2 Mel 25:1 - JAM DE NHIALIC 2011

¹ Ku në ruöön ɣɔn ye Dhedekia run dhoŋuan ke ye melik de Juda, në kööl ë thiëër, në pɛɛi ë thiëër, yen aa bïï Nebukadnedhar melik de Babilon kekë remdɛn ë tɔŋ ëbɛ̈n, bïï ku took Jeruthalem. Gokï piɔ̈ɔ̈t ë pänydït kɔ̈u, ku wilkï kal në thɔc abï nɔm ɣet nhial,

2 Mel 25:1 ပူးပေါင်းရင်းမြစ်များ

2 Mel 24:1

Në akööl ke Jeɣoyakim, go Nebukadnedhar melik de Babilonia Juda mak, go Jeɣoyakim tɔ ye raan ee ye luööi në run kadiäk, ku jɔ bɛ rɛɛc thok.

2 Mel 24:10

Në aköölkë yiic, go kɔc ee Nebukadnedhar luööi melik de Babilon, Jeruthalem mak ku tookkï.

2 Mel 25:2

ku jɔ wut tuɔɔk agut të bï Dhedekia run aa thiëër ku tök ke ye melik.

2 Mel 25:8

Na ɣɔn në kööl ë ye pɛɛi de dhïc thok dhorou në ruöön thiëër ku dhoŋuan ye Nebukadnedhar melik de Babilon, yen aa tooc yen raandɛn ee ye luööi cɔl Nebudharadan, bïï lɔ Jeruthalem.

1 Lëk 6:15

Go melik Nebukadnedhar Jeɣodhadak jɔt kekë kɔc kɔ̈k ke Juda, ku kɔc ke Jeruthalem, wään bïï Bɛ̈nydït keek tɔ pec.

2 Lëk 36:11

Dhedekia aaye run thiërrou ku tök ɣɔn dɔm en bääny ke ye melik de Juda, go bääny muk ë Jeruthalem në run kathiëër ku tök.

Yith 29:3

Nhialic abï pänydït mak, ku took cil, ku geeu cil.

Jeremia 21:2

“Luɔpë Bɛ̈nydït në biäkda, në biäk luiyë wo tɔŋ ë Nebukadnedhar melik de Babilon kekë remdɛn ë tɔŋ, tɛkdäŋ bï Bɛ̈nydït këdïït de gäi looi ë biäkda ku tɔ Nebukadnedhar tɔ puk rɔt.”

Jeremia 27:8

“Ku na de jur ku nɔn ee ciɛɛŋ cïï Nebukadnedhar bï aa luööi, Yɛn bï ee jurë kuum në tɔŋ, ku cɔk, ku jɔɔk agut të bän yen tɔ riɔ̈ɔ̈k ë Nebukadnedhar taitai.

Jeremia 32:1

Go Bɛ̈nydït jam ke tiët Jeremia në ruöön de thiëër ye Dhedekia melik de Juda, ku ye ruöön de bɛ̈t ye Nebukadnedhar melik de Babilonia.

Jeremia 32:2

Në ee kaamë yic, rem de tɔŋ de Babilonia aa mɛk Jeruthalem, ku tiët Jeremia aa cï guöör ë kal ë kɔc ee tïït yic kal nu ɣön ë bääny ë Juda yic.

Jeremia 32:24

“Ku kɔc ke Babilon acïk pänydït tuɔɔk cil ku akɔɔrkï bïk peec, ku amɛkkï ënɔɔnë. Tɔŋ, ku cɔk, ku jɔk abï pänydït tɔ lööny ë kecin. Aduëërë tïŋ kek ka wään cï lueel ëbɛ̈n acïk aa yic.

Jeremia 32:28

Yɛn bï ee pänydïïtë gäm Nebukadnedhar melik de Babilonia kekë remdɛn ë tɔŋ, abïk peec,

Jeremia 4:17

ku abïk pänydït de Jeruthalem tuɔɔk, cï kɔc tit dom, në biäk cïï kɔcke Bɛ̈nydït rɛɛc. Acïï Bɛ̈nydït lueel.

Jeremia 43:10

Ku lɛ̈kë keek an, Yɛn Bɛ̈nydït de rɛm, Nhialic de Yithriɛl, Yɛn bï lïmdï Nebukadnedhar melik de Babilonia bɛ̈ɛ̈i ee tënë, ku abï thööcde tääu ee kurkë nïïm, kur cäk keek kuöt nïïmë, ku abï paany de bääny thiɛth ë kenïïm.

Jeremia 50:17

Aye Bɛ̈nydït lueel an, “Kɔc ke Yithriɛl acïtkï amɛ̈l cïï ë köör ke cop ku thiɛ̈i ke wei. Wään tueŋ, acï melik de Athiriya keek mak, ku be Nebukadnedhar melik de Babilonia yomken reem.

Jeremia 51:34

Melik de Babilonia acï Jeruthalem dhuɔŋ piny ku ciɛm. Acï pänydït wiic yic, cï gul de pïïu, cït man ë ŋuäldït acï liek. Acï kë duëër jɔt jɔt, ku deeny kɔ̈k wei.

Jeremia 52:1

Dhedekia aaye run thiërrou ku tök, wään dɔm yen bääny ë Juda, ku jɔ bääny muk në run kathiëër ku tök. Man acɔl Ɣamutal, nyan de Jeremia wään rëër në pänydïït de Libna yic.

Jeremia 6:3

meliik abïk nyuc ëtɛ̈ɛ̈n në rɛmkɛn ke tɔŋ. Abïk piɔ̈ɔ̈t ë wut këc, ku ŋɛk abï aa piɔ̈ɔ̈t të cï tak.

Edhekiɛl 21:14

“Ënɔɔnë, mɛnh ë raan, cɔ̈ɔ̈r. Pam yïcin, ku abätäu abï näk ku be näk. Ee yen abätäu ee näk, abätäu ee kɔc riääc ku tem kɔc röt.

Edhekiɛl 26:7

Aye Bɛ̈nydït Awärjäŋ lueel an: “Yɛn bï melik dït nu ë meliik nïïm lɔ bɛ̈ɛ̈i, melik Nebukadnedhar de Babilonia, bïï Tayer bɛ̈n mak. Abï bɛ̈n në biäk të lɔ rut kekë remdïït de tɔŋ, në jöŋgöör ku abëël ke tɔŋ ku jööt ke tɔŋ.

Edhekiɛl 40:1

Aa ye kööl de thiëër, de ruöön ë piac bɛ̈n, ku ye ruöön ye runkuɔn ke pɛ̈c thiërrou ku dhïc, ku ye ruöön de thiëër ku ŋuan në dɔ̈m de Jeruthalem cök. Në ye köölë yɛn cï riɛldïït de Bɛ̈nydït yök në yaguöp, ku jɔt yɛn wei.

Dhek 8:19

“Kë cï Bɛ̈nydït de rɛm lueelkï: an thɛ̈k ye pɛɛi ye pɛ̈i ŋuan theek, ayï pɛɛi ye pɛ̈i dhïc, ayï pɛɛi ye pɛ̈i dhorou, ayï pɛɛi ye pɛ̈i thiëër abïk aa dhuëŋ ku miɛtëpiɔ̈u arëët tëde baai de Juda. Ka week nhiaarkï yic, ku mät.

Nyöŋ 28:52

Abïk wuöt ëbɛ̈n mak, wuöt nu ë piny gëmë Bɛ̈nydït Nhialicdun weekë, ku kɛ̈ldït bär cï gël, kɛ̈l yak keek ŋɔ̈ɔ̈th abïk wïïk.