2 Mel 25:9 - JAM DE NHIALIC 2011

⁹ Go Luaŋdït ɣɔ̈k mac, ku ɣön ë melik ku ɣööt ke Jeruthalem ëbɛ̈n, ɣön dït ëbɛ̈n acï nyuɔp piny.

2 Mel 25:9 ပူးပေါင်းရင်းမြစ်များ

1 Mel 9:7

ku Yɛn bï kɔc ke Yithriɛl nyaai piny wään cä gäm keek, ku Yɛn bï ë Luaŋdïïtë pɔ̈l, Luaŋdïït cä tɔ ɣeric ke ye të bïï Ya aa lɔ̈ŋ thïn. Ku Yithriɛl abï aa kääŋ tëde raan ëbɛ̈n, ku abïï yɔŋ.

1 Mel 9:8

Ku Luaŋdït abï tɔ̈u piny ke ye kuut cï riääk, ku raan ee tëëk eenë ëbɛ̈n abï gäi, ku riëëk piɔ̈u an, ‘Eeŋö luiyë Bɛ̈nydït ee kënë pinyë, ayï Luaŋdïïtë?’

2 Lëk 36:19

Ku nyop ɣön ë Nhialic kekë pänydït ë mac, ku nyop ɣööt ke bääny kedhie, ku dhoŋ päny de kal piny.

Edhr 5:12

Ku kë cïï kuarkuɔ Nhialic de paannhial tɔ göth, yen acïï keek bɛ̈n than ë Nebukadnedhar cin, raan ë jur cɔl Kaladayo, Melik de Babilonia, raan ee yen ë riäk luaŋdït ku peec kɔc leer ke Babilonia.

Diɛt 79:1

Nhialic, kɔc kën gam acïk paandu yak, acïk luaŋduön ɣeric yɔ̈ɔ̈r, ku nyiëëŋkï Jeruthalem piny ke cï riääk.

Yith 64:9

ka yïn du piɔ̈u go diu aläl we wook, ku du awɛ̈ɛ̈ckuɔ muk ë yïpiɔ̈u aɣet athɛɛr. Wok ee kɔcku, kokëpiɔ̈u we wook.

Jeremia 17:27

Ku abïk ya dhil riëëu, ku dötkï Thabath ke ee kööldiën ɣeric. Acïkï kathiek bï dhil aa tɛ̈ɛ̈k ë kal thok ë Jeruthalem ee köölë, na lek lɔ looi, yɛn bï thoŋ ë kal de Jeruthalem nyop ë mac. Mac abï ɣööt ke bääny nyuɔp piny ë Jeruthalem, ku acïn raan bï ye liɛɛu.”

Jeremia 26:9

Eeŋö lueel yïn en, në rin ke Bɛ̈nydït nɔn bï ee Luaŋdïïtë ciët Cilo, ku nɔn bïï ë pänydïïtë riɔ̈ɔ̈k, ku cïn raan bï rëër thïn?” Go kɔc kenïïm kut ë yalɔ̈ɔ̈m.

Jeremia 34:2

Go Bɛ̈nydït Nhialic de Yithriɛl ya yɔ̈ɔ̈k bä lɔ lɛ̈k Dhedekia melik de Juda an, “Yɛn Bɛ̈nydït, Yɛn bï ee pänydïïtë gäm melik de Babilonia, ku abïï nyuɔp piny.

Jeremia 34:22

Abä ke yɔ̈ɔ̈k ka abïk kenïïm pɔ̈k ee pänydïïtë. Abïk mak ku abïk peec, ku nyopkï piny. Yɛn bï wuöt ke Juda tɔ cït jɔ̈ɔ̈ric të cïn raan ee ceŋ thïn. Acä lueel, Yɛn Bɛ̈nydït.”

Jeremia 37:10

Cakaa wek ë tiam rem de tɔŋ ë Babilonia ëbɛ̈n, abï kɔc de gup tëtöök döŋ, ke ke nin ë pɛɛnyken yiic, kek ee röörkë abïk ŋoot ke ke jɔt röt ku nyopkï pänydït piny.”

