2 Mel 3:26 - JAM DE NHIALIC 2011

²⁶ Na wën aa lɔ melik de Mowap en ŋic nɔn cïï tɔŋ yic riɛl, go rem de tɔŋ raan bot kadhorou kuany, ke ke muk abätɛ̈ɛ̈u ku dïlkï kenïïm an temkï tuuŋ de melik de Edom kɔ̈u ku akënkï bɛ̈n lëu.

2 Mel 3:26 ပူးပေါင်းရင်းမြစ်များ

2 Mel 3:25

Ku riäkkï wuötken ku duum ke tiim ee luɔk ë mïth piɛth ëbɛ̈n, acïk duum ëbɛ̈n cuɛ̈t yiic kur, arëk abïk yiic thiäŋ, ku tɔkï nyïïn ke pïïu kääc ëbɛ̈n, ku yepkï tiim piɛth ëbɛ̈n. Ee wun cɔl Kirɣereth yen aa dɔ̈ŋ kekë kurke, go rem ee moc ë kɔi ye lɔ̈ɔ̈k tuɔɔk ku dɔmkï.

2 Mel 3:27

Go wëndɛn dït ee yen duëër lɔ̈ɔ̈k bɛ̈n ë yecök ke ye melik nööm, ku gɛm ke ye miɔ̈c nɛ̈kë yanh ë Mowap në kal ë pänydït nɔm. Go riɔ̈ɔ̈c dït kɔc ke Yithriɛl dɔm, gokï röt pɔ̈k ciëën, bïk pinyden.

2 Mel 3:9

Ëtɛ̈ɛ̈n go melik Jeɣoram de Yithriɛl ku melik de Juda ku melik de Edom lɔ. Na wën aa cïk cath në nïn kadhorou, ke rem de tɔŋ ayïï ɣɔ̈k ë kuɛɛthë në kecök acïk ciën pïïu ke dëk.

2 Mel 8:20

Në ruöön ɣɔn nu Jeɣoram në bäänyic, Edom acï Juda bɛ̈n rɛɛc ë tɔŋ, ku kuënykï röt melikden ke ye ciɛɛŋ lääu nɔm.

Amoth 2:1

Aye Bɛ̈nydït lueel an, “Kɔc ke Mowap abä keek luöi këtuc, në biäk de karɛc juëc cïk keek looi. Arëk abïk yom ke bɛ̈ny de Edom nyop abïk aa ŋeth.