2 Mel 5:13 - JAM DE NHIALIC 2011

¹³ Na wën, ke lïïmke ë ke lɔ ë yelɔ̈ɔ̈m, ku luelkï, an, “Bɛ̈ny, të ë tiët ë cï yï gäm luɔidït aläl, adï kɛ̈në looi. Ënɔɔnë, eeŋö cï yïn rɔt go lɔ waak cït man cïï yen e lueel, ke yï bï guöp waar?”

2 Mel 5:13 ပူးပေါင်းရင်းမြစ်များ

Cäk 41:43

Ku tɔ kɛɛc në abëlde yic, abël ye abëëlke rou. Ku tɔ kɔckɛn ee yen tiit lɔ në yenɔm tueŋ, ke lueelkï an, “Guötkï wemiöl piny.” Ku jɔ Jothep tɔ ye bɛ̈ny de Rip ëbɛ̈n.

1 Mel 20:23

Go bäny ke Thiriya aake ye melik Benɣadad yɔ̈ɔ̈k an, “Nhialiic ke kɔc ke Yithriɛl ee Nhialiic ke kur nïïm, ye ka tiɛɛm ë kɔc ke Yithriɛl wook. Ku abuk ke tiaam të le wok lɔ thɔ̈ɔ̈r ë keek në riaaŋic.

1 Mel 20:31

Go bänyke lɛ̈k en, an, “Acuk piŋ nɔn ee meliik ke baai de Yithriɛl ee piɔ̈ɔ̈th kok, takï wo tɛ̈ɛ̈u lupɔɔ ke cual në wokɔ̈ɔ̈th ku ceŋku awiɛɛth në woyiëth, tɛkdäŋ bï yï pɔ̈l apïïr.”

2 Mel 13:14

Na ɣɔn aa lɔ tiët Elica guöp dɛ juän bï ye nɔ̈k. Go Jowac melik de Yithriɛl lɔ piny të nu yen ku dhiɛɛu ë yenɔm, an, “Awuur oou, awuur, ee yïn ee ye raan ril ë ye Yithriɛl gël!”

2 Mel 2:12

Ago Elica yen tïŋ, go cööt an, “Wäär, Wäär! Raan ril ee Yithriɛl gël! Yïn cï jäl!” Ku akën Elija bɛ tïŋ. Ago Elica lupɔɔke rɛt yiic ë rou në jiɛthëpiɔ̈u.

2 Mel 5:10

Go Elica tuc tuöc en, bïï lɔ lɛ̈k en bïï lɔ waak ë wɛ̈ɛ̈r de Jordanic raandhorou, ku abï guöp waar ë wɛth.”

2 Mel 5:3

Na wën, ke yöök tiiŋ ye luööi, an, “Të ë bɛ̈nydï ë cï lɔ tëde tiët nu ë Thamaria! Aduëër tɔ waar guöp ë wɛthde.”

2 Mel 6:21

Na wën aa lɔ melik de Yithriɛl ke tïŋ, ke lop Elica an, “Wäär cä ke näk? Cä ke näk?”

2 Mel 8:9

Go Ɣadhiɛl thɔ̈rɔ̈ɔ̈l kathiërŋuan thiɔ̈ɔ̈ŋ kɔ̈ɔ̈th në këriëëc piɛth de Damathko ëbɛ̈n. Na wën cï bɛ̈n ke kääc ë Elica nɔm, ku lɛ̈k en an, “Lïmdu Benɣadad melik de Thiriya acï yɛn tuöc yïn bä yï bɛ̈n thiëëc an, “Bä guöp pial ku nɔn cä guöp bï pial në juän tɔ̈u ke yɛn?”

Diɛt 51:2

Waakë karɛckï wei kedhie ku tɔ ya piath guöp në karɛckï!

Diɛt 51:7

Nyaaiyë karɛckï në ɣathop, ke ya bï guöp dik, wak ɛn, ke ya bï ɣɛɛr awär kɔɔi ë tueny ë deŋ.

Yith 1:16

Wakkï röt ke we bï ɣɛɛr. Takkï karɛc ya woi ke ke luɔikï kääc ëbɛ̈n. Ɣɛɛ, takkï luɔi de kërac kääc,

Malakai 1:6

Go Bɛ̈nydït de rɛm bäny ke kake Nhialic luɔp an, “Meth cïï wun ee riëëu? Ku raan ee bɛ̈ny luööi cïï bɛ̈nyde ee riëëu? Na Ya Wuöördun, ke rïïu riëëu wek Ɛn akou? Ku na Ya Bɛ̈nydïtdun, ke riɔ̈ɔ̈cduön ya wek riɔ̈ɔ̈c në Yɛn akou? Wek ë Ya dhɔ̈l guöp wek bäny ke kake luɔidï. Ku wek ee lop an, ‘Cuk Yï dhɔ̈l, ee dhääl yïn dï?’

Math 23:9

Ku ë cïn raan yak tɔ ye ‘Wuöördun’ ë piny nɔm, në biäk dɛ wek nïïm ‘Wuöördun’ tök, yen aye Raan nu paannhial.

Jɔn 13:8

Go Petero lueel an, “Yïn cïï abï waak cök anandu!” Go Yecu bɛ̈ɛ̈r an, “Të cän yïn wak, ka cïn këduön nu ë këdï yic.”

Jɔn 9:7

ku yöök an, “Lɔ, waakë ë awuöl e Thilowamic (yen aye “Tuc” në thoŋda).” Go lɔ, ku wɛɛk, ku le bɛ̈n ke daai.

Luɔi 22:16

Ku ënɔɔnë, eeŋö gäu yï? Jɔt rɔt, ke yï baptith, abä karɛcku waak wei, ku jɔ rin ke Bɛ̈nydït cɔɔl.’

1 Kor 1:21

Ku të cï kɔc ke piny nɔm Nhialic guɔ kuc në pɛl ë kek nïïm, cït man cï Nhialic e lueel në pɛlënɔmde, ke Nhialic jɔ piɔ̈u miɛt luɔi bï en kɔc gäm kony wëi në këɣɔ̈ric cɔl guiëër ë wëlpiɛth.

1 Kor 1:27

ee dhän ke piny nɔm kek ë lɔc Nhialic, bïk kɔc pelnïïm tɔ yäär: ku lɔc Nhialic kɔc kɔ̈c, bïk kɔc ril tɔ yäär,

1 Kor 4:15

Ku na cäk dɛ agum de kɔc kathiëër nu, kɔc ee week wɛ̈ɛ̈t ë ka ke Kërtho, ku acïn wärkun juëc nu: we cä dhiëëth ë Kërtho yic në guiëër ë wëlpiɛth.

Tito 3:5

ke jɔ wo kony wëi, ku acie në luɔi de këpiɛth cuk looi wogup, ee kok de yenpiɔ̈u en aa kony en wook, në wɛ̈k de dhiënh cï wo bɛ dhiëëth, ku në cäŋ cï Wëidït ɣer wo bɛ cak.

Ɣeberuu 10:22

Jɔku lɔ në Nhialic lɔ̈ɔ̈m në piɔ̈n cïnic ruëëny, ku lokku në gäm adöt cï we waak piɔ̈ɔ̈th abuk piɔ̈ɔ̈th lɔ wai ke cïn kërɛɛc ŋïcku röt në täŋda yic ëbɛ̈n ku cï wook juɔɔl në pïïu lɔ top.

1 Pet 3:21

Ku yen acït kuny ee baptith wo kony wëi ënɔɔnë aya, acie bïï bï acuɔl ë raan guöp bɛ̈ɛ̈i bei, ee kɔ̈ɔ̈r ee raan kɔɔr luɔi, ŋic en e piɔ̈u nɔn le en gɔk ë Nhialic nɔm, në jön cï Yecu Kërtho rɔt jɔt,

Nyuuth 7:14

Guɔ lueel, an, “Bɛ̈ny, aŋic yïn.” Ago pɔ̈k nɔm ɛn, an, “Kɔckë ee kɔc ë bɔ̈ bei ë këtucdïït ë ke dhalic, ku acïk lupɔɔken waak, tɔkï ke ɣer ë riɛm de Nyɔŋamäälic.

1 Tham 24:11

Tïŋ ënɔɔnë wäär, tïŋ biäk de lupɔduön nu në yaciin! Yɛn cï biäk thiin akäŋ tëëm bei në lupɔdu thok, ku yïn kën nɔ̈k. Ënɔɔnë ŋic ëgɔk nɔn cïn en kërɛɛc kaar bä luöi yïn, ku nɔn cïn en tɔŋ kɔ̈ɔ̈r yïn. Acïn kërɛɛc cä luöi yïn, ku yïn yɔ̈p ɛn bä yɛn nɔ̈k, cakaa nɔn cïn en kë cä wäc yïn.

1 Tham 28:23

Ago Thaulo jaai an cïn kë bïï cam. Go bäny ke remdɛn ë tɔŋ yɔ̈ɔ̈k aya në luɔɔi bï en cam. Na wën ke jɔ gam, ku jɔt rɔt piny, ku nyuuc në agen nɔm.

1 Tham 9:10

Ago Thaulo lïmde yöök an, “Apiɛth, bä lokku.” Agokï lɔ wut të tɔ̈u ë raan de Nhialic thïn.