Jeremia 37:8

Ku Babilonia abï bɛ̈n ciëën, ku mɛk pänydït, ku peec, ku nyop piny.

Jeremia 39:8

Ku ëtɛ̈ɛ̈n, kɔc ke Babilonia acïk ɣön de bääny bɛ̈n nyuɔp piny, ku nyopkï ɣööt ke kɔc, ku jiëpkï kal de Jeruthalem piny.

Jeremia 41:5

go röör kathiërbɛ̈t bɛ̈n në Cekem, ku Cilo, ku Thamaria. Acïk nhïm de kethook muut, ku retkï lupɔɔken yiic, ku ŋuëëtkï kegup. Aake bïï rap ku wal ŋïr bïk bɛ̈n gam ë Luaŋdït yic.

Jeremia 52:13

Go Luaŋdït nyuɔp piny, ku nyop ɣön de bääny, ku nyop ɣööt ke kɔc de naamden ëbɛ̈n ë Jeruthalem,

Jeremia 7:14

Ku kë cä luöi Cilo, abä luöi ɣöndiën ë Bɛ̈nydït, ɣön yak ŋɔ̈ɔ̈th. Yen të wään bä gäm kuarkun ku gäm week, Yɛn bï kë wääc cä luöi Cilo looi.

Dhiëëu 1:10

Kɔc ke ater acïk wëuke peec kedhie. Acï keek tïŋ ke ke lɔ tëɣeric guöp, të cïï Bɛ̈nydït pɛ̈n juöör cie Judai, ke ke cïï bï aa lɔ në akutnɔmdu yic.

Dhiëëu 2:7

Bɛ̈nydït acï yïïŋde rɛɛc ku nyiëëŋ tëdɛn ɣeric piny. Acï kɔc ke ater tɔ jiëp pɛ̈ɛ̈nyke piny. Acïk kiɛɛu de tiëm moc të wään ye wok lam thïn në miɛtëpiɔ̈u.

Dhiëëu 5:18

në luɔi cï kur de Dhiɔn wïïk yetök ku cï pɔ̈l, ku jɔ kɔ̈ɔ̈rgɔl pɛ̈ɛ̈nykɛn cï wïïk caath yiic.

Edhekiɛl 10:2

Go Bɛ̈nydït raan ceŋ lupɔ linɔn yɔ̈ɔ̈k an, “Lɔɔr në kɛm ke cök ke abëël, nu ë cerubiim thäär, ku thiäŋ yïciin në cool dɛ̈p. Ku wɛɛrë cool piny në pänydït nɔm.” Guɔ woi ke lɔ.

Edhekiɛl 16:41

Abïk ɣöötkun nyuɔp piny ku jɔkï kuut ke diäär tɔ tïŋ luɔi luiyë ë yïn këtuc. Yïn bä tɔ päl baldu, ku pɛ̈n yïn luɔi bï yïn määthku aa gäm miɔ̈c.

Lebai 26:31

Yɛn bï pɛ̈ɛ̈nydïtkun riäär piny, ku riääk ɣäänkuön ke läm, ku rɛɛc miɔ̈cduön ye gam.

Lebai 26:33

Yɛn bï tɔŋ yiɛ̈n week ku thiäi we piny ë juööriic. Pinydun abï yic ciën kɔc ku pɛ̈ɛ̈nydïtkun tɔ̈u ke ke cï riääk.

Amoth 2:5

Yɛn bï mac tuɔɔc Juda bï lɔ nyuɔp piny, ku nyuɔp ɣään riil ke Jeruthalem piny.

Amoth 6:11

Ku ënɔɔnë, acï Bɛ̈nydït lueel an bï, ɣöötdït thuöör piny, ku dhoŋ ɣööt kor piny taitai.

Maika 3:12

Ku në biäkdun yen abï ë Dhiɔn geer yic cït man de dom, ku Jeruthalem abï ya kuut de dhuur, ku Luaŋdït abï lɔ̈ɔ̈k aa roor.