïn läŋ, në luɔi cï Nhialic ya ŋiëc looi apiɛth, ka yɛn ë nɔm dɛ kajuëc aläl ënɔɔnë.” Na wën, acï Jakop Ethau lɔ̈ŋ arëët, ke dɔm ë Ethau keek.

1 Mel 13:7

Go melik raan de Nhialic yɔ̈ɔ̈k an, “Bä baai we yɛn bä bɛ̈n dek ku cämë, ku yïn bä gäm ariöp.”

1 Mel 18:36

Na wën aacï thaa de miɔ̈ɔ̈c thëën bɛ̈n, ke tiët Elija ë lɔ ë yïk lɔ̈ɔ̈m, ku lɛ̈ŋ an, “Bɛ̈nydït, Nhialic de Abraɣam, ku Yithaak, ku Jakop, nyuɔɔthë rɔt ee köölë luɔi Yïn ee Nhialic në Yithriɛl, ku luɔi yan lïmdu, ku nɔn luɔɔi yɛn ee kakë kedhie në Jamduön ë lɛ̈kë yɛn.

2 Mel 19:15

Ku läŋ Ɣedhekia an, “Bɛ̈nydït Awärjäŋ, Nhialic de Yithriɛl, thöönydu anu ë cerubiim kaarou nïïm nhial, ee Yïn ee Nhialic Yïtök, Yïn amac ciɛɛŋ ke piny nɔm. Yïn aa cak piny ku tënhial.

2 Mel 19:19

Ënɔɔnë Bɛ̈nydït Nhialicda luäkë wo bei në Athiriya cin, ke bï juöör ke piny nɔm lueel an, Yïn aye Nhialic Yïtök.”

2 Mel 5:8

Na wën, aacï Elica raan de Nhialic ye piŋ nɔn cï melik ë Yithriɛl lupɔɔke rɛt yiic, ke tuc raan melik, lueel, an, “Eeŋö ret yïn lupɔɔku yiic? Tɔ bɔ̈ tëde yɛn ënɔɔnë, ku lɛ̈kë yen nɔn de yen tiët paan ë Yithriɛl!”

Yith 44:6

Kë lueel ë Bɛ̈nydït melik de Yithriɛl, ku ye konyde, Bɛ̈nydït de rɛm kï: “Yɛn ee tueŋ, ku Ya ciëën, ku Yɛn ee Nhialic a tök, acïn yanh däŋ ee Yɛn a tök.

Yith 44:8

Duökï riɔ̈c, kɔckï! Aŋiɛckï ɣɔn gɔl ë käŋ aɣet cï ënɔɔnë yɛn cï këriëëc bï tuöl ëbɛ̈n caar, ku wek ee cätɔɔkï. De yanh däŋ nu? De yanh ril däŋ nu kɛ̈n ɛn këde piŋ?”

Yith 45:6

Yɛn aa loi ee kënë ago raan ëbɛ̈n ŋic në aguuk ke pinynɔm ëbɛ̈n, gɔ̈l në bɛ̈n aköl thok, ku gɔ̈l të lɔ aköl athɛ̈i, nɔn ee Yɛn Bɛ̈nydït, ku acïn yanh däŋ.

Danyel 2:47

Ago ë melik lueel an, “Nhialicdu yen adït në yiëth kedhie, ee Bɛ̈nydït nu në meliik nïïm, ku raan ee kacïmoony nyuɔɔth. Yɛn ŋic ee kënë në luöi cï Yïn ee këcïmoonyë wɛ̈ɛ̈ric yɛn.

Danyel 3:29

“Ku ënɔɔnë aluɛɛl an, na lɔ kɔc ë wuöt ëbɛ̈n ayï juöör ëbɛ̈n, ku thook ëbɛ̈n Nhialic de Cadrak, ku Mecak, ku Abenego, lɔ kuöc jääm, raanë abïï nɔ̈k, ku ɣönde abïï tɔ ee dhuur nɔm. Acïn yanh duëër luäk ë luääk cït ee kënë.”

Danyel 4:34

Go ë melik lueel an, “Na wën cï run kadhorou thök, guɔ nhial woi, go piɔ̈ndï rɔt puk, guɔ Nhialic dït piɔɔny, ku gäm riëëu ku dhuëëŋ raan ee pïïr athɛɛr. “Abïï piny cieŋ aɣet athɛɛr, ku ciɛɛŋde abï tɔ̈u aköölnyïïn ëbɛ̈n.

Romai 10:10

Gäm ee raan gam ë yepiɔ̈u yen aye yen piathëpiɔ̈u yök, ku luɛɛl ee raan gämde lueel ë yethok yen aye yen kunydewëi yök.

2 Kor 9:5

Aguɔ lueel ë yapiɔ̈u an, bä mïthëkɔckuɔ dhil yɔ̈ɔ̈k an, bïk kɔn lɔ tëde week, lek kë cäk gam ë dhuëëŋ kɔn guik abï thök, kë cän këde kɔn lɛ̈k week, luɔi bï en aa këde dhuëëŋ, acie këde ciɛɛŋ cï we dhil cieŋ.

Jocua 9:24

Gokï puk nɔm an, Aloiku aya bɛ̈ny, në luɔi cïï wok ë piŋ nɔn cïï Bɛ̈nydït Nhialicdun Mothe, awunde yɔ̈ɔ̈k ë yic nɔn bï yen en gäm piny ëbɛ̈n, ku tɔ näk kɔc tɔ̈u thïn kedhie në wenïïm tueŋ. Agoku riɔ̈ɔ̈c në wëikuɔ në biäkdun.

Jocua 9:9

Agokï pɔ̈k nɔm Jocua an, “Wok aa bɔ̈ piny mec arëët bɛ̈ny, në luɔi cïï wok Bɛ̈nydït Nhialicdun piŋ. Këriëëc cï looi Rip ëbɛ̈n acuk piŋ,

1 Tham 25:27

Ku miɔ̈c cï lïmdu yiɛ̈n bɛ̈nydï, ë gëmë kɔc ee yïn kuany cök.

1 Tham 9:7

Ago Thaulo lɛ̈k lïm an, “Na lok lɔ eeŋö buk gäm en? Këcam tɔ̈u në atheepkuɔ yiic acïk thök. Wok cïn nïïm miɔ̈c buk lɔ gäm raan de Nhialic. Eeŋö tɔ̈u tëde wook?”