2 Mel 3:27 - JAM DE NHIALIC 2011

²⁷ Go wëndɛn dït ee yen duëër lɔ̈ɔ̈k bɛ̈n ë yecök ke ye melik nööm, ku gɛm ke ye miɔ̈c nɛ̈kë yanh ë Mowap në kal ë pänydït nɔm. Go riɔ̈ɔ̈c dït kɔc ke Yithriɛl dɔm, gokï röt pɔ̈k ciëën, bïk pinyden.

2 Mel 3:27 ပူးပေါင်းရင်းမြစ်များ

Cäk 22:13

Ago Abraɣam yenyin jat nhial, go gök ë nyɔɔŋ amääl tïŋ në yekɔ̈u ciëën ke cï rɔk dɔm tuŋ. Go Abraɣam e lɔ diëc, ku bï bɛ̈n teem röl në nyin ë wënde yic, ku nyop ke ye miɔ̈cde.

Cäk 22:2

Go Nhialic lɛ̈k en an, “Jɔt Yithaak, wënduön töŋ nhiaar aläl. Ku lɔ piny ë Moria në kuur nɔm ëtɛ̈ɛ̈n, të bä lɔ nyuöth yïn, ku näkë Yɛn ke ee miɔ̈cdï.”

1 Mel 20:13

Na wën ke tiët ë lɔ tëde Aɣap melik de Yithriɛl ku lueel, an, “Acï Bɛ̈nydït lueel an duökï riɔ̈c në remdïït de tɔŋ bɔ̈yë, abä ke tääu në yïcin ee köölë, yen abä wek e ŋic nɔn ee Yɛn Bɛ̈nydït.”

1 Mel 20:28

Go raan de Nhialic bɛ̈n tëde Aɣap melik de Yithriɛl, ku lueel, an, ‘Acïï Bɛ̈nydït lueel në biäk cï kɔc ke Thiriya e lueel an, ‘Bɛ̈nydït ee Nhialic de kur nïïm ku acie Nhialic de riaaŋic ka ënɔɔnë Yɛn bï akuut dïït de remdɛn ë tɔŋ ëbɛ̈n tääu në wecin, yen abïï wek e jɔ ŋic nɔn ee Yɛn Bɛ̈nydït.”’

1 Mel 20:43

Go melik rɔt pɔ̈k baaide ë Thamaria, ke diɛɛr ku cï piɔ̈u jiɛth.

2 Mel 3:26

Na wën aa lɔ melik de Mowap en ŋic nɔn cïï tɔŋ yic riɛl, go rem de tɔŋ raan bot kadhorou kuany, ke ke muk abätɛ̈ɛ̈u ku dïlkï kenïïm an temkï tuuŋ de melik de Edom kɔ̈u ku akënkï bɛ̈n lëu.

Edhekiɛl 16:20

“Na wën ke yï jɔt mïth wɛ̈t ku duet cï dhiëth ɛn, ku lɔ ke gam ke ke ye miɔ̈c näk de yiëth. Ë cïï rac arëët luɔi cïï yïn adöt tëde yɛn,

Amoth 2:1

Aye Bɛ̈nydït lueel an, “Kɔc ke Mowap abä keek luöi këtuc, në biäk de karɛc juëc cïk keek looi. Arëk abïk yom ke bɛ̈ny de Edom nyop abïk aa ŋeth.

Maika 6:7

Bï Bɛ̈nydït piɔ̈u miɛt kekë agum ke nyök amɛ̈l? Ku nɔn bï aguum kathiëër ke kiɛɛr ke miök nhiaar? Ja Bɛ̈nydït bɛ̈n gäm mɛnh kɛ̈idï bï nɔm aa karɛc cä looi? Bä gäm mɛnh ë nɔmdï ke bï ya päl awɛ̈ɛ̈ckï?

Nyöŋ 12:31

Duökï Bɛ̈nydït Nhialicdun ee lam në kueer ye kek yiëthken lam, në biäk ye kek kanhiany looi ë läm de yiëthken yiic, ka mɛɛn Bɛ̈nydït. Arëk ayek mïthken gam näk keek në mac në yïkken nïïm.

Bäny 11:31

ke këriëëc lɔ kɔn bɛ̈n bei ɣöndï ke loor a nɔm të le yɛn bɛ̈n ciëën në tɔŋic, tɔŋ cän lɔ tiam, abï aa kë de Bɛ̈nydït, abä gäm Bɛ̈nydït ke ee miɔ̈c ye nyop ëbɛ̈n.”

Bäny 11:39

Na lɔ pɛ̈i kaarou thök, go rɔt pɔ̈k wun, go wun luöi kë cït kë cï yen gutguut lɛ̈k Bɛ̈nydït. Ku thou ke ye nyan kën kɔn yök ke moc. Ku ë kënë acï aa ciɛɛŋ de Yithriɛl,