2 Mel 25:21 - JAM DE NHIALIC 2011

²¹ Go melik de Babilon ke dui, ku nɛ̈k ke wutic ë Ribla piny de Ɣamath. Ka kɔc ke Juda cï ke jɔt pinyden, ke ke cï peec.

2 Mel 25:21 ပူးပေါင်းရင်းမြစ်များ

1 Mel 8:46

“Të cï kek Yïn luöi awäc, cït man cïn en raan cie wäc, ke Yïn duëër dhil gɔ̈th we keek ku tɔ ke tiam në kɔc ke aterden, ku leerë keek ë pɛ̈cic paan mec ku nɔn ee yen paan thiɔ̈k,

2 Mel 17:20

Go Bɛ̈nydït kɔc ke Yithriɛl rɛɛc ëbɛ̈n, go Bɛ̈nydït keek luöi këtuc, në tɛ̈ɛ̈u cï yen keek tääu në kɔc ke ater rac cin, aɣet të bï Yen keek cuɔp wei në Yelɔ̈ɔ̈m.

2 Mel 17:23

agut të bï Bɛ̈nydït Yithriɛl nyaai në Yelɔ̈ɔ̈m, cït man cï Yen ke yɔ̈ɔ̈k ë röl ë lïïmke tït ke Nhialic. Ago Yithriɛl peec ku leerë keek Athiriya agut cï ë köölë

2 Mel 23:27

Acïï Bɛ̈nydït lueel an, “Yɛn bï Juda luöi kë cït kë wään bä luöi Yithriɛl: Yɛn bï kɔc ke Juda nyaai në Yanyin, ku rɛɛc Jeruthalem, wun cä lɔc, ku Luaŋdït, të wään luɛɛl an bïï Ya lam thïn.”

2 Mel 24:15

Go Nebukadnedhar melik Jekonia jɔt ke mac kekë man, ku diëërke ku bänyke, ku kɔc ril ke baai, go keek peec ë Jeruthalem leer ke Babilon.

Jeremia 16:13

Ku ëtɛ̈ɛ̈n, wek bä cuɔp wei ee pinyë lɛɛr week piny kënkï kɔn tïŋ ku kën ë kuarkun kɔn tïŋ. Ku wek bï yiëth kɔ̈k jɔ aa luööi ëtɛ̈ɛ̈n aköl ku wakɔ̈u, ku acïn kokëpiɔ̈u bä nyuöth week.’”

Jeremia 52:27

tɔ̈u piny de Ɣamath. Ku acï ë melik keek bɛ̈n tɔ dui ëtɛ̈ɛ̈n, ku tɔ keek näk. Ago kɔc ke Juda jɔ peec pinyden ku leer ë keek piny lei.

Dhiëëu 4:16

Bɛ̈nydït acïï be diɛɛr ë biäkden, yen guöp acï keek thiäi piny. Acïn riëëu kekë kokdepiɔ̈u ye nyuöth bänykuɔn ke kakë Nhialic ayï röördïtkuɔ.

Edhekiɛl 24:14

Acä lueel, Yɛn Bɛ̈nydït Awärjäŋ. Akööl acïk bɛ̈n kööl bän lui. Yɛn cïï awänydu bï tɔ piɔl yic, ku cä piɔ̈u kok wo yïn, ku cä yïn päl. Yïn bï dhil luöi këtuc në biäk de kë cï looi.” Bɛ̈nydït Awärjäŋ yen aa jam.

Amoth 5:27

të la Yɛn week tɔ pec, leerë week paan tɔ̈u në Damathko kɔ̈u ciëën.” Yen kë cïï Bɛ̈nydït lueel ka, ku rinke acɔl keek Nhialic Awärjäŋ.

Nyöŋ 28:36

“Bɛ̈nydït abï week lɛɛr piny lei në melikdun, jur kɛ̈n wek kɔn lɔ rëër thïn ayï kuarkun, ku wek bï yiëth cï looi në kur ku tiim aa lɔ luööi ëtɛ̈ɛ̈n.

Nyöŋ 28:64

“Bɛ̈nydït abï week thiäi piny në juööriic ëbɛ̈n, gɔl në piny thar biäkë leer ë biäkë, ku ëtɛ̈ɛ̈n we bï yiëth ë loi në tiim ku kur aa luööi, yiëth kɛ̈nkï keek kɔn lam ayï kuarkun.

Nyöŋ 29:27

Ka Bɛ̈nydït acï jɔ gɔ̈th kekë kɔcke, ku yïn pinyden, ee riääkkë ëbɛ̈n, riääk cï gɔ̈ɔ̈r në awerekë yic.

Nyöŋ 4:26

Yɛn cï tënhial cɔɔl kekë piny ee köölë, bïk bɛ̈n daai në këdun, an, na lak yɛn cïï lɔ riëëu, ke we bï dap riäär ee pinyë yic. Wek cïï bï rëër aläl në ë piny tɔ̈u ë Jordan nɔm lɔŋtui, pinyduön bäk lɔ nöömë. Wek bï riɔ̈ɔ̈r nyïïn taitai.