2 Mel 3:25 - JAM DE NHIALIC 2011

²⁵ Ku riäkkï wuötken ku duum ke tiim ee luɔk ë mïth piɛth ëbɛ̈n, acïk duum ëbɛ̈n cuɛ̈t yiic kur, arëk abïk yiic thiäŋ, ku tɔkï nyïïn ke pïïu kääc ëbɛ̈n, ku yepkï tiim piɛth ëbɛ̈n. Ee wun cɔl Kirɣereth yen aa dɔ̈ŋ kekë kurke, go rem ee moc ë kɔi ye lɔ̈ɔ̈k tuɔɔk ku dɔmkï.

2 Mel 3:25 ပူးပေါင်းရင်းမြစ်များ

Cäk 26:15

Agokï yïth kuötiic kedhie, yïth ɣɔn wec ë lïïm ke wun Abraɣam ɣɔn ŋoot Abraɣam ke pïïr.

Cäk 26:18

Ku wet yïth ke pïïu yiic, yïth wään cï Abraɣam ke wec, ku löök ë kɔc ke Pilithiin ke kuötiic, ɣɔn cïï Abraɣam thou. Ku ciëk keek në rin wään cï wun ke kɔn cäk.

2 Tham 8:2

Ku acï kɔc ke Mowap tiaam ayadäŋ. Ku tɔ keek tɔ̈c piny ë tiɔp nɔm, ku jɔ keek them në awiɛɛth. Ku kɔc kaarou nɔ̈k në kɔc kadiäk yiic. Go kɔc ke Mowap bɛ̈n aa lïïm ke Debid ku yek kuöt athölbö.

2 Mel 3:19

Ku yïn bï wuötkɛn piɛth cï ŋiëc gël peec, ku wuöt cï lɔc ku yiɛpkï tiim piɛth ëbɛ̈n, ku takï nyin riŋ ë pïïu thïn kääc, ku riäkkï pinydɛn ŋic luɔk ëbɛ̈n në kur.”

2 Mel 3:24

Na wën aa lɔ kɔc ke Mowap bɛ̈n të cï kɔc ke Yithriɛl piɔ̈ɔ̈t thïn, go kɔc ke Yithriɛl röt jɔt, ku rɛ̈mkï në keek, arëk abïk keek cop, abï kɔc ke Mowap kat ë keek, agokï kɔc ke Mowap nɔ̈k të le kek ke ke kɔt.

2 Mel 3:26

Na wën aa lɔ melik de Mowap en ŋic nɔn cïï tɔŋ yic riɛl, go rem de tɔŋ raan bot kadhorou kuany, ke ke muk abätɛ̈ɛ̈u ku dïlkï kenïïm an temkï tuuŋ de melik de Edom kɔ̈u ku akënkï bɛ̈n lëu.

2 Lëk 32:4

Go gökdïït ë kuut de kɔc guëër, gokï nyïïn ku liil ke pïïu ee pänydït reetic thiɔ̈ɔ̈k, luelkï an, eeŋö duëër ë melik de Athiriya bɛ̈n ku yök pïïu juëc?

Yith 15:1

Kënë ee jam në biäk de Mowap. Pɛ̈ɛ̈nydït ke Ar ku Kir acï ke riɔ̈ɔ̈k në wɛ̈ɛ̈r tökic, ku jɔ piny de Mowap lɔ dïu ëbɛ̈n

Yith 16:11

Yɛn kïm në dhiënëpiɔ̈u në biäk de Mowap, ku jiɛth piɔ̈u në biäk de Kirɣereth.

Yith 16:7

Kɔc ke Mowap abïk dhiau në biäk de nuan cï ke yök. Abïk dhiau kedhie të le kek këcam mit ɣɔn yek cam në Kirɣereth tak. Abï keek thɛl ë bäp ë piɔ̈uwic.

Jeremia 48:31

Ka Yɛn bï kɔc ke Mowap dhiëëu, ku dhiëëu kɔc ke Kirɣereth.

Jeremia 48:36

“Ka piɔ̈ndï adhiëëu Mowap kekë kɔc ke Kirɣereth, cït man de raan kiit din de dhiëëu ë aruöör, në biäk cïï këriëëcden ëbɛ̈n jäl.

Nyöŋ 2:9

Ago Bɛ̈nydït ɛn yɔ̈ɔ̈k an, ‘Duökï kɔc ke Mowap yɔŋ, ku duökï keek köör akɔ̈ɔ̈k, në biäk cän week bï gäm tëthiinakäŋ ë pinyden yic, yɛn cï Ar gäm wɛ̈ɛ̈t ke Lɔt ke ye këden.’ ”

Bäny 9:45

Go tɔŋ rɔt cuuth në ee köölë yic ëbɛ̈n. Ago Abimelek wut peec, ku nɛ̈k kɔcke, ku jɔ wut riɔ̈ɔ̈k ku weer amilɔ në yeyic.