2 Mel 25:3 - JAM DE NHIALIC 2011

³ Në kööl ye pɛɛi de ŋuan thok dhoŋuan në ee ruöönë yic, cɔk aa cï dït arëët wutic, aa cïn këman ciɛm ë kɔc ke wut.

2 Mel 25:3 ပူးပေါင်းရင်းမြစ်များ

2 Mel 25:2

ku jɔ wut tuɔɔk agut të bï Dhedekia run aa thiëër ku tök ke ye melik.

2 Mel 6:24

Na ɣɔn aa cï kaam tëëk ke melik Benɣadad de Thiriya ë mɛ̈ɛ̈t remdɛn ë tɔŋic ëbɛ̈n, ku le ku took pänydït de Thamaria piny.

2 Mel 6:25

Go cɔŋdït lööny Thamaria, të ɣɔn cï ke tuɔɔk, arëk abï nɔm de muul jɔ aa ɣɔɔc në atek kathiërbɛ̈t, ku aduŋ de wɛ̈ɛ̈l cɔl ceth ke guök aaye ɣaac në atek kadhïc.

Yith 3:1

Ënɔɔnë Bɛ̈nydït de rɛm, akɔɔr bïï këriëëc nyaai ëbɛ̈n në Jeruthalem ku Juda, raan ëbɛ̈n ku kak ee kɔc kony. Abï kacaamken ku pïïuken nyaai,

Jeremia 19:9

Kɔc ke ater abïk pänydït gɔ̈ɔ̈l piny ku themkï bïk kɔcke nɔ̈k. Abïï tuɔɔk cil arac ka kɔc nu ë pänydïtic, abïk röt aa cuet kapäc ku cuetkï mïthken gup.”

Jeremia 37:21

Go melik Dhedekia ya yɔ̈ɔ̈k bï ya guöör në kal de ɣön ë bääny yic. Guɔ rëër ëtɛ̈ɛ̈n, ku yɛn aaye gäm kuïn cï pam aköölnyïïn ëbɛ̈n, të ye ë ke thaal thïn, agut cï të wään cïï kuïïn cï pam jɔ thök ëbɛ̈n ë pänydït yic.

Jeremia 38:2

nɔn cïï Bɛ̈nydït ye lueel an, “Raan lɔ rëër ë pänydïtic abï thou në cɔk ku nɔn ee jɔk, ku kɔc lɔ lɔ biic, ku gëmkï röt kɔc ke Babilonia, acïï keek bï nɔ̈k, abïk ban në wëiken.”

Jeremia 39:2

Në kööl de dhoŋuan në pɛɛi ë ŋuan yic, në ruöön ye Dhedekia run thiëër ku tök ke ee melik, kɛ̈l ke pänydït aa cï keek thuur kɔ̈ɔ̈th.

Jeremia 52:6

Ku në kööl de dhoŋuan, në pɛɛi de ŋuan në ye ruöön manë yic, wään cïï cɔk jɔ dït, ka kɔc acïk ciën kë ciɛmkï,

Edhekiɛl 14:21

Kënë yen aye Bɛ̈nydït Awärjäŋ lueel an, “Yɛn bï karɛc kaŋuan tuɔɔc luöi yɛn Jeruthalem këtuc, tɔŋ, ku cɔk, ku läi roor, ku jɔɔk bï kɔc ku läi nɔ̈k athöŋ.

Edhekiɛl 5:10

Kë bï tïc, wärken ke mïth ku märken ke mïth abïk mïthken cuet, ku mïth abïk wärken ku märken cuet në Jeruthalem. Wek bä luöi këtuc ku thiäi kɔc bï pïïr në piny nɔm ëbɛ̈n.

Edhekiɛl 5:12

Biäk töŋ de diäk ë kɔckun abï thou në jɔk ku cɔk ë pänydïtic, ku thou biäk däŋ de diäk në abätäu biic në pänydït thok, ku biäk töŋ de diäk ciëën abä thiäi piny në ɣään ke yom kedhie, ku cuɔp keek në abätäu.

Edhekiɛl 7:15

Ade tɔŋ në kuɛɛr yiic, ku juäi ku cɔk në ɣööt yiic. Raan ee lɔ biic ëbɛ̈n abï thou në tɔŋic, ku raan tɔ̈u në pänydït yic ëbɛ̈n, abï thou në juäi ku cɔk.

Lebai 26:26

Yɛn bï të ye këcamdun bɛ̈n tɛɛm wei, ka diäär kathiëër abïk kuïnduön cï pam aa thaal në töny tök yic. Ku abïk kuïn cï pam aa thɛ̈m bei në ke ye ë them, ku të cä wek cam, wek bï ŋoot ke we nɛ̈k cɔk.

Dhek 8:19

“Kë cï Bɛ̈nydït de rɛm lueelkï: an thɛ̈k ye pɛɛi ye pɛ̈i ŋuan theek, ayï pɛɛi ye pɛ̈i dhïc, ayï pɛɛi ye pɛ̈i dhorou, ayï pɛɛi ye pɛ̈i thiëër abïk aa dhuëŋ ku miɛtëpiɔ̈u arëët tëde baai de Juda. Ka week nhiaarkï yic, ku mät.