2 Mel 3:17 - JAM DE NHIALIC 2011

¹⁷ Në baŋ cïï Bɛ̈nydït E lueel an, ‘Yïn cïï deŋ bï tïŋ kekë yom, ku awuulkë abïk yiic thiäŋ në pïïu, ka yïn bï dek thïn wekë ɣɔ̈kku, ku läiku.’

2 Mel 3:17 ပူးပေါင်းရင်းမြစ်များ

2 Mel 3:16

Ku lueel an, “Acïï Bɛ̈nydït lueel, an, ‘Yɛn bï nyin cï dëuwë thiɔ̈ɔ̈ŋic në awuul juëc.’

Diɛt 107:35

Bɛ̈nydït acï jɔ̈ɔ̈r puk ke ye të de yic awuul ke pïïu ku tɔ piny cï riɛl de yic awɛɛŋ ee wat ë pïïu.

Diɛt 84:6

Të jɔ kek tëëk në wak de Baka yic, ayek tɔ ee nyïïn ke pïïu ku ye deŋ anyäc pɔ̈lken thiɔ̈ɔ̈ŋ yiic.

Bɛ̈n 17:6

Yɛn bï lɔ kɔ̈ɔ̈c në yïnɔm në kuur ë Thinai. Lɔ tɔŋ kuur kɔ̈u, ku pïïu abïk bɛ̈n bei thïn në yeyic, ke kɔc ë ke bï dek.” Go Mothe looi aya në röördït ke Yithriɛl nïïm.

Yith 48:21

Wään bïï ë Bɛ̈nydït kɔcke tëëk të tuc, ë jɔ̈ɔ̈ric, akënkï bɛ̈n nuan në rou. Acï pïïu bɛ̈n tɔ bɔ̈ bei në kuuric në biäkden, acï kuur bɛ̈n pakic abïï ɣɔ̈ɔ̈r, ku jɔ pïïu wɛ̈t bei.