2 Mel 25:11 - JAM DE NHIALIC 2011

¹¹ Ku pec Nebudharadan kɔc ɣɔn cï döŋ wutic, ayï kɔc ɣɔn cï kɔt tëde melik de Babilon, ku jɔ aa kɔc kɔ̈kkë ëbɛ̈n.

2 Mel 25:11 ပူးပေါင်းရင်းမြစ်များ

2 Lëk 36:20

Ku jɔt kɔc cï poth në abätäu thok leer keek Babilon, bïk yen lɔ luööi ke ke ye lïïmke ku lïïm ke käude agut cï bɛ̈n de Perthia nhial.

Edhr 2:1

Kɔc wään cï röt puk në pɛ̈cic në kɔciic, kɔc ɣɔn cï Nebukadnedhar, melik de Babilonia keek lɛɛr Babilon. Keek acïk röt puɔ̈k Jeruthalem ku Juda, ŋɛk ee lɔ wunden,

Diɛt 144:14

Tɔ ɣɔ̈kkuɔ ye dhiëth apiɛth ku bï ciën kɔ̈k ee thou, ku cïkï ee määr. Tɔ cïn dhiëëu ku jiɛthëpiɔ̈u ë kuɛɛrkuɔ yiic kedhie.

Jeremia 32:28

Yɛn bï ee pänydïïtë gäm Nebukadnedhar melik de Babilonia kekë remdɛn ë tɔŋ, abïk peec,

Jeremia 39:9

Ku kë ciëën, go Nebudharadan bɛ̈ny tueŋ de rem, kɔc wën cï döŋ ë pänydïtic jɔt ëtök në kɔc cï röt mät yen, leer keek Babilonia ke ke mac.

Jeremia 52:12

Në kööl de thiëër ë pɛɛi de dhïc, në ruöön ë thiëër ku dhoŋuan ë melik Nebukadnedhar ë Babilonia, ku raan ee Nebukadnedhar jääm, raan cɔl Nebudharadan, ku ye bɛ̈nydɛn ë rem de tɔŋ, go lɔ Jeruthalem.

Jeremia 52:15

Ku jɔt Nebudharadan kɔc wään cï döŋ piny ë pänydïtic, leer keek Babilonia, atëët lik cï döŋ, ku kɔc cï mat ë kɔc ke Babilonia.

Jeremia 52:30

ku në ruöön ye Nebukadnedhar run thiërrou ku diäk ë bäänyic, Nebudharadan bɛ̈ny de rem acï bot kadhorou ku thiërŋuan ku dhïc 745 ke kɔc ke Judai jɔt. Kuën ë kɔc kedhie, kɔc ë jɔt ayek 4,600.

Edhekiɛl 12:11

lɛ̈kë keek an kë cï looiyë ee kïn de kë bï tuöl tëde keek, abïk lɔ tëde thiaan ku abï keek peec.

Edhekiɛl 17:21

Remdɛn ril de tɔŋ abïï ke nɔ̈k në tɔŋic, ku kɔc bï döŋ apïr, abïï ke thiäi piny në aguuk yiic kedhie. Ëtɛ̈ɛ̈n abäk jɔ ŋic nɔn ee yɛn Bɛ̈nydït, yɛn aa jam.”

Edhekiɛl 5:2

Nyop këde diäŋden në pänydït, miäk cïï geeu cï ë pänydït gɛɛu cil wan, nöm diäŋ kɔ̈kë ku tɛ̈m ë keek në abätäu të le yïn ke yï cath në wut këc, wɛɛrë diäŋ kɔ̈k cï döŋë në yomic ku jɔ ke ya kaaŋiic në abätäudï.

Nyöŋ 28:36

“Bɛ̈nydït abï week lɛɛr piny lei në melikdun, jur kɛ̈n wek kɔn lɔ rëër thïn ayï kuarkun, ku wek bï yiëth cï looi në kur ku tiim aa lɔ luööi ëtɛ̈ɛ̈n.