2 Mel 25:4 - JAM DE NHIALIC 2011

⁴ Go kɔc kal ë pänydït pïl kɔ̈u, ku kɔt kɔc ee tɔŋ thɔ̈ɔ̈r kedhie ɣɔn akɔ̈u, gokï tëëk në kueer bɔ̈ të lɔ kal thok në kaam ë kɛ̈l kaarou, në kueer ë dom de melik, ke kɔc ke Babilon ë ke cï wut cak tuɔɔk cil, acïk bɛ̈n tëëk ke ke wel kenïïm Araba.

2 Mel 25:4 ပူးပေါင်းရင်းမြစ်များ

2 Mel 25:5

Ku rem de tɔŋ de Babilon acïk keek bɛ̈n cuɔp kueer, ku dɔmkï melik në riaaŋ de Jeriko yic, ku remdɛn ë tɔŋ aake cï thiëi wei në yeciin.

2 Lëk 32:5

Go melik kɛ̈l ke pänydït tɔ yïk abïk riɛl ku yïk ɣööt bär në kɛ̈l nïïm, ku yïk kal däŋ biic ë kal kɔ̈u. Ku acï biäk thɛɛr të lɔ aköl amiäk de Pänydït de Debid looi ayadäŋ. Ku aa de nɔm tɔɔŋ juëc ku kööt ayadäŋ.

Neɣe 3:15

Calum wën ë Koloɣodh, bɛ̈ny de Midhpa acï Thoŋ de Awaŋ nyɔk në yïk, ku tɛ̈ɛ̈u awïk de kal thok, ku tɛ̈ɛ̈u athïïnke tëden ku rïurïu ke. Acï kal biäkdäŋë yïk në awuöl ë Cela nɔm ɣëëtkï ë dom de Melik, ku ɣëëtkï në kueer ye kɔc bɛ̈n piny Pänydït de Debid.

Yith 22:11

Wek cï pul wec ë pänydït thar, ke bï pïïu ee wat ke ke lɔ në awuöl thɛɛr yic aa muk. Ku wek kën këde Nhialic gam, Raan ë kïït ee kënë ɣɔn thɛɛr, ku tɔ ee kënë loi rɔt.

Yith 22:3

Bänykun ëbɛ̈n aake cï kat, go ke dɔm ke ke cïn winh töŋ cïk guɔ moc.

Jeremia 32:4

ku melik Dhedekia acï bï ban. Abä gäm melik de Babilonia, abïï melik tïŋ guöp ë yenyin ku abï jam ke yen.

Jeremia 34:3

Yïn cïï bï ban, yïn bï peec ku gëmë yïn en. Yen abä tïŋ guöp në yïnyin ku jamë wekë yen, ku ëtɛ̈ɛ̈n yïn bïï lɛɛr Babilonia.

Jeremia 38:18

Ku na kën ë rɔt gam, ka ee pänydïïtë abïï gäm kɔc ke Babilonia, ku abïk nyuɔp piny, ku yïn cïï bï ban tëde keek.”

Jeremia 4:17

ku abïk pänydït de Jeruthalem tuɔɔk, cï kɔc tit dom, në biäk cïï kɔcke Bɛ̈nydït rɛɛc. Acïï Bɛ̈nydït lueel.

Jeremia 4:29

Në awuööu de kɔc ke jöŋgöör, ku kɔc ke dhɛ̈ŋ raan ëbɛ̈n abï kat. Kɔc kɔ̈k abïk kenïïm cɔ̈k roor, ku kɔc kɔ̈k abïk lɔ ë kur nïïm. Wuöt ëbɛ̈n abïk döŋ ke ke cïn yiic kɔc, ku acïn raan bï ke bɛ cieŋ.

Jeremia 44:30

Yɛn bï Ɣopra melik de Rip gäm kɔc de ater në yen, ku abä gäm kɔc kɔɔr bïk yen nɔ̈k, cït man wään cän Dhedekia melik de Juda gäm Nebukadnedhar melik de Babilonia, aaye raan de aterde ku aa kɔɔr bï yen nɔ̈k.”

