2 Mel 4:39 - JAM DE NHIALIC 2011

³⁹ Go raan töŋden lɔ në duumiic bïï wɛl ye cam lɔ tet, go enap roor yök, go tet ku thiɔ̈ɔ̈ŋ lupɔde ku bïï, ku tem keek, ku tɛ̈ɛ̈u keek në tööny de cuei yic, akuc nɔn yen kɔc wook.

2 Mel 4:39 ပူးပေါင်းရင်းမြစ်များ

Cäk 25:29

Na ɣɔn, ë kööl tök, ke Ethau ë bɔ̈ roor tëdɛn ë cï en lɔ yäp ke cïï cɔk nɔ̈k arëët. Go Jakop yök ke nyiny akuem.

1 Mel 6:18

Ku tiim de thidar tɔ̈u thïn, acï ke guaŋ ke ke cït kec ku gɛk, acï ke looi në tiim de thidar kedhie acïnic kuur.

2 Mel 4:38

Go Elica bɛ bɛ̈n Gilgal, ɣɔn cï piny dɛk cɔk, ku tït ke Nhialic aake rɛ̈ɛ̈r ë Elica lɔ̈ɔ̈m. Na wën, ke yöök lïmde bïï töönydït cäp mɛɛc, ku bïï tït thäl cuei.

2 Mel 4:40

Na wën aa lɔ cuei wäl kɔc të wën an ciëm kek, ke ke jɔ kiɛɛu guɔ moc an, “raan de Nhialic, töny ade yic awuɔɔk!” Ku cïkkï be cam.

Kɛ̈ŋ 19:2

Kë kɔɔr arëët ke kɛ̈në cätic arac, ayï raan ee kɛɛc ë këdäŋic ee määr.

Yith 5:4

De kë cä wööc kë kɛ̈n luöi yen? Ka eeŋö tɔ ye lok në enap kec ke cie mïth ke enap piɛth ee kek ë ŋääth?

Jeremia 2:21

Yïn aa cä com ke yï ye enap cä lɔc, në kɔ̈th piɛth yiic. Ku tïŋ luɔi cï yïn tɔ̈u! Yïn cï ciët kë cï dhiäth, enap cïn naamde.

Math 15:13

Go bɛ̈ɛ̈r an, “Wäl ëbɛ̈n wɛ̈ɛ̈l kënë piith ë wäär nu paannhial abï wöth bei kekë meeide.

Ɣeberuu 12:15

Yak yïn ke cïn raan töŋdun bï löny ku cïï dhuëëŋ de Nhialic piɔ̈u bï yök, tiir tök ee tiir riɔ̈ɔ̈k, yen ya wek cök ë wɔi wek röt apiɛth ke cïn mei de kɛcëpiɔ̈u bï cil në weyiic ku tɔ kɔc juëc lɔ në këracic