2 Mel 24:13 - JAM DE NHIALIC 2011

¹³ ku jɔt wëu ke Luaŋdït ku kake ɣön ë melik ëbɛ̈n, leer ke Babilon. Cït man cïï Bɛ̈nydït ye kɔn lueel, go Nebukadnedhar wëu cï loi në adhääp dhuööŋ ëbɛ̈n, ka ɣɔn bïï Melik Tholomon ke looi në baŋ de luɔi ë Luaŋdïtic.

2 Mel 24:13 ပူးပေါင်းရင်းမြစ်များ

2 Mel 20:17

an akööl abïkï, akööl bïï ë këriëëc tɔ̈u baaidu ëbɛ̈n jɔt, ku këriëëc ɣɔn cïï kuarkun ke tɔ̈ɔ̈u aɣet cï ee köölë, abï ke jɔt, abï ke lɛɛr Babilonia. Acïn kë bï döŋ. Acïï Bɛ̈nydït lueel.

2 Lëk 36:7

Go Nebukadnedhar wëu ke Luaŋdït jɔt kedhie ku leer ke mat ë wëu ke baaide yic ë Babilon.

Yith 39:6

kööl abɔ̈ kööl bïï ë këriëëc ëbɛ̈n jɔt baaidu, këriëëc ɣɔn cïï kuarkun ke tɔ̈ɔ̈u aɣet cï ee köölë abïï ke jɔt, abïï ke lɛɛr Babilonia. Acïn kë bï döŋ.

Jeremia 17:3

ku lɔ kur nu ë riaaŋ nɔm. Yɛn bï kɔc ke aterdun tɔ jɔt kuɛthdun, ku kakun në biäk de karɛc cäk looi pinydun ëbɛ̈n.

Jeremia 20:5

Ku yɛn bï kɔc ke aterden tɔ rum kuɛth de ee pänydïïtë, nömkï kaken ku wëuken ëbɛ̈n, ayï wëu ke melik de Juda, ku jɔt käŋ ëbɛ̈n leer ke Babilonia.

Jeremia 28:6

Ago ë tiët Jeremia lɛ̈k en an, “Ee këdïït ë gäi! Amiin! Anhiaar duëër Bɛ̈nydït ee kënë looi! Anhiaar nɔn duëër en cäärdu tɔ ee yic, ku tɔ wëu bïïyë ciëën, wëu wään ke Luaŋdït cï lɛɛr Babilonia ku tɔ kɔc wään cï jɔt ke ke mac bɔ̈ ciëën.

Edhekiɛl 23:26

Abïk lupɔɔkun rɛt yiic ku jɔtkï adhɛ̈pkun ku atekkun.

Edhekiɛl 7:21

Acïï ë Bɛ̈nydït lueel an, “Abä keek tɔ rum alɛi, ku nöm kɔc rac kuɛthden ku riäkkï keek.”