2 Mel 25:25 - JAM DE NHIALIC 2011

²⁵ Ku na ɣɔn aa lɔ pɛ̈i kadhorou thök në ee ruöönë yic. Ke Yicmiɛl, wën ë Nethania bɔ̈ kekë kɔc kathiëër ku lɔ wën ë Elicama raan dhiën ë melik, ku mɛkkï Gedalia ku näkkï kɔc ke Judai, ku kɔc ke Babilon, ɣɔn tɔ̈u në yen wutic ë Midhpa.

2 Mel 25:25 ပူးပေါင်းရင်းမြစ်များ

2 Mel 11:1

Na ɣɔn aa lɔ Athalia man melik Aɣadhia ye tïŋ luɔi cïï wënde nɔ̈k, go kɔckɛn tɔ̈u baai de melik ëbɛ̈n tɔ näk.

2 Mel 25:24

Go Gedalia lëk keek, në remdɛn ë tɔŋ ëtök ëbɛ̈n an, “Duökï riɔ̈c në bäny ke rem de tɔŋ de Babilon, rɛ̈ɛ̈rkï piny de Juda eenë, luööikï melik de Babilon, ku käŋ kedhie abïk piath tëde week.”

Jeremia 40:15

Na wën ke lëk ë Joɣanan yen tëden kapäc an, “Tɔ yɛn lɔ bä Yicmiɛl lɔ nɔ̈k, ku acïn raan bï raan ë näk en ŋic. Eeŋö duëërë yen pɔ̈l anäk yïn? Kënë aduëër kɔc ke Judai cï kenïïm kut ë yïlɔ̈ɔ̈m tɔ thiäi, ku abï riääkdït yiɛ̈n kɔc kedhie kɔc lik cï döŋ ë Juda.”

Jeremia 41:1

Në pɛɛi de dhorou në ee ruöönë yic, go Yicmiɛl wën de Nethania wën de wën ë Elicama, raan de dhiën ë bɛ̈ny, ku ye raan töŋ ë bɛ̈ny de rem ë melik, go lɔ Midhpa kekë röör kathiëër lek Gadalia tïŋ. Të wën ŋoot en ke ke cäm ëtök kedhie,

Jeremia 41:2

go Yicmiɛl kekë röör kathiëër ë cath ë yen ëtök abätɛ̈ɛ̈uken wɛ̈ɛ̈th bei ku nɛ̈kkï Gadalia, raan cïï Babilonia tɔ ye bɛ̈ny.

Jeremia 41:3

Go Yicmiɛl kɔc ke Judai wään rɛ̈ɛ̈r ë Gadalia ëtök ë Midhpa nɔ̈k kedhie, ku nɛ̈k rem de tɔŋ ë Babilonia ë rëër ëtɛ̈ɛ̈n.

Dhek 7:5

Lueel an, “lɛ̈kë kɔc cieŋ piny kedhie, ayï bäny ke kakë Nhialic, an nɔn ya wek thek, ku dhiaukï në pɛɛi ye pɛ̈i dhïc, ku pɛɛi ye pɛ̈i dhorou në ee runkë yiic kedhie kathiërdhorou, ë we ye thek në këdï?

Dhek 8:19

“Kë cï Bɛ̈nydït de rɛm lueelkï: an thɛ̈k ye pɛɛi ye pɛ̈i ŋuan theek, ayï pɛɛi ye pɛ̈i dhïc, ayï pɛɛi ye pɛ̈i dhorou, ayï pɛɛi ye pɛ̈i thiëër abïk aa dhuëŋ ku miɛtëpiɔ̈u arëët tëde baai de Juda. Ka week nhiaarkï yic, ku mät.