2 Mel 25:5 - JAM DE NHIALIC 2011

⁵ Ku rem de tɔŋ de Babilon acïk keek bɛ̈n cuɔp kueer, ku dɔmkï melik në riaaŋ de Jeriko yic, ku remdɛn ë tɔŋ aake cï thiëi wei në yeciin.

2 Mel 25:5 ပူးပေါင်းရင်းမြစ်များ

2 Mel 25:4

Go kɔc kal ë pänydït pïl kɔ̈u, ku kɔt kɔc ee tɔŋ thɔ̈ɔ̈r kedhie ɣɔn akɔ̈u, gokï tëëk në kueer bɔ̈ të lɔ kal thok në kaam ë kɛ̈l kaarou, në kueer ë dom de melik, ke kɔc ke Babilon ë ke cï wut cak tuɔɔk cil, acïk bɛ̈n tëëk ke ke wel kenïïm Araba.

2 Mel 25:6

Go Dhedekia lɛɛr në Nebukadnedhar melik Babilon, ke nu në Ribila, ago Nebukadnedhar löŋde lɔ teem ëtɛ̈ɛ̈n.

Yith 30:16

Ku acäk tak an bäk ban ë jöŋgöör ŋic riŋ të cop ë kɔc ke aterdun week. Ee yicdun, kat ee yen ee kë bäk looi! Ayak tak an ŋic jöŋgöörkun riŋ aläl, ku kɔc cop week aŋickï riŋ aläldïïtë!

Jeremia 21:7

Ku në ee kakë cök Yɛn bï Dhedekia melik de Juda gam, kekë kɔc ee ye luööi, ku kɔc nu ee pänydïïtë yic, kɔc bï poth në jɔɔkiic, ku tɔŋic, ku cɔkic, abä ke gäm Nebukadnedhar melik de Babilon, ku gäm ke remdɛn ë tɔŋ, ku gäm ke kɔc kɔɔr bïk keek nɔ̈k. Abïï keek nɔ̈k në abätäu, acïï ke bï nyuöth kokëpiɔ̈u, ku cïï kie päl, ku cïï ke tɔ pïïr. Acä lueel, Yɛn Bɛ̈nydït.”

Jeremia 24:8

“Ku në biäk de Dhedekia melik de Juda, ku bäny thiäk në yen, ku kɔc kɔ̈k ke Jeruthalem ceŋ ee pinyë ku nɔn cïk lɔ Rip, Yɛn Bɛ̈nydït, abä keek looi arac kedhie cï man de mïth ke enap rac cïï duëërë cam.

Jeremia 34:3

Yïn cïï bï ban, yïn bï peec ku gëmë yïn en. Yen abä tïŋ guöp në yïnyin ku jamë wekë yen, ku ëtɛ̈ɛ̈n yïn bïï lɛɛr Babilonia.

Jeremia 39:5

Go rem de tɔŋ de kɔc ke Babilonia ke cop, agokï Dhedekia lɔ dɔm në riaaŋ thiääk ke Jeriko. Agokï yiɛ̈n Nebukadnedhar melik de Babilonia, ke rëër në pänydït de Ribila piny de Ɣamath, go Nebukadnedhar löŋde teem ëtɛ̈ɛ̈n.

Jeremia 52:8

Ku rem de tɔŋ de Babilonia, acïk Dhedekia bɛ̈n cop, abïk lɔ dɔm ë riaaŋ thiääk ke Jeriko, ku aacïï remdɛn ë tɔŋ päl wei.

Dhiëëu 1:3

Kɔc ke Juda acï keek tɔ ye lïïm, acï keek cuɔp wei ë bɛ̈iken yiic. Arëërkï në juöör kɔ̈k yiic, ke ke cïn nïïm piny. Acï keek gɛɛu cil në kɔc ke ater, ku acïn të duëër kek röt kual.

Dhiëëu 1:6

Läk de nyan de Dhiɔn acï ya ke ye paar. Bänyke acïk ciët ŋer cï kɔ̈c kekë cɔk. Ŋer cïï riɛl jäl të kɔt kek në kɔc ee ke yɔ̈ɔ̈p.

Edhekiɛl 12:14

Yɛn bï kɔc ke baaide, ku kɔc ee yen jääm, ku kɔc yen tiit thäi në aguuk yiic kedhie, ku abïï kɔc keek kɔɔr bïk keek nɔ̈k.

Edhekiɛl 17:21

Remdɛn ril de tɔŋ abïï ke nɔ̈k në tɔŋic, ku kɔc bï döŋ apïr, abïï ke thiäi piny në aguuk yiic kedhie. Ëtɛ̈ɛ̈n abäk jɔ ŋic nɔn ee yɛn Bɛ̈nydït, yɛn aa jam.”

Edhekiɛl 19:1

Acïï Bɛ̈nydït lɛ̈k ɛn, bä ë dinë kɛ̈t wɛ̈ɛ̈t meliik ke Yithriɛl kaarou: