2 Mel 25:22 - JAM DE NHIALIC 2011

²² Ku raan nu në kɔc nïïm kɔc ɣɔn dɔ̈ŋ piny de Juda, ɣɔn nyiëëŋ ë Nebukadnedhar piny melik de Babilon, aaye Gedalia yen ë lɔc wën ë Aɣaikam, ku ye wën ë Capan, bï aa bɛ̈ny de baai.

2 Mel 25:22 ပူးပေါင်းရင်းမြစ်များ

2 Mel 22:12

Go melik Ɣilikia bɛ̈ny de kake Nhialic yɔ̈ɔ̈k kekë Aɣikam wën ë Capan, ku Akbor wën ë Mikaya ku Capan raan ee käŋ gɔ̈ɔ̈r, ku Athaya raan ee melik luööi an:

2 Mel 25:25

Ku na ɣɔn aa lɔ pɛ̈i kadhorou thök në ee ruöönë yic. Ke Yicmiɛl, wën ë Nethania bɔ̈ kekë kɔc kathiëër ku lɔ wën ë Elicama raan dhiën ë melik, ku mɛkkï Gedalia ku näkkï kɔc ke Judai, ku kɔc ke Babilon, ɣɔn tɔ̈u në yen wutic ë Midhpa.

2 Lëk 34:20

Ku yɔ̈ɔ̈k Ɣilikia, kekë Aɣikam wën ë Capan, ku Abadon wën Mikaya, ku Capan raan ee käŋ gɔ̈ɔ̈r, ku lɔ Athaya, raan ee Melik luööi an:

Jeremia 26:24

Ku në biäk cï Aɣikam wën de Capan yɛn kony, yɛn kë bɛ̈n gäm kɔc bïk ya nɔ̈k.

Jeremia 39:14

gokï yɛn bɛ̈ɛ̈i bei ë ɣön ë bääny yic. Ku tɔkï ya tiit ë Gedalia wën de Aɣikam, ku ye wën de wën ë Capan, raan ee yen bï yɛn lɛɛr baai apiɛth. Aguɔ jɔ rëër ëtɛ̈ɛ̈n ë kɔc yiic.

Jeremia 41:1

Në pɛɛi de dhorou në ee ruöönë yic, go Yicmiɛl wën de Nethania wën de wën ë Elicama, raan de dhiën ë bɛ̈ny, ku ye raan töŋ ë bɛ̈ny de rem ë melik, go lɔ Midhpa kekë röör kathiëër lek Gadalia tïŋ. Të wën ŋoot en ke ke cäm ëtök kedhie,

Jeremia 41:18

Aake riɔ̈c në kɔc ke Babilonia, në biäk cï Yicmiɛl wën de Nethania Gadalia nɔ̈k, raan cï melik de Babilonia tɔ ye bɛ̈ny mac baai.

Jeremia 41:2

go Yicmiɛl kekë röör kathiëër ë cath ë yen ëtök abätɛ̈ɛ̈uken wɛ̈ɛ̈th bei ku nɛ̈kkï Gadalia, raan cïï Babilonia tɔ ye bɛ̈ny.

Jeremia 43:5

Na wën ke Joɣanan wën ë Karia ku bäny ke rem de tɔŋ kedhie, agokï kɔc cï döŋ Juda lɛɛr Rip kedhie, mɛ̈tkï ëtök në kɔc ë cï röt puk ë juööriic, juöör ɣɔn cï kek thiɛ̈i thïn.