Jeremia 5:10

Yɛn bï kɔc ke ater tooc bïk tim de enap de kɔckï lɔ yɛp piny, ku acïkï keek bïï riɔ̈ɔ̈k taitai. Abä keek yɔ̈ɔ̈k bïk kër tɛm nïïm wei, në cïï ee kërkë ee kakï.

Dhiëëu 1:3

Kɔc ke Juda acï keek tɔ ye lïïm, acï keek cuɔp wei ë bɛ̈iken yiic. Arëërkï në juöör kɔ̈k yiic, ke ke cïn nïïm piny. Acï keek gɛɛu cil në kɔc ke ater, ku acïn të duëër kek röt kual.

Dhiëëu 1:6

Läk de nyan de Dhiɔn acï ya ke ye paar. Bänyke acïk ciët ŋer cï kɔ̈c kekë cɔk. Ŋer cïï riɛl jäl të kɔt kek në kɔc ee ke yɔ̈ɔ̈p.

Edhekiɛl 12:12

Wën melik mac päny keek abï kakɛn cï duut ɣääc në mɔ̈ɔ̈thic ku kuɛl rɔt të ɣɔ̈ɔ̈r cïk wɛ̈c en në päny kɔ̈u. Abï yenyin kum ku acïï të le yen thïn bï tïŋ.

Edhekiɛl 12:14

Yɛn bï kɔc ke baaide, ku kɔc ee yen jääm, ku kɔc yen tiit thäi në aguuk yiic kedhie, ku abïï kɔc keek kɔɔr bïk keek nɔ̈k.

Edhekiɛl 12:4

Të ŋoot ë piny ŋoot ke kën guɔ cuɔl, dut nɔmdu ke yï wel yïnɔm ë pɛ̈cic, agokï yïn tïŋ, ku bïk yïn woi ke yï jël thëën ke yï cït kë lɔ ë pɛ̈cic.

Edhekiɛl 33:21

Në kööl de dhïc, në pɛɛi de thiëër, në ruöön ye run ë peec ë wook thiëër ku rou, aa de raan cï rɔt kual ë Jeruthalem acï bɛ̈n ku lɛ̈k ɛn nɔn cïï pänydït löny.

Lebai 26:17

Yɛn bï rɔt wël week, ago kɔc dɛ wek ater week tiaam, kɔc man, week abïk week cieŋ. Ku wek bï ya kat, cakaa të cïn en raan cop week.

Lebai 26:36

“Ku në biäkdun wek kɔc cï döŋ ke we pïïr, yɛn bï riɔ̈ɔ̈cdït tääu në wepiɔ̈ɔ̈th piny de kɔc dɛ wek ater. Cakaa röl de yïnh ë tim gɔp ë yom abï keek tɔ kɔt. Abïk kat cït man ë ka kɔt në tɔŋ, ku abïk aa wïïk, cakaa cïn raan cop keek.

Dhek 8:19

“Kë cï Bɛ̈nydït de rɛm lueelkï: an thɛ̈k ye pɛɛi ye pɛ̈i ŋuan theek, ayï pɛɛi ye pɛ̈i dhïc, ayï pɛɛi ye pɛ̈i dhorou, ayï pɛɛi ye pɛ̈i thiëër abïk aa dhuëŋ ku miɛtëpiɔ̈u arëët tëde baai de Juda. Ka week nhiaarkï yic, ku mät.

Nyöŋ 28:25

“Bɛ̈nydït abï kɔc ke aterdun tɔ tiam week. Abäk keek mak në tuuŋ tök, ku wek bï aa kat në keek në tuŋ thook kedhie, ku kɔc ke piny nɔm kedhie, abïk riɔ̈ɔ̈c arëët të tïŋ kek kë cï tuöl tëde week.

Nyöŋ 32:30

Eeŋö duëër ë raan tök agum cop, ku tɔ kɔc kaarou aguum kathiëër tɔ kɔt. Bɛ̈nydït Nhialicden acï keek pɔ̈l Bɛ̈nydït Awärjäŋ acï keek nyääŋ wei.