2 Mel 5:1 - JAM DE NHIALIC 2011

¹ Ku Naaman, bɛ̈ny ë rem de tɔŋ ë melik de Thiriya, aaye raan dït tëde bɛ̈nyde, ku ye raan de naamde, në luɔi cï Bɛ̈nydït Thiriya kony në yen ë kuny dït, ku ye raan ril ŋeny aya, ku aa de guöp wɛth.

2 Mel 5:1 ပူးပေါင်းရင်းမြစ်များ

2 Tham 3:29

Ku kënë abï tɔ̈u në Jowap yeth kekë dhiënde ku aciɛɛn abï tɔ̈u kekë dhiënde ë cieŋ, abïk gup dɛ wɛth, ku abïk gup dɛ jur, ku abïk aa dhiëëth wei, ku thoukï tɔŋ, ku näk cɔk keek!”

2 Mel 4:8

Na wën, ë kööl tök, ke Elica ë tëk ë Cunem të nu tiiŋ kueth thïn. Go ë tik en gëk an, bï bɛ̈n cam ë kuïn, ku na de të tëëk en ëtɛ̈ɛ̈n, ee rɔt yal baaide le cam ë kuïn.

2 Mel 5:2

Go kɔc ke Thiriya lɔ biic ë kööl tök, lekkï ku peckï nyan thiin akäŋ piny ë Yithriɛl, go bɛ̈n aa lïm de tiiŋ ë Naaman.

2 Mel 5:27

Ënɔɔnë wɛnh de Naaman abï yï dɔm ë döm ril, yïn wekë kuatdu aɣet athɛɛr! Go Geɣadhi jäl ë yanɔm ke cï wɛth dɔm, abïï guöp ɣɛɛr cït man ë alath.

2 Mel 7:3

Në ë aköölkë yiic, ade kɔc kaŋuan cïï wɛth dɔm ë ye rëër ë kal ë Thamaria thok biic, acïk lɛ̈k röt an, “Eeŋö rëër wok ee tënë agut të bïï wok thou?

Ethta 10:3

Modekayo raan de Judai, yen aaye bɛ̈ny tɔ̈u në Melik Athuwereth cök guöpde. Yen aaye Judai luöi këpiɛth rɔ̈ŋ ke keek, ku jɔ aa rëërdɛn bï kek rëër ë dïu. Gokï Modekayo bɛ̈n aa dhuëëŋ guöp, ku jɔ aa nhiaar guöp në kɔc juëckɛn ke Judai.

Ethta 9:4

në biäk ye Modekayo raan dït ɣöndïït ë Melik, ku luɔi yen raan ril, ë tïc ë wuötiic kedhie, ku riɛlde alɔ ke ŋuak rɔt.

Bɛ̈n 11:3

Ku Bɛ̈nydït acï kɔc ke Rip tɔ rïïu kɔc ke Yithriɛl gup. Ago bäny ke melik Mothe dhuëëŋ guöp, ku dhuëëŋ ë kɔc ke Rip en guöp aya, ku tɔkï ee raan dït.

Kɛ̈ŋ 21:31

Kɔc ayek röt guiir në akööl ke tɔŋ, ku tiëm ee ya këde Bɛ̈nydït.

Luk 4:27

Ku nu kɔc juëc de gup wɛth paan ë Yithriɛl ɣɔn nu ë tiët Elica, ku acïn raan tök ë keek cï tɔ waar, ee Naaman etök, raan ë Thiriya.”

Jɔn 19:11

Go Yecu bɛ̈ɛ̈r an, “Acïn riɛl cath ke yïn riɛl bï yïn a cieŋ, tëë yï kënë tënhial miɔɔc: yen a dïïtë kërɛɛc ë raan ë yïn a yïn, awär kërɛɛcdu.”

Romai 15:18

Yɛn cïï jam däŋ duɛ̈ɛ̈r lueel, ee jam de kë cï Kërtho looi në yɛn etök, në jam ayï luɔi, bï en Juöör tɔ piŋ wël,

2 Kor 12:7

Ku luɔi cän rɔt tɔ dït ë dït cïï piɛth, në biäk de ka juëc göök cï nyuöth ɛn, yen aa yïkë ya guöp kou kon nu ë rïŋic, ee tuny ë tuucë Catan bï yɛn aa biɔ̈ɔ̈k guöp, ke ya cïï rɔt bï tɔ dït ë dït cïï piɛth.

Nyöŋ 2:37

Ku kän lɔ në pɛ̈ɛ̈nydït ke wɛ̈ɛ̈t ke Ammon lɔ̈m ayï wuöt nu të lɔ kiir de Jabok yɔu ayï wuöt thiääk në wuöt nu piny ë kuur. Wek kën lɔ thïn cït man cïï Bɛ̈nydït Nhialicda wook yɔ̈ɔ̈k.