2 Mel 4:31 - JAM DE NHIALIC 2011

³¹ Ku wat Geɣadhi keek, le ku kɛn thieec ë meth nyin, go ciën röl, ku cïn kë piŋ. Go lɔ ciëën bï lɔ yök kekë Elica ku lëk en an, “Meth akën rɔt jɔt.”

2 Mel 4:31 ပူးပေါင်းရင်းမြစ်များ

1 Mel 18:26

Gokï miɔɔr cï gäm ke nööm, ku kïïtkï, ku läŋkï Baal, aake gɔl lɔ̈ŋ ɣɔn amiäk abï akɔ̈l rɔt puk. Aake ye cööt aläl, an, “Baal piŋ jamda!” Colkï ke ke riäŋ ke ke geeu yïïŋ cïk yïkë piny. Ago ciën röl piŋkï, ku cïn raan piŋ këden.

1 Mel 18:29

Gokï cool ë wou ë ke riäŋ abï akɔ̈l thëi, ku cïn raan piŋ këdäŋ, ku cïn röl cï bɛ̈n piŋ.

2 Mel 4:32

Na wën, aa bɔ̈ Elica ɣöt, ke yök meth acï thou, ku cï tääu në agende nɔm.

2 Mel 5:20

go Geɣadhi lïm de raan de Nhialic piɔ̈u jam ku lueel an, “Bɛ̈nydï acï Naaman tɔ jäl ke cïn kë tɛ̈ɛ̈u piny! Adï cï ka cï raan de Thiriya ke gäm en nööm. Yɛn cï kuëëŋ në Bɛ̈nydït pïïr, abä cuɔp kueer, ku yɛn bï këdäŋ lɔ nööm tëde yen.”

2 Mel 8:1

Na wën ke Elica ë yöök tiiŋ wun ë Cunem tiiŋ ɣɔn cïï yen wënde tɔ pïïr an bïï jäl kekë baaidu lek wun däŋ, në luɔi bïï Bɛ̈nydït cɔk tuööc ee pinyë, ku abï tɔ̈u në run kadhorou

Jop 14:12

yen aye raan tɔ̈c ku cïï rɔt be jɔt agut të le tënhial liu, acï bï riëër, ku nɔn pɛ̈ɛ̈c ë nïnde yic.

Edhekiɛl 14:3

“Mɛnh ë raan, kɔckë acïk kepiɔ̈ɔ̈th gäm yiëth ku tɔkï yiëth wɛt keek në rɛ̈ɛ̈cic. Yek tak bä ke gäm këdɛn kɔɔrkï?

Danyel 12:2

Kɔc juëc cï thou abïk bɛ pïïr, kɔc kɔ̈k abïk piɔ̈ɔ̈th miɛt në pïïr athɛɛric, ku kɔ̈k abïk gum në ayär athɛɛric.

Mak 5:39

Na wën, acï lɔ ë kalic, ke yöök keek, an, “Eeŋö cä wek nuɔɔn wäkya, ke we dhiau? Meth akën thou, anin tei.”

Jɔn 11:11

Ë kakë lueel: na wën, ke lëk keek an, “Ladharo mɛ̈thëda ë nin, ku yɛn lɔ, la pɔ̈ɔ̈c.”

Epethiei 5:14

Yen a lueel en en an, “Jɔ pääc, yïn ë raan ninë, jɔt rɔt ë kɔc cï thou yiic, ke yï bïï Kërtho riaau.”

1 Tham 14:37

Ago Thaulo Nhialic luɔp, an, “Bä lɔ piny la Pilithiin mak? Bä keek tɔ tiaam?” Ku Nhialic akën lopde bɛ̈n bɛ̈ɛ̈r ee köölë.

1 Tham 28:6

ago Thaulo Bɛ̈nydït luɔp në kë bï looi. Ku Bɛ̈nydït akën jamde bɛ̈n bɛ̈ɛ̈r taitai, akën nyuöth në cuɛt de Yurim ku Thumim ku nɔn ee tiët.