2 Mel 4:35 - JAM DE NHIALIC 2011

³⁵ Ku puk rɔt ciɛɛth ɣötic, ku be lɔ ku thiu rɔt ë meth kɔ̈u, ago meth tïïm raandhorou, ku liep e nyin.

2 Mel 4:35 ပူးပေါင်းရင်းမြစ်များ

1 Mel 17:21

Go Elija rɔt cuat ë meth kɔ̈u raandiäk ku lɛ̈ŋ, an, “Bɛ̈nydït Nhialicdï, tɔ ee mɛnhë tɔ pïïr!”

1 Mel 17:22

Go Bɛ̈nydït lɔ̈ŋ de Elija piŋ, go wëi kenïïm bɛ pɔ̈k ë meth guöp, ago ɣɔ̈ɔ̈r.

1 Mel 18:43

Ku lëk lïmde an, “Lɔ woi wɛ̈ɛ̈ric.” Go lïm lɔ ku le yenɔm puk, an, “Acïn kë cä tïŋ.” Go Elija bɛ lɛ̈k en an, “Lɔ raandhorou.”

2 Mel 13:21

Na ɣɔn, ë kööl tök kɔc kɔ̈k ke Yithriɛl aake tɔ̈ɔ̈u raan, gokï raantöŋ ë kɔc lik ke Mowap ee käŋ rum guɔ tïŋ abɔ̈. Go kɔc raan wën cï thouwë dɛɛny në raŋ de Elica yic, wën le guöp yom ke Elica jak, go raan cï thou bɛ pïïr ku kɛ̈ɛ̈c në cökke.

2 Mel 4:36

Go Geɣadhi cɔɔl, ku yöök bïï man meth cɔɔl. Na wën, cï bɛ̈n ɣöt tëde yen, ke yöök an, “Jɔt wëndu.”

2 Mel 5:10

Go Elica tuc tuöc en, bïï lɔ lɛ̈k en bïï lɔ waak ë wɛ̈ɛ̈r de Jordanic raandhorou, ku abï guöp waar ë wɛth.”

2 Mel 5:14

Go Naaman lɔ ku jool rɔt ë Jordanic raandhorou, cït luɛl cï raan de Nhialic ye lueel, ago guöp ja waar taitai. Acï guöp bɛ̈n riɛl ku lɛ̈k cï guöp ë meth.

2 Mel 8:1

Na wën ke Elica ë yöök tiiŋ wun ë Cunem tiiŋ ɣɔn cïï yen wënde tɔ pïïr an bïï jäl kekë baaidu lek wun däŋ, në luɔi bïï Bɛ̈nydït cɔk tuööc ee pinyë, ku abï tɔ̈u në run kadhorou

2 Mel 8:5

Të wën lëk ë Geɣadhi ye melik yen luɔi cï Elica raan cï thou bɛ tɔ jɔt rɔt ë thuɔɔuwic, go tiiŋ cïï wënde jɔt ë thuɔɔuwic bɛ̈n ë melik nɔm ke gɔny ɣönde ku domde tëde melik, go Geɣadhi lueel an, “Bɛ̈nydï, yekï yen tik ku yekï yen wëndɛn wään bïï Elica tɔ pïïr!”

Luk 8:55

Go wëike kenïïm bɛ puk, ku jɔt rɔt ënɔnthiinë: go ke yɔ̈ɔ̈k an, bïk miɔɔc ë këcam.

Luɔi 9:40

Go Petero ke tɔ lɔ biic kedhie, go emiɔl tuk ku lɛ̈ŋ, na wën, ke wɛ̈l enɔm raan cï thou, ku yöök an, “Tabitha, jɔt rɔt!” Go enyin liep: na wën, aacï Petero tïŋ, ke jɔt rɔt rëër.