2 Mel 25:27 - JAM DE NHIALIC 2011

²⁷ Në kööl de thiërrou ku dhorou, në pɛɛi de thiëër ku rou, në ruöön de thiërdiäk ku dhorou, ɣɔn cï kɔc ke Juda peec, yen aa gɔl ë Ebilmerodak bäänyde ke ye melik në Babilon, ago piɔ̈u kok kekë Jekonia melik de Juda, ku lony ɣön ë döm.

2 Mel 25:27 ပူးပေါင်းရင်းမြစ်များ

Cäk 40:13

Në ee nïnkë yiic kadiäk, melik de Rip abï yï lony, ku pɛ̈l yïn awänydu. Ku abï yï puɔ̈k nɔm në luɔidu yic. Ka bä bɛ aa gäm abïnyde cït man ɣɔn yïn en kɔn gäm en.

Cäk 40:20

Ku ëtɛ̈ɛ̈n, kööl ë ye akööl diäk, aaye kööl ë dhiëëth ë melik de Rip. Go dhuëëŋ dït luöi bänyke kedhie. Ku luny raan ee mäu thiëëp bei kekë raan ee kuïïn cï pam thaal. Ku bïï keek në lïïmke yiic.

2 Mel 24:12

go Jekonia melik de Juda rɔt thɔ̈n melik de Babilon kekë man, ku kɔckɛn ee ye luööi, ku mïthke, ku bäny nu baai de melik ëbɛ̈n. Në ruöön ye Nebukadnedhar run bɛ̈t ë bäänyic, go melik Jekonia jɔt ke mac,

2 Mel 24:15

Go Nebukadnedhar melik Jekonia jɔt ke mac kekë man, ku diëërke ku bänyke, ku kɔc ril ke baai, go keek peec ë Jeruthalem leer ke Babilon.

Kɛ̈ŋ 21:1

Piɔ̈n ë bɛ̈ny acït kuëër ë pïïu ke kiir aye Bɛ̈nydït Awärjäŋ wɛl nɔm të kɔɔr.

Jeremia 22:26

Yïn bä dhil tɔ pec wekë moor. Yïn bï dhil lɔ wun cïn raan töŋ cï dhiëëth thïn ë weyiic, ku bäk thou ëtök ëtɛ̈ɛ̈n wedhie.

Jeremia 28:4

Ku Yɛn bï Jekonia wën de Jeɣoyakim melik de Juda pɔ̈k nɔm ciëën ayadäŋ kekë kɔc ke Juda kedhie, kɔc wään cï peec ë kac ke Babilonia. Ee yic, Yɛn bï riɛl de Babilonia dhoŋ kɔ̈u. Acä lueel, Yɛn Bɛ̈nydït.”

Jeremia 38:17

Aguɔ lɛ̈k Dhedekia nɔn cïï Bɛ̈nydït Awärjäŋ, Nhialic de Yithriɛl ye lueel an, “Na lɔ rɔt lɔ gäm bäny ke rem de tɔŋ de melik de Babilonia, ke yïn bï pïïr, ku pänydïïtë acïï bï nyuɔp piny. Yïn wekë baaidu wedhie wek bï pïïr.”